زەينەتكە شىققاننان كەيىن كوڭىلدى تۇرمىس وتكىزەمىن دەسەڭىز...

  • كەلۋ قاينارى: ىلە گازەتى
  • 04:54:38 18/04/2019

 

    زەينەتكە شىققاندار قوعامدىق قىزمەتتەن قول ۇزگەننەن كەيىن، اۋىرتپالىعى جەڭىلدەپ، جاڭاشا ءبىر تۇرمىسىن باستايدى. بۇل جاڭا تۇرمىس ولار جونىنەن العاندا ءوزىن كۇتىمدەپ، كەيىنگى ءومىرىن كوڭىلدى، ماعىنالى وتكىزۋىنىڭ نەگىزى بولىپ تابىلادى.

    بۇگىنگى تاڭدا زەينەتكە شىققاننان كەيىنگى ەڭ تاماشا تۇرمىستىق كۇي -جاي، ءماندى دە ماعىنالى كۇندەر، ءسىرا، قانداي بولۋ كەرەك دەگەن ماسەلە جونىندە زەينەتكەرلەرمەن وي ورتاقتاستىرۋدىڭ ماڭىزى زور. مىنە، بۇل ءاربىر زەينەتكەر نازار اۋداراتىن تۇيىندەر سانالماق.

    ءبىرىنشى، زەينەتكە شىققاننان كەيىنگى ەڭ ادەمى دەنە ءبىتىمى - ازىراق تولىسۋ.

    ازىراق تولىسۋ دەنساۋلىققا پايدالى بولىپ قانا قالماستان، سىمباتتى، سەرگەك، كەلبەتتى كورسەتەدى، ءسال تولىسقان ادامدار كەڭ پەيىلدى، تۇرمىسقا قۇشتار كەلەدى دە، كۇندەرى دە كوڭىلدى وتەدى. بارىنەن ماڭىزدىسى ازىراق تولىسقان ادامدار ءوزىن ايالاۋدىڭ، ءسۇيۋدىڭ نە ەكەنىن تۇسىنەدى، سۇلۋلىعىنان ءلاززاتتانا بىلەدى، تۇرمىسىن دا كوڭىلدى وتكىزەدى. سوندىقتان، زەينەتكە شىققاننان كەيىن ازىراق تولىسۋ ادامعا كوركەم سىمبات سيلايدى، مۇنىمەن قوسا جاقسى ءىشىپ - جەۋگە، كوڭىلدى ويناپ، جايلى دەمالۋعا، ءار كۇنى دەرلىكتەي كوڭىلدى جۇرۋگە دەن قويعانى ءجون.

    ەكىنشى، زەينەتكە شىققاننان كەيىنگى ەڭ ءونىمدى كۇتىمدەلۋ - كوڭىلدى ءجۇرۋ مەن كۇلىمسىرەي ءبىلۋ.

    كۇلىمسىرەپ كوڭىلدى جۇرۋدەن كەلەتىن بۇل تۇردەگى كۇتىمدەلۋ تەگىن ءارى ءونىمدى بولادى. ۇنەمى كۇلىپ، كوڭىلدى ءجۇرۋ راك اۋرۋىنان ساقتاپ،تۇرمىس اۋىرتپالىعىن جەڭىلدەتىپ، ۇزاق جاساۋعا سەپتىگىن تيگىزەدى. سوندىقتان قازىردەن باستاپ ءوزىڭىزدى كوڭىلدى ۇستاپ، كومەديالى فيلمدەردى كوپ كورۋگە، كوپ ءان تىڭداۋعا، كۇلدىرگىلەردى وقۋعا داعدىلانعانىڭىز ءجون، ول ءسىزدى كۇتىمدەيدى ءارى ءومىرىڭىزدى ۇزارتادى.

    ءۇشىنشى، زەينەتكە شىققاننان كەيىنگى ەڭ جاقسى قارىم - قاتىناس - جاراسىمدى، بەرەكەلى ءومىر ءسۇرۋ.

    جەر ورتاسى جاسقا كەلگەنىمىزدە ادامدارمەن بولعان ەڭ جاقسى قارىم - قاتىناس كۇرەڭ قاباق بولماي، جاراسىمدى، بەرەكەلى ءومىر ءسۇرۋ ەكەندىگىن ايقىن سەزىنەمىز. سوندىقتان شىنايى، جايلى، شىعىسىمدى بولعاندا عانا، جۇرەك قالاۋىڭىز بويىنشا جايدارى جاساۋىڭىزعا بولادى. شىنتۋايتىنا كەلگەندە ادامداردىڭ بىرگە جاساۋى قاراپايىم دۇنيە. دوسىڭىز بولسىن، مەيلى وتباسىڭىزداعىلار بولسىن، شىعىسساڭىز بىرگە تۇرۋىڭىزعا، تيتىقتاساڭىز ارالىق ساقتاۋىڭىزعا ابدەن بولادى، بۇعان ەشكىمنىڭ دە زورلىعى جۇرمەيدى. سوندىقتان، جايىڭىز جاراسىپ، كوڭىل كۇيىڭىز توعىساتىن ادامدارمەن سىرلاس بولىپ، بىرگە تۇرمىس كەشىرسەڭىز، كوڭىلىڭىز كوتەرىڭكى، كۇندەرىڭىز شاتتىققا تولى بولا بەرمەك.

جاۋاپتى رەداكتور: گۇلدەن ماقسات قىزى