جوعارى قان قىسىم اۋرۋىنا شالدىققاندار ازىقتانۋدا ەسكەرەتىن 5 ءتۇيىن

  • كەلۋ قاينارى: ىلە گازەتى
  • 04:19:51 29/05/2019

    جوعارى قان قىسىم اۋرۋىنا شالدىققان ناۋقاستاردىڭ قان قىسىمى ءبىرشاما جوعارى نەمەسە تولقۋى ءبىرشاما زور بولاتىندىقتان، ازىقتانۋدا ءوزىن قاتاڭ تەجەۋى، اسىرەسە، تومەندەگى 5 تۇيىنگە باسا نازار اۋدارۋى قاجەت.

    سپيرت

    ارتىق مولشەردە اراق ءىشۋ اسقازان مەن باۋىردى تىتىركەندىرۋمەن بىرگە، قان اينالىسىن جەدەلدەتىپ، جۇرەك پەن قان تامىردىڭ جۇگىن اۋىرلاتادى، اق اراق سياقتى اشتى اراقتار جوعارى قان قىسىمى ناۋقاسىنا شالدىققاندارعا ۇيلەسپەيدى.

    اشتى - تۇشتى ازىقتىقتار

    اشتى - تۇشتى ازىقتىقتار قان اينالىسىن جەدەلدەتىپ، قاننىڭ سيىمدىلىعىن ارتتىرىپ، جۇرەك قان تامىردىڭ جۇگىن اۋىرلاتادى، اسىرەسە، قان قىسىمعا ىقپالى ءبىرشاما زور بولادى. سوندىقتان شيكى سارىمساق، جەمجەمىل، ۋسارىمساق سياقتىلاردى مۇمكىندىكتىڭ بارىنشا از تۇتىنۋ كەرەك. ەڭ جاقسىسى تۇتىنباعان ءجون.

    تويا تاماقتانۋ

    ازىقتىقتى لايىقتى مولشەردە تۇتىنعان ءجون، ارتىق تۇتىنعان ازىقتىق اسقازان - ىشەك جولدارى مەن جۇرەك قان تامىرىنىڭ جۇگىن اۋىرلاتادى، اسىرەسە، ءىشتى وڭاي كەپتىرەتىن بۇرشاق تۇرىندەگى جانە جوعارى تالشىقتى ازىقتىقتاردى جەگەننەن كەيىن اسقازاندا ءبورتىپ، قان قىسىمدى مەڭگەرۋگە قولايسىزدىق تۋدىرادى.

    جوعارى حولەستەريندى ازىقتىقتار

    قان قىسىمى جوعارىلاۋىنىڭ سەبەبى كوپ. ماسەلەن، قان تامىر ءبۇيىرىنىڭ سەرپىمدىلىگى ناشارلاۋ، قانداعى ماي قۇرامى جوعارىلاۋ سياقتى سەبەپتەر قان قىسىمىنا كورنەكتى ىقپال كورسەتەدى. سوندىقتان قانداعى ماي قۇرامىنا ىقپال جاسايتىن ازىقتىقتاردى ۇيلەسىمدى تۇتىنعان ءجون.

    سۋدى ءبىر جولدا كوپ ءىشۋ

    كۇندەلىكتى تۇرمىستا كوپتەگەن ادام سۋ ءىشۋدىڭ قاعيداسىنا كوڭىل بولە بەرمەيدى. ەسىنە تۇسە قالعاندا قىلقىلداتىپ ءبىر ستاكان سۋدى ءبىراق ىشە سالادى، مۇنداي سۋ ءىشۋ ادەتى قاننىڭ سيىمدىلىعىن لەزدە ارتتىرىپ، قان تامىر بۇيىرىنە قىسىم ءتۇسىرىپ، بۇيرەكتىڭ جۇگىن اۋىرلاتادى، بۇل _ جوعارى قان قىسىمى جانە جۇرەك اۋرۋىنا شالدىققاندار جونىنەن ءبىرشاما حاۋىپتى جاعداي.

جاۋاپتى رەداكتور: جازيرا بولاتباي قىزى