باۋىر مايلاسۋى جونىندەگى مىنا التى ءتۇرلى اعات تۇسىنىكتەن ساقتانىڭىز

  • كەلۋ قاينارى: ىلە گازەتى
  • 04:45:41 29/12/2018

    باۋىردىڭ مايلاسۋى ـ ءبىر ءتۇرلى جالپى بەتتىك ساقتالعان، ادام دەنساۋلىعىنا حاۋىپ توندىرەتىن سوزىلمالى اۋرۋ. تۇرمىس ورەسىنىڭ جوعارىلاۋىنا بايلانىستى باۋىر مايلاسۋ ناۋقاسىنا شالدىققاندار سانى بارعان سايىن كوبەيۋدە. دەسە دە، باۋىر مايلاسۋى جونىندەگى تانىم، ەرتە باستان ەمدەلۋ جانە ودان ساقتانۋ جاعىندا كوپتەگەن ادامداردا تومەندەگىدەي التى ءتۇرلى اعات تۇسىنىك بەلەڭ بەرۋدە.

    ءبىرىنشى، باۋىر مايلاسۋىنىڭ ەشقانداي بەلگىسى بولماسا، وعان نازار اۋدارۋدىڭ قاجەتى جوق دەپ قاراۋ.

    باۋىر مايلاسۋى سپريتتىك باۋىر مايلاسۋ جانە بەي سپريتتىك باۋىر مايلاسۋ سىندى ەكى ۇلكەن تۇرگە بولىنەدى. بۇل اۋرۋ قاراماققا قاراپايىم كورىنەدى، امالياتتا وسى اۋرۋعا كىرىپتار بولۋ سالىستىرماسى ۇزىكسىز جوعارىلاۋدا، ونىڭ ۇستىنە وسى اۋرۋعا كىرىپتار بولۋ جاس شاماسى بارعان سايىن جاستاسۋدا.

    جەڭىل دارەجەدەگى باۋىر مايلاسۋ ـ اۋرۋ دارەجەسىنىڭ «جەڭىل» ەكەندىگىنەن كورسەتپەيدى، قايتا ەمدەۋ ءبىرشاما وڭاي كەزەڭدە تۇرعاندىعىن كورسەتەدى. نازاريالىق جاقتان ايتقاندا، جالاڭ تۇردەگى باۋىر مايلاسۋى ـ اۋرۋ سەبەبىن جويعاننان كەيىن بۇكىلدەي قالپىنا كەلەدى، ماي باسۋ تۇرىندەگى باۋىر قابىنۋى ساتىسىنا جەتكەن بولسا دا اۋرۋ جاعدايىن ۇتىمدى ەمدەۋ ارقىلى بۇكىلدەي جاقسارتۋعا بولادى. دەسە دە، ەگەر كوڭىل بولمەسەڭىز باۋىر اۋماعى اۋرۋ، جۇرەك اينۋ، قۇسۋ بەلگىلەرى بايقالادى، بۇل كەزدە باۋىردىڭ مايلاسۋى نەداۋىر سالماقتى بولادى. مىسالى: باۋىر قاتايۋ مەزگىلىندە اۋرۋ جاعدايىن ەندىگارى قالپىنا كەلتىرۋگە بولمايدى.

    سوندىقتان باۋىر مايلاسۋ ناۋقاسى بايقالىسىمەن كۇن ىلگەرى ەمدەلۋ كەرەك. استە، سەلقوستىق ىستەۋگە بولمايدى. ەمدەلۋگە ۇزاق ۋاقىت نەمقۇرايدى قارالسا، ەڭ سوڭىندا باۋىردىڭ قاتايۋىن كەلتىرىپ شىعارىپ قانا قالماستان سەمىزدىك، قان مايلاسۋ، جوعارى قان قىسىمى سىندى جۇرەك ـ قان تامىر اۋرۋلارىنا دا كىرىپتار ەتەدى، ءتىپتى، باۋىر راگىنا اپارىپ سوعادى.

    ەكىنشى، باۋىر مايلاسۋىن قانتتى نەسەپ اۋرۋىمەن قاتىسى جوق دەپ قاراۋ.

    باۋىر مايلاسۋى كوبىنەسە قانتتى نەسەپ اۋرۋىنا كىرىپتار ەتەدى دە دەنساۋلىققا حاۋىپ توندىرەدى. باۋىر مايلاسۋ ـ باۋىر يقۋاتىن بۇزىپ، دەنەدەگى قانتتىڭ قالىپتى الماسۋىنا ىقپال كورسەتەدى، باۋىرداعى اسا جوعارى قانت قۇرامىن باۋىر گليكوگەنىنە اينالدىرىپ ساقتاي المايدى، سونىمەن قانداعى قانت قۇرامى ۇزدىكسىز جوعارى دەڭگەي كۇيىندە تۇرىپ، ينسۋليننىڭ تومەندەۋىنە، قانداعى قانت الماسۋىنىڭ بۇزىلۋىنا كىرىپتار ەتەدى. قانتتى نەسەپ اۋرۋىنا شالدىققان ناۋقاستىڭ باۋىرى مايلاسقاننان كەيىن قانت قۇرامىن تومەندەتۋ ءدارىسىنىڭ قانداعى قانت قۇرامىن مەڭگەرۋ رولى السىرەپ، ماي الماسۋدىڭ قالىپسىزدىعىن وڭاي كەلتىرىپ شىعارادى دا، باۋىردىڭ مايلاسۋىنا كىرىپتار ەتەدى. سونىمەن باۋىر مايلاسۋى تاعى اينالىپ كەلىپ قانداعى قانت قۇرامىنىڭ مەڭگەرىلۋىنە ىقپال جاساپ، قاتەرلى اينالىس قالىپتاستىرادى.

جاۋاپتى رەداكتور: جازيرا بولاتباي قىزى