ۇزدىك انا بولعىڭىز كەلسە وزىڭىزگە دە كۇيىنە ءبىلىڭىز

  • كەلۋ قاينارى: ىلە گازەتى
  • 08:34:58 19/11/2018

 

    بالا جونىنەن الىپ ايتقاندا، انا ماحابباتى ەڭ باياندى ماحاببات. الايدا ۇزدىك انا بولۋدىڭ ولشەمى _ بالانى كوزىنىڭ قاراشىعىنداي قورعاي بىلۋدە عانا ەمەس، قايتا ءوزىن جان – جاقتى كەمەلدەندىرىپ، بالاسىنا ۇلگى بولارلىقتاي، كۇش – قۋات بەرەرلىكتەي ءومىر ءسۇرۋ.

    انا ۇيلەسىمدى اۋاشالانا بىلسە، بالا اناعۇرلىم ەركىن ءارى دەربەس ەسەيەدى

    تولىقسىزدىڭ 3 – جىلدىعىندا وقيتىن جيەنىم شەشەسىمەن ۇنەمى شىعىسپاي جۇرەدى. ونىڭ شەشەسى بالاسى تۋىلا سالىسىمەن قىزمەتتەن شەگىنىپ، بار ىنتا – پەيىلىمەن بالاسىن باعىپ – قاعۋعا كىرىسكەن بولاتىن.

    جيەنىم ماعان بىلاي دەپ شاعىنادى: كۇن سايىن ءوزىمدى قىلمىستىداي سەزىنەمىن، انام بيلەپ – توستەگەن سايىن ەركىندىك پەن سەنىمدىلىكتەن جۇرداي بولىپ بارامىن. ءار كۇنگى 3 ۋاق تاماققا نە جەيمىن، قانشا جەيمىن، ساعات نەشەدەن نەشەگە دەيىن تاپسىرما ورىندايمىن، نەشەدە ۇيىقتايمىن، نەشەدە ورنىمنان تۇرامىن ... ءبار – ءبارىن انام الدىن الا ورنالاستىرىپ قويعان. ءتىپتى، كۇندەلىك داپتەرىمدى دە شەشەم ءبىر – بىرلەپ تەكسەرىپ شىعادى، ونىڭ بۇل قىلىعىنان ابدەن جالىقتىم. ەڭ قيىنى ەگەر ءبىر ۋاققى تاماعىمدى جاقسى ىشپەسەم، ەمتيحاننان جاقسى ناتيجە الا الماي قالسام ول قاتتى رەنجيدى، «وسىنشاما جاپالانىپ ىستەپ جاتقانىمنىڭ ءبارى سەن ءۇشىن، سەن نەگە ءسوزىمدى تىڭدامايسىڭ، مەنى قاتتى ءتۇڭىلدىردىڭ» دەپ بايبالام سالادى.

    ول قاشان دا وزىنىكىن ءجون سانايدى، ونىڭ ايتۋىنشا وسىلاردىڭ بارلىعىن تەك مەن ءۇشىن عانا ىستەپ وتىر ەكەن ...

    بۇل ءبىر اسىرە شەكتەۋگە ۇشىراعان بالانىڭ جان ايعايى.

    ا ق ش - نىڭ زۇڭتۇڭى وبامانىڭ ۇلى دا ۇزدىك اناسىنىڭ بار ەكەنىن جۇرتتىڭ بارلىعى بىلەدى. الايدا ول بالاسىن تاۋلىك بويى كوزىنەن تاسا قىلماي باققان جوق، ءتىپتى، ءوزى امەريكاعا دوكتورلىق وقۋعا اتتانعاندا بالاسى وبامانى اتا – اجەسىنىڭ باعىپ – قاعۋىنا الاڭسىز تاستاپ كەتكەن ەكەن، بۇل ۋاقىتتى ول ءوزىن ۇزدىكسىز جەتىلدىرۋدىڭ ورايى دەپ بىلسە، ال وباما دا اناسىنىڭ ءوزىن قالدىرىپ كەتكەنىنە بولا بالالىق سەزىمىنە سىزات تۇسىرە قويعان جوق، كەرىسىنشە اتا – اجەسىنىڭ قولىندا كەڭشىلدىك پەن ەركىندىككە قول جەتكىزگەن ءارى قايراتتى دا جايدارى مىنەز – قۇلىق قالىپتاستىرعان. ال تىرىسشاڭ دا قاجىرلى اناسى ونىڭ جۇرەگىندە شەكسىز قۇرمەت پەن مەيىر – ماحابباتقا تولعان بەينەسىندە ساقتالعان.

    كوپتەگەن انالاردىڭ بالا تاربيەلەۋدەگى قاتەلىگى _ بالاعا، ءسوزسىز، بار ىنتا – پەيىلىن شوعىرلاندىرا قاراۋ كەرەك، سوندا عانا بالادا بارلىق ماحابباتتى ارناۋعا بولادى، سوندا عانا بالاعا كىسىلىك قاسيەتتىڭ نەگىزىن بەكەمدەۋگە بولادى دەپ ەسەپتەيدى، ءبىراق بۇل اسىرە قامقورلىق بالانىڭ ءار باسقان قادامىن بۇكىلدەي مەڭگەرىپ العانمەن بىردەي.

جاۋاپتى رەداكتور: گۇلدەن ماقسات قىزى