وزىڭىزگە ۇيلەسىمدى جولدى تاڭداي ءبىلىڭىز

  • كەلۋ قاينارى: ىلە گازەتى
  • 04:19:17 29/11/2018

    ونىڭ وقۋ ناتيجەسى وتە ورنىقتى ەدى، جاراتىلىستىق پاندەر كلاسىنا بارسا دا تۇتاس جىلدىق بويىنشا الدىڭعى 10 وقۋشى قاتارىنان تۇسپەدى، الايدا ول ءوزىنىڭ قوعامدىق پاندەردى تاڭداماعانىنا ىشتەي وكىنىپ ءجۇردى. تولىق ورتانىڭ 3 – جىلدىعىنا بارعاندا ول قوعامدىق پاندەر كلاسىنا اۋىسامىن دەپ شەشىم جاسادى دا الماستى. ءبارىمىز ونى قۇتىرعان ەكەن دەپ توپشىلادىق. ال ول بولسا باسقالاردىڭ كۇدىك – كۇمانىن كاپەرىنە دە الماستان بار زەيىنىمەن ەمتيحانعا دايىندالدى. سول كەزدە مەن ودان: «ءاۋ باستا تاڭداماعان قوعامدىق پانگە جول ورتادان الماسىپ كەلدىڭ، بۇل وقۋ ناتيجەڭە ىقپالىن تيگىزسە قايتەسىڭ؟» دەپ سۇرادىم. ول سوندا: «ولاي بولۋى مۇمكىن ەمەس، ءوزىڭ وكىنبەستەي جولدى تاڭداۋدىڭ نەسى جامان» دەپ جاۋاپ بەردى. سونىمەن ول قوعامدىق پاندەر بويىنشا ەڭ جوعارى ناتيجەمەن ءوزى ارمانداعان ۋنيۆەرسيتەتكە قابىلداندى.

    وتكەندە ونىمەن وسى ءىس جونىندە اڭگىمە قوزعاپ، سول كەزدە جاراتىلىستىق پاندەردى وقي بەرگەن بولساڭ دا ءوزىڭ ويلاعانىڭداي ناتيجەمەن كەرەمەت ءبىر ۋنيۆەرسيتەتكە قابىلدانعان بولار ەدىڭ دەگەنىمدە، ول كۇلىپ تۇرىپ: ءبىر رەت تاڭداۋ جاساۋ ارقىلى ءوزىمنىڭ قوعامدىق پاندەردى قاتتى ۇناتاتىندىعىمدى بايقادىم، تەك شىنايى ماحاببات بولعاندا عانا بار كۇش – قايراتىڭمەن كوكىرەك كەرە العا جىلجي الاسىڭ دەدى.

    ومىردەگى ءاربىر تالعام _ تەك ءوز قولىڭدا، ماڭىزدىسى جۇرەكتى تىڭداي بىلۋدە.

    3

    شارشاعان بولساڭ، باسقالاي جولدى تاڭداپ كور. ادام ومىرىندە ءبارى دە بولۋى مۇمكىن، سونىڭ قاي ءتۇرىن تاڭداعان ەكەنسىڭ، سول ەڭ تاماشا ورنالاستىرۋ سانالماق.

    ءبىر جول بار، قانشا جۇرسەڭىز دە باعدارسىز، سونىمەن قالجىراپ، تيتىقتايسىز، ەندەشە، باعدارىڭىزدى وزگەرتىپ كورىڭىز، جول بويىنداعى بەيتانىس كورىنىستىڭ ءوزى ءبىر ءتۇرلى توسىن شاتتىق سيلاماسىنا كىم كەپىل.

    ءومىر ءسۇرۋ ءتاسىلى ۇقساس بولماعاندىقتان ادام ءومىرى دە ۇقساس بولمايدى، الايدا ەڭ ماڭىزدىسى - ءومىرىڭىزدى ءتىپتى دە تاماشا سەزىنە الساڭىز بولعانى.

    ءوز وزىڭىزدەن ۇيالماستاي، وكىنبەستەي ءومىر ءسۇرۋ _ ەڭ تاماشا تۇرمىس ءتاسىلى ەمەس پە، ءسىز قالاي ويلايسىز؟

    اۋدارعان ءلاززات اقان قىزى

جاۋاپتى رەداكتور: گۇلدەن ماقسات قىزى