قىرىق جاستان اسقان ايەلدەر ءوز دەنساۋلىعىن قالاي قورعاۋ كەرەك

  • كەلۋ قاينارى: ىلە گازەتى
  • 04:55:39 15/08/2018

    8. ۆيتامين E نى تولىقتاۋ. قىرىق جاسقا كەلگەن ايەلدەر ۆيتامين E نى تولىقتاۋعا دا كوڭىل ءبولۋ كەرەك. شىنتۋايتىندا ادامدار ۆيتامين E نىڭ نە ەكەنىن كوپ بىلە بەرمەيدى، كوپتەگەن جۇكتى ايەلدەر جۇكتىلىك كەزىندە دارىگەرلەر ولارعا ۆيتامين E نى تولىقتاۋ جونىندە كەڭەس بەرىپ جاتادى. ۆيتامين E انالىق بەزدى قورعاپ قانا قالماي، ايەلدەر اۋرۋىنان ساقتايدى، سونىمەن بىرگە ەركىن راديكالدى تەجەپ، كوڭىل كۇيدىڭ جايسىزدانۋىنان ساقتايدى. بۇدان تىس، ايەلدەردىڭ يممۋنيتەتتىك قۋاتىن ارتتىرىپ، ايەلدەر دەنساۋلىعىنىڭ اقاۋسىزدىعىن كۇشەيتەدى.

    9. بەت تەرىنى ۋقالاۋ. قىرىق جاسقا كەلگەن ايەلدەر جونىنەن العاندا، ەڭ باستى ماسەلە بەت تەرىسىنىڭ بوساۋى بولىپ، بەت تەرىسىنىڭ بوساۋىنداعى باستى سەبەپ تەرىدەگى كوللاگيندى بەلوك پەن سۋ قۇرامىنىڭ ازايۋىمەن تىكە قاتىستى بولىپ، بۇل بەت تەرىسىنىڭ وزگەرىسىنە ۇلكەن اسەر ەتەدى. بىلايشا ايتقاندا، كوز اينالاسىنا اجىم تۇسەدى، تەپ -تەگىس بەت تەرىسى بىرىسىپ - تىرىسىپ اجىمدەنە باستايدى، تەرىنى ۇنەمى ۋقالاپ تۇرۋ بەتكە اجىم ءتۇسۋدى باسەڭدەتەدى، ونىڭ ۇستىنە تەرىنىڭ اۋەلگى كۇيىن ساقتاۋعا كومەگىن تيگىزەدى. تەرىنى كوبىرەك ۋقالاۋ قان اينالىسىن جاقسارتىپ، قارتايۋدى باياۋلاتىپ، ۋىلجىعان نارتتاي قىزىل بەت الپەتىن ساقتايدى.

    ايەلدەر ءوزىن قورعاۋدا مىنا ءتورت نارسەگە دە كوڭىل بولۋ كەرەك

    1. ۇيلەسىمدى اياق كيىم تاڭداي ءبىلۋ. جازدىڭ شىلىڭگىر ىستىعىندا بيىك وكشەلى اياقتى قايتكەندە از كيۋگە بولادى؟ بيىك وكشەلى اياق كيىم تۇلعانى سۇلۋ دا ءساندى كورسەتكەن كەزدە، ونىڭ ءبىر جاعىندا حاۋىپسىزدىككە ىقپال ەتەتىن جاسىرىن فاكتورلاردى دا الا جۇرەدى. بيىك وكشەلى اياق كيىمدى ۇزاق ۋاقىت كيۋ ەكى اياق ءپىشىنىنىڭ وزگەرىسىن كەلتىرىپ شىعارادى. عىلىم مىنانى دالەلدەپ وتىر: قالىپتان تىس بيىك وكشەلى اياق كيىم كيۋ وكشە تارامىسى مەن ومىرتقا سۇيەكتى زاقىمدايتىن ءتۇيىندى فاكتور سانالادى، ەگەر دەنە سالماعى قالىپتان ارتىق بولىپ، بيىك وكشە اياق كيسە وندا تابان سۇيەگىنە اۋىر سالماق تۇسەدى دە، اياق سۇيەگىنىڭ جۋانداۋىنا اپارىپ سوعادى.

    2. ازىقتانۋعا ءمان بەرۋ كەرەك. جازعى ىستىق كۇن مەن جاۋىن - شاشىن، ىلعالدى اۋا رايى كوك باۋىردى وڭاي زاقىمدايدى. بۇدان تىس، اۋا رايى ىسىعاندا ادامداردىڭ كوڭىل كۇيى قالىپسىز بولادى، ۇيقىنىڭ قانباۋى دا اسقازان - ىشەك جولدارىنىڭ قالىپتى قىزمەتىنە ىقپال كورسەتىپ، تاماققا دەگەن تابەت تومەندەيدى. سوندىقتان جاز ماۋسىمىندا نەگىزىنەن سۋىقتىق تاعامداردى كوبىرەك تاڭداپ جەگەن ءجون. مۇندا ىستىقتى قايتاراتىن، كوك باۋىر مەن اسقازاندى جاقسارتاتىن ازىقتىقتاردى جەۋ، ماسەلەن، كوك بۇرشاق، ءسومبىل بۇرشاق، تۇينەكقوناق، كۇرىش، اشتى قيار، ءسانقاباق، قىزاناق سياقتى. كۇرىش، تارى كوجەلەردى جاساپ ىشسە دە بولادى، ماسەلەن، دولانا - تۇينەكقوناق بوتقاسى، كوك بۇرشاق پەن اق ساڭىراۋقۇلاق بوتقاسى، شامگۇل جاپىراعى بوتقاسى، ءسومبىل بۇرشاق بوتقاسى سياقتى. اشتى - تۇشتىنى كوپ جەمەگەن ءجون، مۇنداي نارسەلەر بەتكە بورتكەن، قوتىر شىعارادى.

جاۋاپتى رەداكتور: گۇلدەن ماقسات قىزى