ۇنەمى باسقالاردىڭ قامىن ويلاۋ - اسىل قاسيەت

  • كەلۋ قاينارى: ىلە گازەتى
  • 05:14:21 20/11/2018

    شەشەم بولنيتسادا جاتقان كۇندەردە كەلىنىم شەشەمنىڭ جانىنان ءبىر ەلى دە الىستاماي الاقانىنا سالىپ قارادى، بار پەيىلىمەن ءدامدى تاعامدار ازىرلەدى، بولنيتساداعىلار شەشەمە وسىنداي وپالى كەلىنىڭ بار نەدەگەن باقىتتى جانسىڭ دەپ تامساندى. بالكىم بۇل رياسىز انا ماحابباتىنىڭ بوداۋى شىعار. ءيا، اقكوڭىل جاننىڭ ومىردەن العان سيى دا شىعار.

    ءبىر كاسىپورىننىڭ باس القاسىنا تىلشىلىك ىستەۋ بارىسىندا، ونىڭ ومىرىندەگى ەڭ ءبىر قيىن – قىستاۋ كەزدەردى تىلگە تيەك ەتكەنىم بار ەدى. ول سوندا: 2008 – جىلى فينانس داعدارىسى بولىپ، ەلىمىز ىشىندەگى تاپسىرىس ازايعاندىقتان، شەتەلدىڭ قىرۋار مول تاپسىرىسىمەن جۇمىس ىستەۋىمە تۋرا كەلدى. سول كەزدە تىعىرىققا تىرەلىپ وتىرعاندىقتان با، ايتەۋىر قارسى جاقتىڭ ماتەريالىنا دەن قويا قاراماپپىن، نەشە كەمە زاتتى جونەلتسەك تە زاتتى تاپسىرىپ العان ادام جوق، سول كەزدە عانا قارسى جاقتىڭ كەپىلدەمەسىندە ماسەلە بار ەكەنىن بىلدىك. ال بۇل توۆارلار بولسا سەرىكتىگىمىزدىڭ بارلىق اينالمالى قارجىسىن يەلەگەندىكتەن، جۇمىسشىلاردىڭ ەڭبەكاقىسىن دا تاراتا المادىق، كوپتەگەن قىزمەتكەردىڭ كوڭىل كۇيى ءتۇسىپ، قىزمەتكە دەگەن بەلسەندىلىگى ناراۋلادى. سونىمەن بۇلاي بوسقا قاراپ وتىرۋعا بولماس دەپ، ساتۋ بولىمىنە جاۋاپتى ديرەكتور مەن اۋدارماشىنى ەرتىپ ۇشاققا وتىردىم.

    بوتەن ەل،بوتەن جەر، تالەيىمىزگە ساتۋشى ديرەكتوردا بۇل مەملەكەتتەگى بىرنەشە قاريداردىڭ بايلانىس ادرەسى بار ەكەن، ولارمەن ءبىر – بىردەن كەزدەسىپ، بۇل توۆاردى ساتىپ بەرۋىن ءۇمىت ەتتىك. الايدا ولاردىڭ كەيبىرى ءبىزدى كاپەرلەرىنە دە الماي، سۋىق قاباق تانىتسا، ال كەيبىرى مەيلىنشە تومەن باعانى تالاپ ەتتى.

    ساتۋشى ديرەكتوردىڭ قاريدارلارمەن ۇزدىكسىز حابارلاسۋىنىڭ ارقاسىندا اقىرى ءبىر سەرىكتىك توۆارىمىزدى ساتۋعا كەلىسىمىن بەردى.

    قارجىمىز قايتا اينالىمىن تاۋىپ، سەرىكتىك قيىن – قىستاۋ كەزەڭنەن اقىرى ءوتتى. سول كەزدە ساتۋشى ديرەكتورىنا ءدان ريزا بولدىم، سول كەزدە ماماندار قاراستىرعان كوپتەگەن سەرىكتىك ونى مول ەڭبەكاقىمەن شاقىرعان بولاتىن، ءبىراق ول بۇعان بولا ەلەڭدەي قويعان جوق. قايتا بوتەن ەلدە قاريدارلارمەن مىڭ ءبىر جاپادا كەلىسسوز وتكىزىپ، كاسىپورىنىمىزدى قۇتقارىپ قالدى. سول جىلدىڭ سوڭىندا سەرىكتىگىمىز زيانعا وتىرسا دا باس جورامىز وعان مول سيلىق اقى بەرۋدى ۇيعاردى. الايدا ول بۇدان باس تارتىپ، شىن نيەتىمەن باس جوراعا: «قازىر سەرىكتىگىمىزدىڭ كىرىسى ماردىمسىز، مۇنداي جاعدايدا مەن قايتىپ سيلىق اقشا الامىن، السام سەرىكتىگىمىزدىڭ تيجاراتى قالىپقا تۇسكەن كەزدە الايىن» دەيدى.

    كەيىن سول ساتۋشى ديرەكتورمەن دە كەزدەستىم، ونىمەن سول كەزدەگى داعدارىس جونىندە اڭگىمەلەستىم. ونىڭ قوس جانارىنان تەك شاپاعاتتى، الدىمەن ءوزىن ەمەس باسقا ءۇشىن قام جەيتىن قامقورلىقتى بايقادىم.

    وتكەندە ءبىر الەۋمەتتىك ءۇنحات تەكشەسىنەن «ءسىزدىڭ قانداي قيمىلىڭىز بوگدە ادامداردىڭ نازارىن وزىنە اۋدارادى؟» دەگەن سۇراۋدى كوردىم.

جاۋاپتى رەداكتور: گۇلدەن ماقسات قىزى