اتا – انا ۇستازدى، ۇستاز بالانى قولداعاندا عانا ەڭ تاماشا ءتالىم – تاربيە بايلانىسىن قالىپتاستىرۋعا بولادى

  • كەلۋ قاينارى: ىلە گازەتى
  • 08:33:22 19/11/2018

    ەندەشە مەكتەپ وقۋ – اعارتۋى دا وسىمەن ۇقساس، ەگەر اتا – انا بولعان ءسىز مۇعالىمدى قۇرمەتتەمەسەڭىز، بالاڭىزدىڭ مۇعالىمىن قۇرمەتتەۋى، مەكتەپتىڭ ءتارتىپ – تۇزىمىنە بويسۇنۋى مۇمكىن بە؟

    اتا – انانىڭ مۇعالىمدى قولداۋى _ ءوز بالاسىن قولداپ – قۋاتتاعاندىق.

    جاپونيا اعارتۋشىسى دوحۋحۇي مىناداي ءبىر اڭگىمەمەن ورتاقتاسقان بولاتىن: ءبىر بوتانيكا عالىمىنىڭ ۇلى اتى بەيمالىم ءبىر ءشوپتى مۇعالىمىنە كورسەتىپ، اتىن ايتىپ بەرۋدى وتىنەدى. الايدا مۇعالىم دا بۇل ءشوپتىڭ اتىن بىلمەيدى ەكەن، مۇعالىم الگى بالاعا: اكەڭ ايگىلى بوتانيكا عالىمى، سەن سول كىسىدەن سۇراپ كور، بۇل ءشوپ جايلى مەنىڭ دە بىلگىم كەلىپ قالدى، – دەيدى.

    ەرتەسى الگى بالا تاعى كەلىپ مۇعالىمدى ىزدەيدى، ول بۇل ءشوپتىڭ اتىن اكەسىنىڭ دە بىلمەيتىندىگىن ايتادى ءارى اكەم بۇل ءشوپتىڭ اتىن مۇعالىمىڭ، ءسوزسىز، بىلەدى، بالكىم ەسىنە تۇسىرە الماعان بولۋى مۇمكىن، – دەدى دەپ اكەسىنىڭ مۇعالىمىنا جازعان ءبىر پارشا حاتىن ۇستاتادى.

    حاتتا بۇل ءشوپتىڭ اتى، ەرەكشەلىگى انىق جازىلعان ەدى ءارى حاتتىڭ سوڭىنا بۇل ماسەلەنىڭ جاۋابىن مۇعالىمى ايتۋىن ءۇمىت ەتكەن بولاتىن.

    ءبىز بۇل اڭگىمەدەن بالانىڭ اكەسىنىڭ اسقان سۇڭعىلا جان ەكەندىگىن اڭعارامىز. ول ءوز سالاۋاتىن تومەندەتۋ ارقىلى مۇعالىمدى قولداپ، بالانىڭ كوڭىلىندەگى مۇعالىمنىڭ ورنىن جوعارىلاتقان، ءاسىلى بۇل ءوز بالاسىن قولداعاندىق عوي!

    شاڭحايداعى جۋ يۇي ەسىمدى ءبىر مەكتەپ باستىعى دا وسى تەكتەس ۋاقيعامەن ورتاقتاسقان ەدى. ونىڭ قىزى تىم تەنتەك بولعاندىقتان ۇنەمى سويقان شىعارىپ جۇرەتىن، 4 – جىلدىقتىڭ ماۋسىم سوڭىندا مۇعالىمىنىڭ ول جونىندە جازعان ءبىر قىدىرۋ باعالاۋ سوزىندە ونى ماداقتاعان ءبىر اۋىز جىلى ءسوزى جوق، ءبارى سىن – پىكىرگە تولى ەدى.

    مۇنى كورگەن قىزى قاتتى كوڭىلسىزدەنىپ، تاماق تا ىشپەستەن، كوز جاسىن كولدەتىپ، شەشەسىنەن: شەشە، مەن راسىندا وسىنشالىق ناشار بولعانىم با؟ – دەپ سۇرايدى.

    سول ءتۇنى جۋ شەشەي دە كوز ىلمەي، كورەر تاڭدى ۇيقىسىز اتىرادى، قىزى جايلى جازىلعان بۇل باعا ءسوز 14 جىل بويى كلاس جەتەكشىسى بولعان ءوزىنىڭ دە ەسىنەن مۇلدە كەتەر ەمەس. ول بۇل باعانىڭ قىزىنا اۋىر سوققى بولىپ تيگەنىن، ءتىپتى، قىزىنىڭ ۇمىتسىزدەنە باستاعانىن سەزەدى.

جاۋاپتى رەداكتور: گۇلدەن ماقسات قىزى