كوڭىل كۇي وزگەرىسىنە قالاي توتەپ بەرگەن ءجون

  • كەلۋ قاينارى: ىلە گازەتى
  • 03:55:49 04/04/2019

    سىزدە ۇيقىسىزدىق، تەز ۇيىقتاي الماۋ، ەرتە ويانۋ، ۇيقى ساپاسى جاقسى بولماۋ سياقتى اۋرۋ بەلگىلەرى بار ما؟ ۇعىسۋعا قاراعاندا، كوكتەم ماۋسىمى رۋحاني اۋرۋلاردىڭ كوتەرىلەتىن مەزگىلى، دىمقىل ورتادا ادامدا كوڭىل كۇي جاقتان وڭاي تولقۋ، ءتىپتى، ءوزىن مەڭگەرە الماۋ جاعدايى تۋىلادى ەكەن. ەندەشە، قىس پەن كوكتەم ماۋسىمى الماسقاندا كوڭىل كۇي وزگەرىسىنە قالاي توتەپ بەرگەن ءجون؟ كەزەكتە ەكونوميكا گازەتىنىڭ جۇڭگو ەكونوميكا تورابى ءداۋىر اعىمى ارناسى مىناداي قورىتىندى جاساعان.

    جىلى ءجۇرىڭىز

    قىستىڭ قاقاعان ايازى ءوتىپ كەتكەنىمەن، العاشقى كوكتەمنىڭ اۋا رايى ءبىرشاما سۋىق بولاتىندىقتان، ادام دەنەسىنىڭ اۋا رايىنا سايكەسۋ قۋاتى، اۋرۋعا قارسىلىق قۋاتى تومەندەپ، تۇماۋ، مويىن ومىرتقا اۋرۋى، يىق بۋىنى قابىنۋ، تىنىس جولى اۋرۋى سىندى اۋرۋلارعا وڭاي شالدىعادى. ادامنىڭ ۇيلەسۋ قابىلەتىنە دە بەلگىلى بارىس كەرەك، بىردەن جەڭىل كيىنۋگە بولمايدى، ەڭ ءتاۋىرى كيىمدى وزىڭىزگە جايلى بولاتىنداي، توڭبايتىنداي سايكەستىرىپ كيگەنىڭىز ءجون.

    اشىق رەڭمەن كوپ جاناسىڭىز

    كوكتەم مەزگىلى جاۋىن - شاشىندى بولاتىندىقتان، ورتا كوبىندە بۇلىڭعىرلانىپ تۇرادى. سوندىقتان كوكتەمدە مەيلى كيىم كيۋدە بولسىن، ورتامىزدى ورنالاستىرۋدا بولسىن رەڭدى ۇيلەسىمدى رەتتەپ وتىرۋ كەرەك. ايتالىق، كۇلگىن، سارعىش، قىزىل سارى، اشىق جاسىل سياقتى جاعىمدى رەڭدەرمەن ورتامىزدى سايكەستىرىپ وتىرعاندا، كوز تور قابىعى نەرۆىن تىتىركەندىرىپ، سىرتقى ورتا ارقىلى كوڭىل كۇيدى بەلسەندى رەتتەۋگە بولادى.

    سىرتقى قيمىلدارعا كوپتەپ قاتىناسۋ

    اۋا رايى اشىق كۇندەرى سىرتقا شىعىپ سەيىلدەۋدىڭ، ۆەلوسيپەد ءمىنۋدىڭ بارلىعى كوڭىل كۇيدى جادىراتادى. بۇلتتى، جاڭبىرلى اۋا رايىندا بولمەدە ارەكەت جاساۋ، تەر شىعارۋ جابىرقاعان كوڭىل كۇيدى باسەيتەدى.

    كوڭىل كۇي كىربەڭدىگىنەن ارىلا ءبىلىڭىز

    كوڭىل كۇي كىربەڭدىگىنەن ارىلۋدى ۇيرەنىپ، بارلىق ءىستى ىشكە بۇگىپ الماي، سىر اقتارار ادام تاۋىپ، جىلاپ الساڭىز دا، كوڭىل كۇيىڭىز جاقسارىپ قالۋى مۇمكىن. نە بولماسا ءوزىڭىزدىڭ تۇرمىس ادەتىڭىزدى وزگەرتىپ، بەلسەندى، ىرىقتى بولساڭىز، دوستارىڭىزبەن ارالاسىپ، كوڭىل كۇيىڭىزدى جاقسارتساڭىز دا بولادى.

جاۋاپتى رەداكتور: جازيرا بولاتباي قىزى