كۇننەن قورعانۋدا كوڭىل بولەتىن تۇيىندەر

  • كەلۋ قاينارى: ىلە گاەتى
  • 05:04:17 24/06/2019

 

   اۋا رايىنىڭ جىلىنۋىنا بايلانىستى كوپتەگەن ادامدار دەمالىس كەزدەرىندە سىرتقا شىعىپ كوڭىل كوتەرۋدى ۇناتادى. شۋاقتى كۇن نۇرى ادامداردىڭ سىرتقا شىعىپ ساياحاتتاۋىنا تاماشا كوڭىل كۇي سيلايتىندىعى شىندىق، دەسە دە، مۇندا كۇننەن قورعانۋعا جەڭىل – جەلپى قاراماي، وعان دا باسا نازار اۋدارىپ، كۇنگە كۇيدىرمەيتىن ماي، كۇندىك، كۇننىڭ كۇيدىرۋىنەن قورعايتىن كيىمدەردى پايدالانۋ كەرەك. تومەندە وسى بۇيىمداردى تاڭداۋ ءادىسى جاعىندا سىزبەن سىر ءبولىسىپ، كۇننىڭ كۇيدىرۋىنەن قالاي قورعانۋ جونىندە پىكىر بولىسەيىك.

    كۇنگە كۇيدىرمەيتىن ماي

    ءبىرىنشى، كۇنگە كۇيدىرمەيتىن مايدى، ءسوزسىز، تولىقتاپ جاعىپ تۇرۋ كەرەك.

    جاز كۇندەرى كۇننىڭ كۇيدىرۋىنەن قورعانۋداعى ماقسات - ۋلترا كۇلگىن ساۋلەنىڭ زاقىمداۋىنان ساقتانۋ. ويتكەنى ونىڭ قۇرامىنداعى UVA تەرىنى اۋىر دارەجەدە زاقىمدايدى، ۋلترا كۇلگىن ساۋلە وتە كۇشتى بولعاندا بارلىق بوگەتتەردەن ءوتىپ تەرىنى كۇيدىرىپ قارايتادى ءارى تەرى راگىن كەلتىرىپ شىعارادى. سوندىقتان جازدىڭ شىلىڭگىر ىستىعىندا كۇن نۇرىنان ساقتانۋ كوەففيسەنتى جوعارى ونىمدەردى، ونىڭ ۇستىنە قۇرامىندا كۇنگە كۇيدىرمەيتىن ءدارىسى بار بۇيىمداردى ساتىپ الۋ كەرەك. بۇل ونىمدەر زور مولشەردەگى ۋلترا كۇلگىن ساۋلەنى سىمىرگەننەن كەيىن بۇكىلدەي ىدىرايدى، ءونىمى دە السىرەيدى، سوندىقتان جازدا كۇنگە كۇيدىرمەيتىن مايدى تولىقتاپ جاعىپ تۇرۋ كەرەك. ويتپەگەندە ءونىمى بولمايدى.

    ەكىنشى، جەتكىلىكتى پايدالانباۋ ىسىراپشىلدىقپەن بارابار.

    كۇنگە كۇيدىرمەيتىن ونىمدەر بازارعا سالىنۋدان بۇرىن ءبىر تۇتاس سىناقتان وتەدى. ۇلگى بۇيىمىنىڭ پايدالانىلۋ مولشەرى ءار شارشى سانتيمەترىنە 3 ميلليگرام دەپ بەلگىلەنگەن. سوندىقتان كۇنگە كۇيدىرمەيتىن مايدى ءىس جۇزىندە وسى ولشەم بويىنشا ىستەتكەندە تالاپتاعىداي قورعاۋ ونىمدىلىگىنە قول جەتكىزۋگە بولادى. ەگەر كۇنگە كۇيدىرمەيتىن قويۋ مايدى ىستەتسەڭىز، ورتان ساۋساق ۇزىندىعىنىڭ ەكى ەسەسىندەي سىعىپ شىعارىپ الىپ جاعۋ كەرەك؛ ەگەر كۇنگە كۇيدىرمەيتىن سۇيىقتىق ىستەتسەڭىز، ەكى تەڭگەنىڭ ۇلكەندىگىندەي مولشەردە ىستەتۋ كەرەك، ويتپەگەندە ءونىمى مەجەگە جەتپەيدى.

    ءۇشىنشى، بۇلتتى كۇندەرى نەمەسە بولمە ىشىندە دە كۇنگە كۇيدىرمەيتىن ماي ىستەتۋ كەرەك.

    تەرىنى اق كۇيىندە ساقتاۋدىڭ ەڭ جاقسى ءادىسى - كۇنگە كۇيدىرمەۋ. سوندىقتان مەيلى اشىق نەمەسە جاڭبىرلى كۇندەرى بولسىن، سرتقا شىعاردان بۇرىن كۇنگە كۇيدىرمەيتىن ماي جاعۋدى ەستەن شىعارماۋ كەرەك. تەرىنى قورعاۋ ماماندارى مىنانى ەسكەرتەدى: ەگەر كۇندىز كولەڭكە نەمەسە كەشتە كۇشتى جارىق (جارىق استىنداعى ۋلترا كۇلگىن ساۋلەگە نەمقۇرايدى قاراۋعا بولمايدى) بولعان كۇندە دە تەرىنى، ءسوزسىز، ءسۇرتىپ، قورعاۋ كەرەك.

جاۋاپتى رەداكتور: گۇلدەن ماقسات قىزى