اتا – انا ۇستازدى، ۇستاز بالانى قولداعاندا عانا ەڭ تاماشا ءتالىم – تاربيە بايلانىسىن قالىپتاستىرۋعا بولادى

  • كەلۋ قاينارى: ىلە گازەتى
  • 08:33:22 19/11/2018

 

    اتا – انانىڭ پوزيتسياسى _ بالانىڭ ءوسىپ – جەتىلۋىنە تىكەلەي ىقپال جاسايدى. تايلاندتىڭ توراپتا كەڭىنەن تارالعان ءبىر قىسقا فيلمى كوپ ادامدى اسەرلەندىردى، كوپ جاندى تولعاندىردى. جۇي ەسىمدى كىشكەنتاي قىز شەشەسىنە كومەكتەسىپ كوكونىس بازارىندا كوكونىس ساتاتىن، ولارمەن كورشىلەس جايمانىڭ قوجايىنى بۇرشاق وركەنىن ساتۋمەن شۇعىلداناتىن، ونىڭ ساۋداسىنىڭ توتەنشە كۇسەت ەكەندىگىن بايقاعان كىشكەنتاي قىز اناسىنا: ءبىز دە بۇرشاق وركەنىن ءوسىرىپ ساتساق قايتەدى، – دەيدى.

    اناسى دا ونىڭ بۇل ۇسىنىسىن قۇپتاپ «جارايدى، ءبىز سىناپ كورەلىك» دەيدى.

    ول ەكەۋىنىڭ بۇرشاق وركەنىن ءوسىرۋ تاجىريبەلەرى كەمشىل بولعاندىقتان 1 – رەت وسىرگەندەرى قۋراپ قالادى، الايدا اناسى كۇلىمسىرەگەن قالپىن جازباستان: وقاسى جوق، ءبىز تاعى سىناپ كورەلىك، – دەيدى. سونىمەن اناسى بۇرشاق وركەنىن ءوسىرۋ ءادىسىن ۇيرەتەتىن كىتاپتى تابادى. كىتاپتا ايتىلعان ءادىس بويىنشا ەكسە دە ءبارى ءبىر تابىسقا جەتە الماي داعدارادى. ولار ۇڭىلە زەرتتەۋ جۇرگىزىپ، جالعاستى سىناق جۇرگىزگەن ساتتەرىندە كىشكەنتاي قىز قاتتى الاڭداپ: «بۇل جولى تابىسقا جەتە الامىز با ەكەن؟» دەپ سۇراي بەرەتىن. اناسى دا «سىناپ كورەلىك» دەگەن باياعى جاۋابىنان جازبايتىن.

    كۇندەردىڭ ءبىر كۇنى ولار اقىرى تابىسقا جەتەدى، جايقالا وسكەن بۇرشاق وركەنىن كورگەن ولاردىڭ قۋانىشتارى قويىندارىنا سيمايدى. ەڭ ماڭىزدىسى بۇل كىشكەنتاي قىز ەسەيە كەلە جىل سايىن وقۋ سيلىق قاراجاتىنا يە بولىپ ءوز كۇشىمەن وقيدى. قازىر شۆەتساريادا عىلمي زەرتتەۋ قىزمەتىمەن شۇعىلدانادى ەكەن.

    ءبىز بۇل كەسكىننەن: بالا جونىنەن اتا – انانىڭ ءاربىر اۋىز ءسوزى مەن ءار باسقان قادامىنىڭ قانشالىق ماڭىزدى ەكەنىن تۇسىنە الامىز. ەگەر فيلمدەگى بۇل قىزدىڭ اناسى ىستەگەن ءىسىنىڭ باسى بار، اياعى جوق نەمەسە ۇنەمى بولاشاعىنان تورىعىپ، قاپالانۋمەن جۇرەتىن ادام بولسا، قىزىنىڭ بۇرشاق وركەنىن ءوسىرۋ ۇسىنىسىن دا قاناعاتتاندىرمايتىن ەدى؛ ەگەر بۇل انا قىزىنا «ءوزىڭ ءوسىرىپ سىناپ كورشى» دەگەن بولسا، كىشكەنتاي بالا ساتسىزدىكتى كوتەرە الماي، ءاۋ باستا – اق تاجىريبە جاساۋدان باس تارتۋى مۇمكىن ەدى.

    «ءبىز سىناپ كورەلىك» _ بۇل قاراماققا وتە قاراپايىم ءسوز، الايدا، بۇل سوزگە مول كۇش – قۋات جاسىرىنعان. بۇل ءسوز بالاعا: ءارقانداي ىسكە ۇمىتپەن قاراۋدى ءارى باتىلدىقپەن سىناپ كورۋدى ەسكەرتەدى.

    اتا – انانىڭ پوزيتسياسى بالاعا ايرىقشا ىقپال جاسايدى. ادامدار بۇل دۇنيەنى تانۋ ارقىلى ءوزىن تانىپ جەتەدى، ال اتا – انا بولسا بالانىڭ بۇل دۇنيەنى تانۋىنا ەڭ الدىمەن دانەكەرلىك ەتەدى. اتا – انا بالانى قولداپ – قۋاتتاعاندا عانا بالا كەۋدە كەرە العا قادام تاستاي الادى؛ بالا اتا – اناسىنىڭ كوزىنەن الدە ءبىر قورقىنىشتى نەمەسە كۇماندى سەزىنسە، وزىنە سەنىمسىز بولىپ، تارتىنشاقتاۋىن ماڭگى قويمايدى. اتا – اناسىنىڭ وزىنە كوڭىلى تولمايتىندىعىن اڭعارعان بالا كۇللى دۇنيەگە ناراۋ قاراۋعا ادەتتەنەدى.

جاۋاپتى رەداكتور: گۇلدەن ماقسات قىزى