نازالانعانىڭىزدا نازارىڭىزدى باسقاعا اۋدارىڭىز

  • كەلۋ قاينارى: ىلە گازەتى
  • 04:20:55 29/05/2019

    قازىرگى كەزدە قىزمەت پەن تۇرمىس ريتىمى جەدەلدەپ، كىسىلىك قارىم -قاتىناستا ءتۇرلى كوڭىلسىزدىكتەردەن اۋلاق بولا المايمىز، كوڭىلسىزدىككە تاپ بولساق، ودان وڭاي ايىعا المايمىز، مازاسىزدانعان سايىن سوڭى شيەلەنىسىپ، قۇتىلايىن دەگەن سايىن قۇيعا باتا بەرەمىز. كەيبىرەۋلەر نازاردى باسقاعا اۋدارسا بولعانى، جاقسى بولىپ قالادى دەيدى، الايدا، بۇعان كوپ ادام «قولىمنان كەلمەيدى» دەپ جاۋاپ قايتارادى.

    كوپتەگەن ادام كوڭىل كۇيىن مەڭگەرە الادى، بۇل ولاردىڭ كوڭىلسىزدىكتەرگە ءجيى تاپ بولىپ، وسى كوڭىلسىزدىكتەن ءوزىن -ءوزى مەڭگەرۋ قابىلەتىن قالىپتاستىرعانىنا بايلانىستى بولسا كەرەك. پسيحولوگيادا «قىزعىلت ءپىل» تاجىريبەسى بار، مۇندا قىزعىلت پىلگە ۇقساپ قالمايىن دەپ ءوز - وزىنە ەسكەرتۋ بەرەدى. الايدا، وي - ساناسىندا الگى قىزعىلت ءپىل ۇزدىكسىز پايدا بولىپ تۇرادى. بۇل _ ىشكى يشاراتتىڭ ناتيجەسى، قانشا ويلامايىن دەگەن سايىن، توقتاۋسىز ويلاۋمەن بولامىز. كوپتەگەن ادامدا مازاسىزدانعاندا كەرەناۋ يدەيا پايدا بولادى، اسىلگى جاعداي تىم اۋىر بولماعانىمەن، ءوزىمىز ونى تىم كۇردەلىلەستىرىپ، ويلاعان سايىن الاڭداپ، ناتيجەدە ۇنەمى ءبىر ىستەن ءبىر ءىستىڭ تۋىنداۋىنان الاڭدايمىز.

    كەيبىرەۋلەر ءارقانداي ءىستىڭ ءتۇبىن قۋىپ، كوڭىلسىزدىكتىڭ ءتۇپ قاينارىن تاۋىپ، ونان سوڭ ودان ارىلۋدى ويلايدى. الايدا، كوبىنەسە مۇنىڭ كەرىسىنشە بولادى. ءسىز وعان نازارىڭىزدى بۇرعان سايىن، ول كۇشەيە تۇسەدى. پسيحولوگيالىق ەمدەۋدەگى «رۋحتىڭ ءوزارا اسەر ەتۋى» مىنالارعا قاراتىلعان: بەلگىلى ءبىر تۇيسىككە نازار اۋدارعانىڭىزدا بۇل تۇيسىكتەن ءشۇبالانا قالاسىز دا، نازارىڭىز وسى تۇيسىككە شوعىرلانىپ، ول بارعان سايىن كورنەكتىلەنە تۇسەدى.

    سوندىقتان، كوڭىلسىز بولعاندا ءوزىڭىزدى ناشار كوڭىل كۇيدىڭ قىسپاعىندا قالتىرماي، ودان ۋاعىندا قۇتىلۋىڭىز اسا ماڭىزدى، نازارىڭىزدى باسقاعا شوعىرلاندىرۋ ۇيلەسىمدى امالداردىڭ ءبىرى. ءبىرىنشى باسقىشتا كوز الداعى جاعدايعا نازار اۋدارىپ، كۇيگەلەكتىككە سالىنباۋ. كوپتەگەن ادام مازاسىزدانعاندا ونە بويى جايسىزدانعانداي بولىپ، ىشتەي دەگبىرسىزدەنەدى. وسىنداي كەزدە كوز الداعى جاعدايعا نازار اۋدارىپ، جالپى جاعدايدى قاداعالاپ، كوڭىل كۇيىڭىزدى، ارەكەتىڭىزدى شىنايى سەزىنىپ، ءوزىڭىزدى تىنىشتاندىرىپ، مازاسىزدىقتى بىرتىندەپ جويۋىڭىز كەرەك. ەكىنشى باسقىشتا ىرقىنا جىبەرىپ، كەسە - كولدەنەڭ بولماۋ. قۋانىش - قايعىنىڭ وزىندىك بەينەسى بولادى، ءبىز ءىستىڭ ءوز قاعيداسىنا قۇرمەت ەتىپ، وعان ءوز الدىمىزعا باعا بەرمەي، قالىپتى كوڭىل كۇيمەن بارلىعىن دۇرىس قابىلداپ، باس تارتپاۋىمىز كەرەك. ءۇشىنشى باسقىشتا تۋراشىل بولىپ، ءومىردى بوسقا وتكىزبەۋ. ارەكەت - نازاردى باسقاعا شوعىرلاندىرۋدىڭ تاماشا ءادىسى. مۇنداي ارەكەت ماعىنالى ارەكەت، نازاردى تۇرمىستاعى ۇساق - تۇيەك ىستەرگە، قىزمەت پەن ۇيرەنۋگە، ماعىنالى ىستەرگە اۋدارۋ كەرەك. تۇرمىس ادەتى جۇيەسىنە تۇسكەننەن كەيىن مازاسىزدىقتان وزدىگىنەن قۇتىلاتىن بولاسىز.

جاۋاپتى رەداكتور: جازيرا بولاتباي قىزى