ميدى جاسارتاتىن جاقسى ادەتتەر

  • كەلۋ قاينارى: ىلە گازەتى
  • 04:29:33 15/05/2019

    ريتىمدى قاداممەن ءجۇرۋ. «جاڭا انگليا مەديتسينالىق جۋرنالىندا» جاريالانعان زەرتتەۋ ناتيجەسىنە قاراعاندا، كۇندىز قىسقا ۋاقىت تەز ءجۇرۋ قاتتاردىڭ الجۋ ناۋقاسىنا شالدىعۋىن كورنەكتى تومەندەتەدى ەكەن. ويتكەنى ريتىمدى اياق الىس دەنەنىڭ قان اينالىسىن جاقسارتىپ، مي قاعىلەزدىگىن اتتىرادى.

    جاڭا ءتىل ۇيرەنۋ. ا ق ش - دا شىعاتىن «نەرۆ مەديتسيناسى جۋرنالىندا» جاريالانعان زەرتتەۋدە بايقالۋنشا،ءءار كۇنى 10 مينۋت ۋاقىت جۇمساپ جاڭا ونەر ۇيرەنۋ ادامنىڭ تانۋ قابىلەتىنىڭ تومەندەۋىن تەجەۋگە ءتيىمدى ەكەن. وسى زەرتتەۋدە تاعى باسقا ءبىر ءتىل ۇيرەنۋدىڭ قارتتاردىڭ الجۋدان ساقتانۋىنا ءارقانداي دارىدەن دە ءونىمدى ەكەندىگى العا قويىلعان.

    ومىرگە نارازى بولماۋ. فينلانديا زەرتتەرمەندەرى ومىرگە نارازى بولىپ جۇرەتىندەردىڭ مي قۋاتى باسقا قۇربىلارىنا قاراعاندا ءتىپتى دە وڭاي السىرەيتىندىگىن ورتاعا قويدى. عالىمدار ۇنەمى ۇنجىرعاسى ءتۇسىپ ءجۇرۋ ميدىڭ قارتايۋىن جەدەلدەتەدى، سونداي - اق دەنساۋلىققا جانە پسيحولوگيالىق اقاۋسىزدىققا دا ىقپال كورسەتەدى دەپ قاراعان.

    كومەديا كورۋ. ا ق ش تاجىريبە - بيولوگيا بىرلەستىگى ءار كۇنى 20 مينۋت ۋاقىت شىعارىپ قارقىلداي قاتتى كۇلۋدىڭ كورتيزول سياقتى قىسىم گورموندارىنىڭ ءبولىنۋىن ازايتىپ، تانۋ قابىلەتىنىڭ تومەندەۋىن تەجەۋگە سەپ بولاتىنىن ايتادى. دەمەك، قارتتار كەشكى استان كەيىن ءبىر سەريالى كومەديا كورىپ جادىراي كۇلىپ العانى قۇبا - قۇپ.

    ءار كۇنى ءتىس شوتكىلەۋ، ءتىس تازارتۋ ءجىبىن پايدالانۋ. ءتىسى اقاۋسىز ادامنىڭ كۇلكىسى جارقىن، ويى قاعىلەز بولادى. شۆەتسيا زەرتتەۋشىلەرى ءتىس تازارتۋ ءجىبىن پايدالانۋدى بىلمەيتىندەردىڭ تانۋ قابىلەتىنىڭ تومەندەۋ مۇمكىندىگىنىڭ اناعۇرلىم جوعارى بولاتىنىن بايقاعان.

    ۋاعىندا ۇيىقتاۋ، ۇيقىنى قاندىرۋ. ۇيرەنۋ مەن ەستە ساقتاۋ جونىندە جۇرگىزىلگەن زەرتتەۋلەردەن بايقالۋىنشا، ءار كۇنگى ۇيقى ۋاقىتىڭىز 6 ساعاتقا جەتپەسە، كۇن وتە كەلە قارتتاردا بولاتىن الجۋ ناۋقاسىنا شالدىعۋىڭىز مۇمكىن. سوندىقتان قارتتار ەڭ جاقسىسى ءتۇن بويى كىرپىك ىلمەۋدەن ساقتانۋى، سونداي - اق 7 ساعات اينالاسىندا ساپالى ۇيقىعا كەپىلدىك ەتۋى كەرەك.

    حانزۋ تىلىنەن اۋدارعان سۇن رۇيجيە

جاۋاپتى رەداكتور: جازيرا بولاتباي قىزى