تاماقتى كوپ شايناپ جەۋ قارتايۋدى باياۋلاتادى

  • كەلۋ قاينارى: ىلە گازەتى
  • 06:21:37 18/04/2019

 

    جاپونيادا شايناۋ قۋاتى ـ ومىرشەڭدىك قۋات دەگەن ءسوز كەڭىنەن تارالعان. شايناۋ سىندى اۋىزعا العىسىز ارەكەتكە جاي قاراماڭىز، ونىڭ دەنساۋلىقتى جەبەپ، ءومىردى ۇزارتۋمەن اسا ماڭىزدى قاتىناسى بار.

    ءبىرىنشى، ازىقتىقتىڭ قورىتىلۋىنا كومەكتەسەدى جانە قورىتىلۋىن جەبەيدى. سىلەكەيدىڭ قۇرامىندا قورىتقىش فەرمەنت بار بولىپ، شايناۋ رەت سانى قانشا كوپ بولعان سايىن، اۋىز قۋىسىنىڭ ءبولىپ شىعاراتىن سىلەكەي سۇيىقتىعى سولعۇرلىم كوپ بولادى دا، ازىقتىقپەن اناعۇرلىم جاقسى ارالاسىپ، قورىتۋدى جەبەيدى.

    ەكىنشى، سەمىرۋدەن ساقتاپ، ارىقتاتۋ ونىمدىلىگىنە يە. تاماقتى كوپ شايناپ، اقىرىن جۇتۋ بارىسىندا قالىپتاسقان سىلەكەي سۇيىقتىعى قورىتۋدىڭ سالماعىن جەڭىلدەتىپ، ۇلكەن مي ورتالىق نەرۆىنىڭ شارتتى رەفلەكسى ارقىلى قالىپتان تىس كوپ ازىقتىق جەۋدەن ساقتاپ، دەنە سالماعىنىڭ ارتۋىن تەجەيدى. كەرىسىنشە، قوماعايلانا جەپ -ءىشىپ، از شايناپ، تاماقتى تەز جەسەڭىز، وڭاي سەمىرىپ، مايدىڭ جينالۋىن كەلتىرىپ شىعارادى.

    ءۇشىنشى، ءتۇرلى اۋرۋلاردان ساقتايدى. سىلەكەيدىڭ قۇرامىندا قورىتۋ فەرمەنتىنەن باسقا، اۋرۋعا قارسى تۇراتىن انتيتەل بار. سىلەكەي جۇقپالى تۇماۋ سياقتى تىنىس جولى جۇقپالى اۋرۋىنا قارسى تۇرادى. سوندىقتان، جۇقپالى تۇماۋ تارالعان كەزدە كەمىندە ءبىر تال كامپيت سورىپ جۇرسەڭىز ساقتانۋ رولىن اتقارادى.

    ءتورتىنشى، ءتىستى بەكەمدەيدى. ەلىمىزدىڭ جۇڭگوشا شيپاگەرلىگىنىڭ ءداستۇرلى كۇتىمدەلۋ ادىسىندە ءتىستى ساقىلداتۋ ءادىسى ايتىلعان. شايناۋ سانى ازايعان سايىن سۇيەك زاتىنىڭ قاتتىلىعى سالىستىرمالى تۇردە تومەندەيدى، قارتايعاندا كوپتەگەن قاتتى نارسەلەردى جەي المايتىندىقتان، ءتىستىڭ السىرەۋى مەن كەمەيۋىن كەلتىرىپ شىعارىپ، دەنساۋلىققا اۋىر ىقپال كورسەتەدى.

    بەسىنشى، قاقالۋدان ساقتايدى. قارتايعاندا تاماقتى شايناۋ رەت سانى ازايىپ، جۇتۋ قۋاتى السىرەگەندە ادام وڭاي قاقالىپ - شاشالىپ، وڭاي لوقسيدى، ءتىپتى، ومىرگە حاۋىپ ءتوندىرۋى مۇمكىن. مۇندايدا ەڭ جاقسى ساقتانۋ ءادىسى شايناۋ مەن جۇتۋ قۋاتى جاتتىعۋىن كۇشەيتۋ كەرەك.

    اۋدارعان احات سانياز ۇلى

جاۋاپتى رەداكتور: گۇلدەن ماقسات قىزى