ايەل - ءۇيدىڭ اجارى

  • كەلۋ قاينارى: ىلە گازەتى
  • 03:09:24 04/01/2019

    ءۇي دەگەن نە؟ ءۇي - ەر مەن ايەل بىرلەسىپ باسقاراتىن، ارمان مەن ءومىردىڭ اششى مەن تۇشتىسىنان، ءتاتتىسى مەن دامدىسىنەن قۇرالعان ۇيا.

    وتباسىنىڭ تىرەگى - ەركەك دەپ جاتامىز، شىنتۋايتىنا كەلگەندە، وتباسى ايەلمەن عانا مۇكامال بولماق. باقىتتى ءبىر كىلتكە تەڭەر بولساق، سول كىلت تەك قانا ايەلدىڭ قولىندا.

    ءبىر وتباسىنىڭ تۇرمىستىق باكىن – شۇكىنى ايەلسىز بىتپەيدى؛ ءبىر وتباسىنىڭ شاتتىعى مەن قايعىسى ايەلدىڭ عانا قۇشاعىنا سيىپ جاتادى؛ ايەل قىزمەتتىڭ مۇددەسىنەن شىعىپ عانا قالماستان، وتباسىنىڭ قامىمەن اينالىسادى. ايەل - وتباسىنا جاسىرىنعان باقىت.

    ايەل _ وتاعاسىنىڭ ءومىر ورەسىن بەلگىلەيدى

    تابىسقا جەتكەن ءار ءبىر ەر ادامنىڭ ارتىندا ءۇن – ءتۇنسىز بوداۋ بەرەتىن ايەلى بولادى.

    چيان جۇڭشۋ «قورشاۋداعى قامالدى» جازعان كەزىندە ايەلى ياڭ جياڭ ونىڭ ساباق ءوتۋ ۋاقىتىن ازايتۋ ءارى قاراجات شىعىنىن ۇنەمدەۋ ءۇشىن وتباسىنداعى وتىن بۇتاپ وت جاعۋ، تاماق جاساۋ سياقتى جۇمىستاردى بۇكىلدەي مويىنىنا العان، وت جاققاندا تۇتىنگە قاقالىپ، كوزىنەن دە جاس مونشاقتايتىن، ءتىپتى، كەي كەزدەرى ابايسىزدا قولىن دا جاراقاتتاندىرىپ الاتىن.

    ءبىراق ياڭ جياڭ بۇعان بولا چيان جۇڭشۋدى كىنالامايتىن، قايتا بار ىنتا – پەيىلىمەن وتاعاسىنىڭ وتىمەن كىرىپ، سۋىمەن شىعىپ، ول جازىپ جاتقان شىعارمانىڭ كۇنى بۇرىن وقىرمانمەن قاۋىشۋىن كوكسەيتىن. سونىمەن بۇلا وسكەن باي شاڭىراقتىڭ باياعىداعى ەركە سەتەرى ماحاببات پەن وتباسى ءۇشىن جاپا – ماشاقاتقا ءتوزىمدى، پاراساتتى ايەلگە اينالدى.

    چيان جۇڭشۋ «قورشاۋداعى قامالدىڭ» بەتاشارىندا بىلاي دەپ جازعان بولاتىن: بۇل كىتاپتى تۇپ – تۋرا ەكى جىل جازدىم. مۇنى تىرشىلىك قامىمەن تالاي رەت جول ورتادا دوعارعىم كەلدى. الايدا اياۋلى جارىم مەنى ۇزدىكسىز دەمەپ، قولداۋ كورسەتىپ، كوپتەگەن جۇمىستاردى ءوزى ارقالاپ، ۋاقىتىمدى ۇنەمدەۋگە، بار كۇش – قايراتىممەن بۇل كىتاپتى تامامداۋىما وراي جاراتتى. سوندىقتان دا بۇل كىتاپتى سۇيىكتى جارىم ياڭ جياڭعا ارنايمىن.

    جارناگەر ءپىرىسى اتانعان ۋورن بافيت بىلاي دەگەن بولاتىن: ومىرىمدەگى ەڭ ۇلكەن ولجام ساتىپ العان جارنا بەلەتى ەمەس، قايتا ومىرلىك سەرىگىمدى دۇرىس تاڭداعانىم. ايەلدىڭ وتباسىنداعى ورنىن تىلمەن ايتىپ جەتكىزە المايمىن.

جاۋاپتى رەداكتور: جازيرا بولاتباي قىزى