ءجۇزىمنىڭ دەنساۋلىققا پايداسى

  • كەلۋ قاينارى: ىلە گازەتى
  • 10:32:37 26/09/2018

  

    وسى كەز ءجۇزىمنىڭ بازارعا كوپتەپ شىعارىلاتىن مەزگىلى. ءجۇزىمنىڭ «قارتايتپايتىن جەمىس»، «ۇزاق عۇمىر جەمىسى»، «جەمىستىڭ سىرلىسى» دەگەن اتى بار. قىشقىل ءارى ءتاتتى ءجۇزىمدى كوپتەپ تۇتىنسا ادامعا كوڭىلدىلىك باعىشتاپ، اۋرۋدان ساقتاپ، ءتىپتى، اجارلاندىرا تۇسەدى. جۇڭگوشا شيپاگەرلىكتە بىلاي دەپ قارالعان: «ءجۇزىم قالىپتى رايلى، ءدامى قىشقىل ءارى ءتاتتى بولىپ، قان تولتىرىپ، كوڭىلدى ورنىقتىرىپ، سۇيەكتى بەكەمدەپ، كوكباۋىردى اقاۋسىزداندىرادى».

    شارشاۋدان ايىقتىرادى

    ءجۇزىمنىڭ بۇيرەكتى كۇتىمدەپ، دەنەنى شىمىرلاندىرىپ، قاندى جاقسارتۋ رولى بار. ءجۇزىمنىڭ قۇرامىنداعى ءجۇزىم قانىتى (گليۋكوزا) مەن جەمىس شىرىنى دەنەگە بارعاننان كەيىن ەنەرگياعا اينالىپ، دەنە قۋاتتى ارتتىرىپ، شارشاۋدان ءونىمدى تۇردە ايىقتىرادى، ۇنەمى تۇتىنعاندا دەنەنى قۋاتتاندىرا تۇسەدى.

    قارتايۋدى كەشەۋىلدەتەدى

    ءجۇزىمنىڭ قان اينالىسىن جاقسارتىپ، قان تولتىراتىن رولى بار. ءجۇزىمنىڭ قۇرامىنداعى كوك ءنىلدىڭ (دانتوتسيان) توتىعۋعا قارسى رولى بار، ول تەرى كلەتكاسىنىڭ زات الماستىرۋىن تەزدەتىپ، تەرىنىڭ قارتايۋىن باياۋلاتادى.

    تەرىنى اجارلاندىرادى

    ءجۇزىمنىڭ قان اينالىسىن جاقسارتاتىن رولى بار، ول تەرىنىڭ قان اينالىسىن جاقسارتىپ، قارا پيگمەنتتىڭ قالىپتاسۋىن تومەندەتىپ، تەرىنى اعارتىپ، داقتى جوعالتىپ، ىشكى سەكراتسيانىڭ ءبۇلىنۋىن رەتكە ءتۇسىرىپ، تەرىنى قۇرعاۋدان ساقتايدى.

    ۇيقىنى جاقسارتادى

    ءجۇزىمنىڭ كوڭىلدى ورنىقتىرىپ، ميدى قۋاتتاندىراتىن رولى بار. ءجۇزىمنىڭ قۇرامىندا ۇيقىنى جاقسارتاتىن گورمون بار. ول ۇلكەن ميدىڭ جوعارى قوسالقىسىنان ءبولىنىپ شىعاتىن زات بولىپ، ۇيقىنى رەتكە تۇسىرەدى، ەرتە ويانىپ ۇيىقتاي الماۋعا ەم بولادى.

جاۋاپتى رەداكتور: گۇلدەن ماقسات قىزى