وزىڭىزگە ۇيلەسىمدى جولدى تاڭداي ءبىلىڭىز

  • كەلۋ قاينارى: ىلە گازەتى
  • 04:19:17 29/11/2018

  

    1

    بۇگىن ميكرو بلوگىمداعى ءبىر وقىرماننىڭ ماعان قالدىرعان قۇپيا حاتىن تاپسىرىپ الدىم. ول مەنەن: «تاڭداعان جولىم قاتە بولعان سياقتى، ارتىما قايرىلۋىما بولا ما؟ باسقالار جولدى ءوزىڭ تاڭداعان ەكەنسىڭ، قانشا جاپالى بولسا دا سوڭىنا دەيىن جۇرۋگە ءتيىستىسىڭ دەيدى، ءبىراق، مەن قاتتى شارشادىم.»

    مەن ونىڭ قانداي تالعامعا ءدوپ كەلگەنىن بىلمەيمىن، الايدا، بۇل دۇنيەدەگى ىستەردىڭ بارلىعىنىڭ قاراما – قارسى جاعى بولاتىنىن بىلەمىن.

    تالعامىڭىز دۇرىس نەمەسە قاتە بولسىن، جاعدايدى جىعا تانۋ كەرەك؛ باسار جولىڭىز دۇرىس نەمەسە قاتە بولسىن، سول جولدى باسار جانعا قاراۋ كەرەك. ەشكىم دە ءسىزدىڭ تۇرمىسىڭىز بەن كوڭىل كۇيىڭىزدى بۇكىلدەي ءوز باسىنان وتكەرگەندەي سالماقتاي المايدى، تەك ءوزىڭىز عانا ومىرىڭىزگە ۇيعارىم جاساي الاسىز،ءسىزدىڭ ءومىرىڭىزدى ءتىپتى دە جايلى وتكىزۋ ۇقىعىڭىز بار.

    مەن وعان بىلاي دەپ جاۋاپ قايتاردىم: «ەگەر ءبىر سۇردەك جول قاراڭعىلىققا تۇتاسىپ جاتسا، ونى سارا جول دەپ ايتۋعا بولمايدى، بالكىم تاس قاراڭعىلىقتان باسىڭىز تاۋعا دا، تاسقا دا سوعىلىپ، قان – جوسا بولعان تۇرىڭىزبەن ارتىڭىزعا قايتۋىڭىز مۇمكىن. ءوز تالعامىڭىزدى قاشان، قاي كەزدە وزگەرتۋ _ ول ءسىزدىڭ ۇقىعىڭىز، ءسىز تەك جاعدايدى مۇقيات تارازىلاي العان بولساڭىز ءوز كۇتكەن ۇمىتىڭىزدەن دە شىعا الاسىز».

    ادامدار ءومىردىڭ ءلاززاتىن تاتقان سايىن، ءتىپتى دە ءساتتى بولا ءتۇسۋىن كوكسەيدى. ءبىراق ەشكىمنىڭ دە تۇرمىسى ءوزى ويلاعانىنداي ءساتتى بولا بەرۋى ەكىتالاي. ماڭدايىڭىزعا جازىلعانى ازاپ پەن جاپا بولسا، ونى ماڭايىڭىزداعىلاردىڭ ەشقايسىسى دا سىزبەن بولىسە المايدى.

    سوندىقتان ءار تاڭدى اماندىقپەن قارسى العانىڭىزدىڭ ءوزى وتە ماڭىزدى، باسقالاردىڭ پىكىرىمەن ساناسپاڭىز، تەك ءوز جۇرەگىڭىزدەن ۇيالمايتىنداي بولساڭىز بولدى. شارشاعان بولساڭىز، باسقا جولدى تاڭداپ كورىڭىز، وقاسى جوق.

    2

    كىشكەنتايىنان وقۋدا مىقتى ءبىر دوسىم بار ەدى، تولىق ورتانىڭ 2 – جىلدىعىندا جاراتىلىستىق جانە قوعامدىق پاندەرگە بولىنەتىن كەزدە ول قايسى ءپاندى تاڭدارىن بىلمەي ءارى - ءسارى بولدى.

    ول قوعامدىق پاندەردى ۇناتاتىن، ءبىراق جاراتىلىستىق پاندەر ناتيجەسى دە تاماشا ەدى، ونىڭ اكە – شەشەسى جانە كلاس جەتەكشىمىز ءبارى جابىلىپ وعان جاراتىلىستىق پاندەردى تاڭداعانىڭ ءجون، جاراتىلىستىق پاندەردى وقىعاندا عانا كەيىنگى تۇرمىسىڭنان قام جەمەيتىن بولاسىڭ دەپ ناسيحاتتادى، سونىمەن ول جاراتىلىستىق پاندەردى تاڭدادى.

جاۋاپتى رەداكتور: گۇلدەن ماقسات قىزى