پامير ۇستىرتىنە ۇيا سالعان «ماحاببات قۇسى»

  • كەلۋ قاينارى: ىلە گازەتى
  • 04:38:05 31/10/2018

 

    لۋ يان

 

    پامير ۇستىرتىندە جان سۇيىنتەرلىك ادەمى ءبىر ماحاببات اڭگىمەسى بار، ىلەنىڭ اجارلى ارۋى اينۇر دولقۇن ارمانىن جۇزەگە اسىرۋ ءۇشىن جوعارى مەكتەپ بىتىرگەننەن كەيىن ءوز قالاۋىمەن پامير ۇستىرتىنە كەلىپ قىزمەت ىستەپ، تۇرمىس كەشىرەدى. اينۇردىڭ بالدىرعان كۇنىنەن بىرگە وسكەن سۇيگەنى ونىڭ ۇندەۋىمەن ءتۇرلى بۇراڭدىقتاردى باستان كەشىرىپ، ءتىپتى، مەملەكەتتىك ۇكىمەت قىزمەتكەرلىگى ەمتيحانىنا 8 رەت قاتىناسىپ، اقىرى تاشقورعان تاجىك اۆتونوميالى اۋدانىندا قالىپ، كوڭىل قوسقان ادامىنا سەرىك بولادى. ەندەشە، تابيعاتى سۇلۋ، «جەر ۇيىعى» - ىلەنىڭ تۇلەگى بولعان وسى ءبىر جۇپ جاستىڭ ءتۇرلى قيىنشىلىقتاردى جەڭىپ، تەڭىز دەڭگەيىنەن بيىك پامير ۇستىرتىنە «ۇيا سالۋىنا»، ءبىر – بىرىنە سۇيەنىش بولۋىنا، كۇرەس جاساۋىنا قانداي ءبىر سۇيىسپەنشىلىك سەبەپ بولدى؟

    وسىدان 12 جىل بۇرىنعى مەزگىلگە ورالايىق.

    اجارلى اينۇردىڭ شينجياڭ اۋىل شارۋاشىلىق داشۋەسى مال شارۋاشىلىق فاكۋلتەتىنەن ەندى عانا وقۋ تاۋىسقان كەزى. ارمان ارقالاعان وسى ءبىر بويجەتكەن ارمانىن ىسكە اسىرۋ ءۇشىن تابان تىرەپ ىستەۋدى ويلايدى. ىلعالدى، جاسىل ورتا، جاننات مەكەن ىلەدە تۋىپ – وسسە دە، ءوزى سۇيگەن مال شارۋاشىلىق كاسىبى ءۇشىن ول باتىلدىقپەن تاشقورعان تاجىك اۆتونوميالى اۋداندىق مال شارۋاشىلىق مەكەمەسىنە بارىپ قىزمەت ىستەدى. بيىك تاۋ، شالعاي جول، ءۇستىرتتىڭ اسەرى، قۇلازىعان قاعىر ءوڭىر، مىنە وسىنداي كورگەن ادامنىڭ جۇرەگىن شايلىقتىراتىن فاكتورلار وسى ءبىر 24 جاستاعى بويجەتكەننىڭ قادامىنا كەدەرگى بولا المادى.

    اينۇردىڭ ەرەكشە ماقتان تۇتاتىنى، ول اۋدان ورتالىعىنا ەندى عانا قىزمەتكە تۇرعان كەزىندە اۋىل – قىستاقتاردا مالدى ۆاكسينالاۋ شۇعىل قاجەت بولادى، ونىڭ وقىعان مال شارۋاشىلىق كاسىبىنىڭ قاجەتكە جارار ءساتى تۋادى.

    اتا – اناسى قىزىنان قاتتى الاڭدايدى، وسى ءبىر جىلدىڭ ىشىندە ولار مۇندا 10 رەت كەلەدى. قىزىنا قايتا – قايتا ءناسيحات ايتىپ، «بۇل جەر مۇنداي جاپالى ەكەن، بولماسا ىلەگە قايتشى» دەيدى.

    ال اينۇر اۋدان قالاشىعى مەن اۋىل – قىستاق اراسىنداعى ابىگەرلىكتەن ءوز ورنىن تاۋىپ ۇلگىرەدى. ءبىر ءوزى ون نەشە ءتۇرلى قىزمەت ىستەپ، ءوزىنىڭ كاسىپتىك ءبىلىمىن ورنىن تاۋىپ قولدانادى. بۇرىن – سوڭدى بولماعان ماقتانىش سەزىمىنە بولەنگەن ول اكە – شەشەسىنە: «مەنەن الاڭداماڭىزدار، مەن ءوزىمدى وتە كوڭىلدى سەزىنەمىن» دەيدى.

جاۋاپتى رەداكتور: گۇلدەن ماقسات قىزى