ەرلەر كوپ تۇتىنۋعا ءتيىستى توعىز ءتۇرلى ازىقتىق

  • كەلۋ قاينارى: ىلە گازەتى
  • 04:58:02 18/04/2019

    سارى بۇرشاق

    سارى بۇرشاقتىڭ قۇرامىندا وسىمدىك تەكتى گورمون بولاتىندىقتان، ايەلدەرگە ەرەكشە پايدالى ەكەندىگىن كوپ ادام بىلسە دە، ونىڭ ەرلەرگە دە اسا پايدالى ازىقتىق ەكەنىن بىلە بەرمەۋى مۇمكىن. ماسەلەن، ۇنەمى سارى بۇرشاق جەيتىن جاپونيالىق ەرلەردىڭ قۋىق ءتۇبى بەزى راگىنا شالدىعۋ سالىستىرماسى باتىس ەلدەرىندەگى ەرلەرگە قاراعاندا الدەقايدا تومەن بولادى ەكەن.

    سارى بۇرشاق ەرلەردىڭ سۇيەك تكاندارىنىڭ سارىپ بولۋىن تەجەۋدە كورنەكتى ونىمدىلىككە يە. ەرلەر 60 تان اسقاننان كەيىن سۇيەك تكاندارى سيرەي باستايدى، بۇل جاعداي ايەلدەردىڭ وتپەلى جاس مەزگىلىندەگىدەي ءبىرشاما اۋىر بولادى. سارى بۇرشاقتى كوپ جەسە، لەتسيتيندى تولىقتاۋعا بولادى. لەتسيتين قىسقا مەرزىمدى ەسكە ساقتاۋ قۋاتىمەن قاتىستى ەكەندىگى رەسمي دالەلدەندى.

    اسقاباق ءدانى

    ەرلەر 40 جاستان اسقاننان كەيىن باسىم كوپ ساندىسى قۋىق ءتۇبى بەزىنىڭ ۇلكەيۋ ناۋقاسىنا شالدىعادى. اق ش-تىڭ ءبىر تۇردەگى تەكسەرۋىنە نەگىزدەلگەندە، قۋىق ءتۇبى بەزى ۇلكەيگەن ناۋقاستارعا اسقاباق دانىنەن ەكستراكتسيالانعان (الىنعان) زاتتى تۇتىندىرعاندا، ناۋقاستىڭ نەسەپ جيىلىگىن كورنەكتى ازايتىپ، باسقا دا اۋرۋ بەلگىلەرىن جاقسارتقان ەكەن.

    اسقاباق ءدانى ۆيتامين E نىڭ ەڭ تاماشا كەلۋ قاينارى بولىپ، قارتايۋدان ساقتايدى.

    اسقاباق ءدانىن ەرەن بازاردان ساتىپ الۋعا بولادى، كەيبىر ونىمدەر كوپ ءتۇرلى قاتتى قابىقتى جەمىستەردىڭ قوسپاسىنان جاسالاتىندىقتان، سالاتتىڭ ۇستىنە سەۋىپ تۇتىنۋعا نەمەسە كۇندەلىكتى تۇرمىستا قوسىمشا ازىقتىق رەتىندە تۇتىنۋعا بولادى.

    ۋ سارىمساق

    ۋ سارىمساقتىڭ باكتەريا جويۋ قۋاتى كۇشتى بولاتىندىقتان، دەنەگە ەنگەن اۋرۋ قوزدىرعىش باكتەريالاردى جويا الادى. مۇنان تىس، ول ۆيتامين B1 دىڭ ءسىمىرىلۋىن جەدەلدەتىپ، قانت تەكتەستەردىڭ زات الماسۋىن جەدەلدەتىپ، ەنەرگيا قالىپتاستىرىپ، شارشاۋدى باسادى.

جاۋاپتى رەداكتور: گۇلدەن ماقسات قىزى