ايەل - ءۇيدىڭ اجارى

  • كەلۋ قاينارى: ىلە گازەتى
  • 03:09:24 04/01/2019

    ايەل - بالانىڭ بولاشاعىن بەلگىلەيدى

    «تاربيەنى عالىم اكەڭنەن ەمەس، تەزەك تەرىپ جۇرگەن اناڭنان الاسىڭ» دەگەن ءسوز بار. بالا جۇرەگىندەگى انانىڭ ورنىن ەشكىم تومەندەتە المايدى.

    حۋ شى - قازىرگى زامان جاڭاشا ادەبيەتتىڭ دارىپتەۋشىسى، جاڭا مادەنيەت قوزعالىسىنىڭ باستاماشىسى. ول جاراتىلىسىنان مەيىرىمدى، بايسالدى جان ەدى، ونىڭ بۇل مىنەزى اناسىمەن تىكەلەي قاتىستى بولاتىن.

    حۋ شى 3 جاس كەزىندە اكەسى اۋرۋ سەبەبىنەن قايتىس بولادى دا، اناسى فىڭ شۇندي اكە ورنىنا اكە، شەشە ورنىنا شەشە بولىپ، ونى باعىپ – قاعىپ ەرجەتكىزەدى. حۋ شىنىڭ اناسى بالاعا قاتاڭ ادام ەدى، حۋ شى قاتەلىك وتكىزىپ قويعان كەزىندە اناسى ۇنەمى وعان سەستى جانارمەن ءبىر قاراپ عانا قوياتىن، حۋ شى: «مەن انامنىڭ سول ءبىر سەستى جانارىنان – اق ءبارىن اڭعاراتىنمىن دا قورقىپ كەتەتىنمىن. انام تاعى بالاعا توتەنشە قۇرمەتپەن قارايتىن، باسقالاردىڭ الدىندا مەنى جازعىرىپ نەمەسە قول كوتەرىپ كورگەن ەمەس» دەيتىن اناسىن ەسىنە العاندا.

    كوپشىلىك: اقىلدى جارىڭ بولسا ازبايسىڭ، - دەپ جاتادى. بالانىڭ بۇل ومىردەگى ەڭ جاناشىر – جاقىنى اناسى، انانىڭ ءار ءبىر ءىس ارەكەتى بالا زەردەسىنە ءسىڭىپ جاتادى.

    انانىڭ بالا الدىنداعى ءار قيمىلى، ءار يشاراتى، ءار ءبىر اۋىز ءسوزى بالانىڭ ۇلگى الاتىن جانە ۇيرەنەتىن وبيەكتىسى، بالانىڭ ەسەيىپ – ەرجەتۋىنە تىكەلەي ىقپال ەتەدى.

    اناڭ مەن ايەلىڭ قاي جەردە بولسا، جان ۇياڭ سول جەردە

    بالا قانشا ەسەيىپ كەتسەدە، ءبىراق انا الدىندا ءالى دە بالا. اناڭ بار جەر _ اڭساپ جەتەر جىلى ۇياڭ. قاشاندا الدىڭنان اناڭنىڭ اقجارما كوڭىلى، قامقور قۇشاعى ايقارا اشىلعان. بۇل ناعىز _ باقىت.

    ال ايەلىڭ باسىڭ اۋىرىپ، بالتىرىڭ سىزداعان دا، تورىعىپ، جىگەرىڭ قۇم بولعاندا جىگەرىڭدى جانىپ دەم بەرەتىن، ەڭسەڭدى تىك ۇستاۋعا، ءتىپتى دە قايراتتانا تۇسۋگە شابىتتاندىراتىن، قاشاندا جانىڭنان تابىلاتىن، تاعدىرعا بىرگە توتەپ بەرەتىن ادام.

    ونداي كەزدە ەرلى – زايىپتى اراسىنداعى ماحاببات سۇيىسپەنشىلىگىنەن تىس تاعى ادال نيەتپەن ءوزارا قارايلاساتىن ادامگەرشىلىك، مۇلدە ۋاز كەشىسپەيتىن ءۇنسىز ۋادە، وشپەس سۇيىسپەنشىلىك ساقتالادى!

جاۋاپتى رەداكتور: جازيرا بولاتباي قىزى