جازدا سۋدى قالاي تولىقتاعان ءجون

  • كەلۋ قاينارى: ىلە گازەتى
  • 10:31:31 26/09/2018

 

    سۋ - تىرشىلىكتىڭ تىرەگى، ادامزات 17 كۇن تاماق جەمەۋىنە بولادى، الايدا سۋ ىشپەگەن ۋاقىت ەكى كۇننەن اسۋعا بولمايدى. ينتەرنەت داۋىرىندە ىستىق قايناعان سۋدى كوپ ءىشۋ جاستاردىڭ كۇلكىلى سوزىنە اينالدى. امالياتتا وسى كەز ەلىمىزدە ءبىر جىلدىڭ ىشىندەگى كۇن نۇرىنىڭ ءتۇسۋ ۋاقىتى ەڭ كوپ، تەمپەراتۋرا ەڭ جوعارى بولاتىن مەزگىل، وسىنداي شىلىڭگىر ىستىقتا سۋدى كوپ ءىشۋ ارينە قاجەتتى. كەيبىرەۋلەر كۇنىنە 8 ىستاكان سۋ ءىشۋ، كەيبىرەۋلەر سۋسىندىقتى، سيىر ءسۇتىن سۋ ورنىنا ءىشۋ كەرەك دەپ قاراسا، ال كەيبىرەۋلەر سۋدى كوپ ىسشە سەمىرىپ كەتەدى دەپ قارايدى. تومەندە سۋدى قالاي ىشكەندە دۇرىس بولاتىندىعى جونىندە مامانداردىڭ پىكىرىنە قۇلاق تۇرەيىك.

    سۋ مولشەرى ادامعا قاراي تۇرلىشە بولادى

    ىستىقتا تەر كوپ شىعاتىندىقتان سۋ تولىقتاۋ ارينە قاجەت بولادى. الايدا كەيبىرەۋلەر سۋ جىلقىسى سياقتى توقتاۋسىز سۋ ىشسە دە شولدەپ تۇرادى، ال كەيىبرەۋلەر تۇيە سياقتى كۇنى كەشكە دەيىن سۋ ىشپەيدى، ءبىراق شولدەمەيدى، بۇل نەلىكتەن؟

    ادەتتە ءبىر ادامنىڭ سۋدى قاجەت ەتۋ مولشەرى جاس شاماسى، ورتا تەمپەراتۋراسى، دەنە ارەكەتى سياقتى فاكتورلاردىڭ ىقپالىنا ۇشىرايدى. جۇڭگوشا شيپاگەرلىكتە بىلاي دەپ قارالعان: ادامنىڭ تىرشىلىك ارەكەتى سۋمەن تىعىز قاتىستى بولادى، ادام دەنەسى ءبىر كۇندە ءبولىپ شىعاراتىن كىشى دارەت مولشەرى شامامەن ءبىر مىڭ 500 ميلليليتر بولىپ، ۇلكەن دارەت، تىنىس الۋ جانە تەرى سياقتى جولدار ارقىلى سارىپ بولعان سۋدى قوسقاندا جالپى سارىپ بولعان سۋ مولشەرى شامامەن 2 مىڭ 500 ميلليليتر اينالاسىندا بولادى. سوندىقتان ساۋ دەنەلى ەرەسەك ادام ءار كۇنى قاجەت ەتەتىن سۋ مولشەرى 2 مىڭ 500 ميلليليتر بولىپ، مۇنىڭ ىشىندە ىشىلەتىن سۋ %50 تىن، ازىق قۇرامىنداعى سۋ %40 تىن، دەنەدەگى زات الماسۋدان پايدا بولاتىن سۋ %10 تىن ۇستايدى. ياعني جىلى كليمات شارت – جاعدايىندا تىرشىلىك ەتەتىن ءارى جەڭىل دەنە ەڭبەگىمەن شۇعىلداناتىن ەرەسەك ادام ءار كۇنى ەڭ از دەگەندە ءبىر مىڭ 200 - ءبىر مىڭ 500 ميلليلتر سۋ ىشەدى دەگەن ءسوز.

    الايدا ءبىر مىڭ 200 - ءبىر مىڭ 500 ميلليليتر سۋ تەك دەنە سالماعى 60 كيلوگرام، دەنە ەڭبەگىمەن شۇعىلداناتىن ەڭبەكشىنىڭ ءار كۇنگى ەڭ نەگىزگى تۇتىنلاتىن سۋ مولشەرى عانا. گۋاڭدۇڭ ولكەلىك جۇڭگوشا ەمدەۋ 2-شيپاحاناسىنىڭ مەڭگەرۋشىسى چين مين بىلاي دەيدى: ۇقساماعان ورتا، تەمپەراتۋرا، ەڭبەك كۇشەمەلىلىگى سياقتى ىقپالعا ۇشىراعان ادامداردىڭ سۋدى سارىپ ەتۋى دە تۇرلىشە بولادى، مىسالى، جوعارى تەمپەراتۋرادا نەمەسە كۇشتى دەنە ەڭبەگىمەن شۇعىلدانعان جاعدايدا، سۋ ءىشۋ مولشەرى ۇيلەسىمدى تۇردە ارتادى. سوندىقتان ادامدار ءوزىنىڭ ۇقساماعان جاعدايىنا قاراي وتىرىپ سۋ ءىشۋ مولشەرىن رەتكە ءتۇسىرۋى كەرەك.

    سۋ مولشەرى جەتكىلىكسىز بولسا نەمەسە وتە اسىپ كەتسە دە دەنساۋلىققا زيان، دەنەدە سۋ جەتكىلىكسىز بولعاندا شولدەۋدەن تىس، تەرى قۇرعاۋ، ەرىن جارىلۋ، دارمەنسىزدەنۋ، كىشى دارەت ازايۋ، باس اينالۋ، باس اۋىرۋ سياقتى جايتتەر كورىلەدى. اۋىر بولعاندا دەنە قىزۋ، مازاسىزدانۋ سياقتى اۋرۋ بەلگىسى كورىلەدى. سونىمەن بىرگە بەل اشىپ، جوتا اۋرۋ، بۋىن اۋىرۋ سياقتى جايتتەر كورىلەدى.

جاۋاپتى رەداكتور: گۇلدەن ماقسات قىزى