ەرلەر اقاۋسىزدىعىنا پايدالى توعىز ازىقتىق

  • كەلۋ قاينارى: ىلە گازەتى
  • 04:20:27 29/11/2018

 

    تەكسەرۋگە نەگىزدەلگەندە ەرلەردىڭ عۇمىرىنا قاتىستى 10 ءتۇرلى سەبەپتىڭ 4 ى كۇندەلىكتى ازىقتانۋمەن قاتىستى بولادى ەكەن، بۇل راك اۋرۋى، مي – قان تامىر اۋرۋلارى، جۇرەك اۋرۋى جانە قانتتى نەسەپ اۋرۋى سياقتىلاردى قامتيدى. سوندىقتان ەرلەر ساۋ دەنەلى بولامىن دەيدى ەكەن، ءسوزسىز، اقاۋسىز ازىقتانۋعا ادەتتەنۋلەرى قاجەت. تومەندەگى توعىز ءتۇرلى ازىقتىق ەرلەردىڭ دەنساۋلىعىنا اسا پايدالى، ەرلەردىڭ كوبىرەك تۇتىنۋىن ۇسىنىس ەتەمىز.

    تەڭىز ءتۇبى بالىعى

    قىسىمنىڭ ارتۋى ەرلەردى قانىنىڭ ماي قۇرامىنىڭ ارتۋى مەن ميعا قان قۇيىلۋ اۋرۋىنا شالدىقتىرادى. تەڭىز ءتۇبى بالىعىنىڭ قۇرامىنداعى ومەگا 3 ماي قىشقىلى قاننىڭ ۇيۋىن تەجەپ، قان تامىردىڭ تارايۋىنان ساقتاپ، ءۇش قىشقىلدى گليتسەريد سياقتىلاردىڭ مولشەرىن تومەندەتىپ، جۇرەك – قان تامىرلارىنا تيىمدىلىك جەتكىزەدى.

    قۇرامىندا ومەگا 3 ماي قىشقىلى مول بالىقتاردان سكۋمبريا بالىعى (ماي شاباق)، پلوتۆا بالىعى، باعىلان بالىق سياقتىلار بار. وسى بالىقتاردى الما – كەزەك اۋىستىرىپ تۇتىنىپ تۇرعان ءجون، اپتاسىنا كەمىندە ەكى رەت بالىق جەپ تۇرۋ كەرەك.

    كوك شاي

    كوك شايدىڭ قۇرامىندا قىزىل شايدا بولمايتىن ۆيتامين مول بولادى. ۆيتامين تۇماۋدان ساقتانۋ جانە بەت تەرىسىن اجارلاندىرۋدا كەم بولسا بولمايتىن ازىقتىق سانالادى. بۇدان تىس قارتايۋدان ساقتايتىن گلۋتامين قىشقىلى، يممۋنيتەتتىك قۋاتتى ارتتىراتىن اسپارتين قىشقىلى، قورەكتىكتى كۇشەيتىپ، دەنەنى قۋاتتاندىراتىن امينو قىشقىلى بار بولىپ، نەسەپتى جۇرگىزىپ، قىسىمدى تومەندەتەدى.

    قىزىل اراق (ءجۇزىم شارابى)

    جايشىلىقتا ەرلەردىڭ اراق ءىشۋ سالىستىرماسى ايەلدەردەن الدەقايدا ارتىق بولادى. ەگەر اراق ىشۋگە تۋرا كەلگەندە ەڭ جاقسىسى قىزىل اراق ىشكەن ءجون. ويتكەنى قىزىل اراقتىڭ قۇرامىندا ءجۇزىمنىڭ قابىعىندا بولاتىن توتىعۋعا قارسى تۇراتىن زات پوليفەنول بولاتىندىقتان، جۇرەك – قان تامىر اۋرۋىنا شالدىعۋ سالىستىرماسىن تومەندەتەدى، ونىڭ ۇستىنە ءتۇرلى اراق – شاراپتارمەن سالىستىرعاندا قىزىل اراقتىڭ قۇرامىنداعى پرين (دەنەدەگى نەسەپ قىشقىلىن ورلەتەتىن زات) مولشەرى كورنەكتى تومەن بولادى.

جاۋاپتى رەداكتور: گۇلدەن ماقسات قىزى