ارىقتاۋداعى التى ءتۇرلى اعات تۇسىنىكتەن اۋلاق بولىڭىز

  • كەلۋ قاينارى: ىلە گازەتى
  • 05:06:32 24/06/2019

    ارىقتاۋدىڭ ءساتسىز بولۋى تۇرمىستاعى اعات تۇسىنىكتەن بولادى. ەگەر ءادىسىڭىز قاتە بولسا، ارىقتاۋىڭىز بىلاي تۇرسىن، قورەكتىك جەتىسپەۋ، سۇيەك بوساۋ، قان ازدىق، اسقا تابەتى تارتپاۋ، ءتىپتى باۋىر مەن بۇيرەكتىڭ زاقىمدالۋى سياقتى جاعدايلاردى كەلتىرىپ شىعارادى. ارىقتاۋداعى ماقسات ءوزىمىزدى اناعۇرلىم سالاماتتاندىرۋ، استە، ارىقتايمىن دەپ سالاماتتىقتان ايىرىلۋعا بولمايدى. ەندەشە، ۇنەمى كەزدەسەتىن اعات تۇسىنىكتەر قايسىلار، ودان قالاي ساقتانۋعا بولادى؟

    ءبىرىنشى، تەز ارىقتاۋ ءۇشىن از تاماقتانۋ دەۋ

    كەيبىرەۋلەر ارىقتاۋ ءۇشىن ءار كۇنى نەگىزگى ازىقتىقتان دا تيىلادى، ەت، جۇمىرتقا، ءسۇت سياقتى ازىقتىقتاردى تىم از جەيدى. بۇلاي بولعاندا سىمىرىلگەن ەنەرگيانىڭ تىم ازدىعىنان، قورەكتىك جەتىسپەۋدى كەلتىرىپ شىعارادى.

    ءبىز ازىقتىق جەۋ ارقىلى دەنەنى قاجەتتى ەنەرگيامەن قامدايمىز، سىمىرىلگەن ەنەرگيا دەنەنىڭ قاجەتىن قاناعاتتاندىرا الۋى كەرەك، استە، الباتى ازايتۋعا بولمايدى. ادەتتە، ەرلەر مەن ايەلدەردىڭ پارقىنا، دەنە ەڭبەگىنىڭ اۋىر-جەڭىلدىگىنە قاراي، قاجەت ەتەتىن ەنەرگياسى دا ۇقساس بولمايدى. 2011 -جىلعى«جۇڭگو ەرەسەكتەرىنىڭ سەمىزدىك اۋرۋىنان ساقتانۋ، ەمدەۋ جونىندەگى ماماندار ورتاق تانىمىندا» مىناۋ ۇسىنىس ەتىلگەن: كۇندەلىكتى ازىقتانۋ بارىسىندا 600 كيلوكالوريا نەمەسە داعدىلى ازىقتانۋ مولشەرىنىڭ %15 تە %30 جىلۋ مولشەرى ازايتىلسا، اپتاسىنا 500 گرام ارىقتاۋ ماقساتىنا جەتۋگە بولادى. ازىقتانۋ جوباسى دارالىققا يە بولۋى قاجەت، ويتكەنى جىلۋلىق مولشەرى ۇقساس بولعانىمەن بەلوك، كومىر-سۋ قوسىلىستارى جانە ماي قۇرامى ۇقسامايتىن ازىقتىقتاردىڭ دەنە سالماعىن جەڭىلدەتۋدەگى ونىمدىلىگى دە ۇقساس بولمايدى.

    ەكىنشى، ارىقتايمىن دەپ نەگىزگى ازىقتىقتاردى تۇتىنباۋ

    بىزگە ءار كۇنگى قاجەتتى ەنەرگيا نەگىزىنەن كومىر - سۋ قوسىلىستارىنان كەلەدى، ياعني جايشىلىقتا ايتىلىپ جۇرگەن قانت تەكتەستەر. قانتتىڭ ۇنەمى كەزدەسەتىن فورماسى كراحمال - نەگىزىنەن نەگىزگى ازىقتىقتاردان كەلەدى. قانت تەكتەستەردى كوپ جەسە وڭاي سەمىرەدى. الايدا، ازىقتىقتاردىڭ قۇرامىنداعى قانت مولشەرى ازايىپ كەتسە، قورەكتىك جەتىسپەۋ، قانداعى قانت قۇرامىنىڭ تومەندەۋىن كەلتىرىپ شىعارادى. ءتىپتى ۇلكەن مي مەن باۋىرعا اۋىر زارداپ تۋدىرادى. سوندىقتان لايىقتى مولشەردە قانت تەكتەستەردى تۇتىنۋ، اسىرەسە، كۇردەلى كومىر-سۋ قوسىلىستارىن، ماسەلەن، جاپون كارتوبى، ءتاتتى كارتوپ، قارا استىق سياقتىلار جىلۋ مولشەرىمەن قامداۋمەن بىرگە، ازىقتىق تالشىق، ۆيتامين جانە مينەرال زاتتارمەن قامداپ، دەنساۋلىققا اسا پايدالى كەلەدى.

    ءۇشىنشى، تەك كوكونىس، جەمىس - جيدەك جەپ، ەتتەن تيىلۋ

جاۋاپتى رەداكتور: گۇلدەن ماقسات قىزى