قارتتار دەنە شىنىقتىرۋدا ساقتانۋعا ءتيىستى ون قاتەلىك

  • كەلۋ قاينارى: ىلە گازەتى
  • 05:48:07 13/07/2019

    1. ۇزاق ۋاقىت الاڭ ءبيىن بيلەۋ تىزەنى زاقىمدايدى

    نە ءۇشىن الاڭ ءبيىن بيلەگەندەر وڭاي زاقىمدالادى؟ بۇل كۇندە الاڭ ءبيىنىڭ قيىندىق دارەجەسى كۇننەن -كۇنگە جوعارىلاۋدا، جايشىلىقتا ۇنەمى دەنەنى اينالدىرۋ، اياقتى بۇراۋ سياقتى ارەكەتتەردى ورنالاستىرادى، بۇل ارەكەتتەر دەنەنىڭ اۋىرلىق سەنترىن مەڭگەرۋگە جانە اياقتىڭ كۇشى مەن ورنىقتىلىعىنا ءبىرشاما جوعارى تالاپ قويادى.ءبيدىڭ ءبىر دە ەكى ساعاتقا جالعاسۋى بۋىنداردىڭ ۇزاق ۋاقىت توقتاۋسىز ارەكەتتە بولاتىندىعىن اڭعارتادى.

    الاڭ ءبيىنىڭ ۋاقىتى قانشا ۇزاق بولسا، سونشا جاقسى، قيىندىق دارەجەسى قانشا جوعارى بولسا، سونشا جاقسى دەۋگە بولمايدى، ۋاقىت پەن ارەكەتتىڭ كۇشەمەلىلىگىن لايىقتى مولشەردە مەڭگەرۋ تىزەنى قورعاۋعا اسا پايدالى. ءار رەت الاڭ ءبيىن بيلەگەندە ءبىر ساعاتتان اسىپ كەتپەگەنى، ءسال تەر شىققانشا جالعاسقانى ابزال.

    2. داۋالعا جارماسۋ، يىقتى سىلكۋ يىق بۇلشىق ەتىنىڭ سوگىلۋىن تۋدىرادى

    قارتتار شاعىن رايوندا دەنە شىنىقتىرعاندا، ۇنەمى قولىن جوعارى كوتەرۋ ارەكەتىن ىستەۋدى ۇناتادى، ماسەلەن، جالاڭ تورنيككە نەمەسە اسپا شىعىرىققا اسىلىپ يىعىن بۇراۋ، تاياق دوپ لاقتىرۋ، شتانىكىنى جۇلقي كوتەرۋ، يىقتى سىلكۋ، داۋالعا جارماسۋ سياقتىلار. ءىس جۇزىندە بۇل ارەكەتتەر كەرىسىنشە يىققا تۇسەتىن سالماقتى ارتتىرىپ، يىق بۇلشىق ەتىنىڭ زاقىمدالۋىن تۋدىرۋى نەمەسە سالماعىن اۋىرلاتۋى مۇمكىن.

    يىق اينالاسىنىڭ قابىنۋى مەن يىق بۇلشىق ەتىنىڭ زاقىمدالۋى ءبىر-بىرىنە ۇقسامايتىن ەكى ءتۇرلى اۋرۋ، يىق اينالاسىنىڭ قابىنۋى وزدىگىنەن ساۋىعاتىن اۋرۋ، جايشىلىقتا جارىم جىلدا، ەڭ كوپ بولعاندا ەكى جىل ىشىندە وزدىگىنەن ساۋىعىپ كەتەدى. ال يىق بۇلشىق ەتىنىڭ زاقىمدالۋىن ەمدەمەسە نەمەسە قاتە ادىستەرمەن دەنە شىنىقتىرسا ونان ارى اسقىنىپ كەتۋى مۇمكىن. ونىڭ ۇستىنە، يىق بۋىنى اۋرۋىنىڭ ءتۇرى وتە كوپ. ماسەلەن، جاۋىرىن قۇس تۇمسىعىنىڭ سوعىلۋى، كىلەگەي قالتانىڭ قابىنۋى، يىق بۇلشىق ەتىنىڭ زاقىمدالۋى، تۇبەك ەرنىنىڭ زاقىمدالۋى سياقتىلار، مىنە بۇل اۋرۋلاردى تەك يىق بۋىنىن سوزۋ ارقىلى ءبىر جاقتى ەتۋگە بولمايدى، كاسىپتىك شيپاگەرگە بارىپ تەكسەرتىپ، قاتىستى جاتتىعۋلاردى ىستەۋ كەرەك.

    3. ەكپەتتەپ جاتىپ، قول - اياقتى ارتقا كوتەرۋ مەن شالقالاپ جاتىپ قۇرساق ارەكەتىن ىستەۋ ومىرتقا ارالىق تاباقشاسىن زاقىمدايدى

    كەيبىر قارتتار بەل - ارقا بۇلشىق ەتىن شىنىقتىرۋ ءۇشىن، ەكپەتتەپ جاتىپ، قول-اياقتى ارتقا كوتەرۋ ارەكەتىن ىستەيدى. بۇل ارەكەت شىنىندا تاماشا دەنە شىنىقتىرۋ ارەكەتى سانالادى. الايدا، قارتتارعا ۇيلەسە بەرمەيدى. ويتكەنى قارتتاردىڭ بۋىنى، ومىرتقا ارالىق تاباقشاسى توزعاندىقتان، بۋىننىڭ قالىڭداۋى، ومىرتقا وزەگىنىڭ تارايۋى سياقتى ماسەلەلەر ساقتالادى، قالىپتان تىس كەرىلىپ - سوزىلعاندا بۋىننىڭ قىسىلۋى مەن سوعىلۋىن كۇشەيتىپ، ومىرتقا دوعاسىنىڭ كۇش الۋىن ارتتىرىپ، سۇيەكتىڭ سىنۋىن تۋدىرادى، سونىمەن بىرگە، ومىرتقا وزەگىن ونان ارى تارايتادى.

جاۋاپتى رەداكتور: جازيرا بولاتباي قىزى