جەر جاڭعاعىنىڭ ەمدىك رولى

  • كەلۋ قاينارى: ىلە گازەتى
  • 08:15:03 02/11/2018

 

    دەنەنىڭ ءوسىپ – جەتىلۋىن تەزدەتەدى. كالتسي – ادام دەنەسىن قۇرايتىن قاڭقا سۇيەكتىڭ نەگىزگى قۇرامى. جەر جاڭعاعىنىڭ قۇرامىندا كالتسي مولشەرى ءبىرشاما مول بولعاندىقتان كوپ جەسە دەنەنىڭ ءوسىپ – جەتىلۋىن تەزدەتەدى.

    كلەتكانىڭ جەتىلۋىن تەزدەتىپ، زەيىندى ارتتىرادى. جەر جاڭعاعىنداعى بەلوكتا ادام دەنەسىنە قاجەتتى ون نەشە ءتۇرلى امين قىشقىلى بار، مۇنداعى ليزين (ەكى اميندى كاپرون قىشقىلى) بالالاردىڭ زەيىنىن ارتتىرادى. گلۋتامين قىشقىلى كلەتكانىڭ جەتىلۋىن تەزدەتەدى جانە ۇلكەن ميدىڭ ەستە ساقتاۋ قابىلەتىن ارتتىرادى.

    ەرتە قارتايۋدان ساقتايدى. جەر جاڭعاعىنىڭ قۇرامىنداعى كات اعاشى زاتتىڭ قارتايۋعا قارسى تۇراتىن وتە كۇشتى رولى بار، ليزيندە دە ەرتە قارتايۋدان ساقتايتىن ماڭىزدى قۇرام بولادى. ۇنەمى جەر جاڭعاعىن جەسە ادام دەنەسىنىڭ قارتايۋىن باياۋلاتادى. سونىمەن بىرگە جەر جاڭعاعىنىڭ «ۇزاق عۇمىر جەمىسى» دەگەن اتى بار.

    وكپەنى مايدالاپ، جوتەلدى تيادى. جەر جاڭعاعىنىڭ قۇرامىندا ماي مول بولادى، ول وكپەنى مايدالاپ، جوتەلدى تيۋ رولىنا يە. سوزىلمالى جوتەل، قاقىرىققا قان ارالاسىپ كەلۋ سياقتى اۋرۋلارعا ىستەتىلەدى.

    قاندى ۇيىتىپ، قان تيادى. جەر جاڭعاعىنىڭ قابىعىندا ماي مەن ءار ءتۇرلى ۆيتامين مول بولادى ءارى قان ۇيۋدىڭ ۋاقىتىن قىسقارتاتىن زات بولادى، ول تالشىقتى بەلوكتىڭ ەرۋىنە قارسى تۇرىپ، جىلىك مايىنىڭ قان تاباقشاسىن جاساۋ رولىن اتقارادى. ءار ءتۇرلى قاناۋ سيپاتتى اۋرۋلاردىڭ قانىن تيۋ رولىن اتقارۋمەن بىرگە كونە اۋرۋدىڭ قايتالانۋىن ەمدەۋ رولىن دا اتقارادى. ادام دەنەسىنىڭ قان جاساۋ رولىنا دا پايدالى.

    جۇرەك اۋرۋىنان ساقتايدى. جەر جاڭعاعى مايىندا زور مولشەردە كىشى ماي قىشقىلى بولادى، بۇل تۇردەگى زات ادام دەنەسىندەگى حولەستەريندى ءوت جاپىراق قىشقىلىنا ىدىراتىپ، دەنە سىرتىنا ءبولىپ شىعارادى، حولەستەريننىڭ دەنە ىشىندە تۇنىپ قالۋىنان ساقتايدى، جوعارى حولەستەريننىڭ اۋرۋ قوزدىرۋ مۇمكىندىگىن ازايتىپ، جۇرەك اۋرۋى جانە ارتەريانىڭ قاتايۋىنان ساقتايدى.

    قان تولتىرادى. جەر جاڭعاعىندا ماي مەن بەلوك مول بولىپ، جاڭادان بوسانعان ايەلدەردە ءسۇت جەتكىلىكسىز بولۋعا وتە پايدالى بولىپ، ءسۇت كەلتىرۋ رولىن اتقارادى.

    اۋدارعان بولات توقتاسىن ۇلى

جاۋاپتى رەداكتور: جازيرا بولاتباي قىزى