اتا – انا ۇستازدى، ۇستاز بالانى قولداعاندا عانا ەڭ تاماشا ءتالىم – تاربيە بايلانىسىن قالىپتاستىرۋعا بولادى

  • كەلۋ قاينارى: ىلە گازەتى
  • 08:33:22 19/11/2018

    ول وسى اڭگىمەنى بايانداۋ ارقىلى اتا – انالارعا مىنانى ەسكەرتەدى: مۇعالىم بالانى ادەيى سىندامايدى، ماسەلەگە جولىققاندا اتا – انا مۇعالىممەن اۋاشادا سويلەسۋ كەرەك، الايدا بالا الدىندا مۇعالىمدى، ءسوزسىز، قولداۋ قاجەت. بۇل ەڭ ۇتىمدى شارا!

    ءبىر كۋرس وقىتۋشىسى دا مىناداي اڭگىمەسىن بايانداعان ەدى.

    ول تۇڭعىش رەت ءبىر ساۋدا سارايىنىڭ كۋرسىسىندە ساباق وتكەن ەكەن، ول ساباقتى وتە ءساتتى وتەدى، بالالار دا ونى قاتتى ۇناتادى. الايدا ساباق ارالىعىنداعى دەمالىس كەزىندە ءبىر كىشكەنتاي قىزدان كوز جازىپ قالادى. ول قاتتى ابىرجىپ، جان تالاسىپ ىزدەپ ءجۇرىپ اقىرى الگى بالانى تاۋىپ الادى، بالا دا قورىققانىنان ەڭىرەپ جىلاپ جىبەرەدى. بالانىڭ شەشەسى دە بالاسىن قۇشاعىنا الىپ جۇباتىپ جاتىپ، «مىنا مۇعالىم اپەكەڭ دە الگىندە سەنى تابا الماي قاتتى ابىرجىپ كەتتى، ول دا ادەيى ىستەگەن جوق، اپەكەڭنىڭ بەتىنەن ءسۇيىپ، كوڭىلىن جۇباتىپ قويشى» دەيدى، سول ساتتە الگى بالا دا كوڭىلىن تورلاعان قورقىنىشتان ادا – كۇدە ايىعىپ، مۇعالىمنىڭ بەتىنەن ءسۇيىپ قويادى.

    اقكوڭىل، كەڭ پەيىلدى بالا مىنە وسىلاي تاربيەلەنەدى. مۇعالىمنان اعاتتىق كەتسە دە اتا – انا ونى جازعىرعان جوق، قايتا وعان كەشىرىممەن قاراپ قولداۋ كورسەتتى.

    قورىتىپ ايتقاندا، ادامدار ۇنەمى ايتاتىن ناعىز تاماشا بايلانىس _ ءوزارا ءبىر ءبىرىن قولداۋ، ياعني ەڭ تاماشا ءۇشبۇرىش فورماسىنداعى بايلانىس _ اتا – انانىڭ مۇعالىمدى قولداۋى، مۇعالىمنىڭ بالانى قولداۋى بولار. بالا سوندا عانا اناعۇرلىم ساۋ – سالاماتتى ەرجەتە الادى!

    اتا – انا مۇعالىم مەن بالاعا قايتكەندە قولداۋ كورسەتە الادى؟

    بالاعا مامىلە جاساعانىمىزدا، دۇنيەگە بالانىڭ كوزىمەن نازار سالۋىمىز، بالانىڭ ءوز قىزىعۋىنا قاراي تالداۋ جاساتۋىمىز كەرەك.

    كۇندەلىكتى تۇرمىس بارىسىندا بالانىڭ قىزىعۋ اۋەسىن قولداۋ كەرەك.

    بالادا ارمان بولعاندا عانا ەرجەتۋ نىساناسى بولادى.

    بالامەن اڭگىمەلەسكەندە «نە ءۇشىن؟» دەگەن سۇراۋدى كوبىرەك قويىڭىز، بالكىم ءسىز مۇلدە ويلاماعان جاۋاپ الۋىڭىز مۇمكىن.

جاۋاپتى رەداكتور: گۇلدەن ماقسات قىزى