انىق كورە الماۋ كوز نۇرىنىڭ تايعانىن اڭعارتپايدى

  • كەلۋ قاينارى: ىلە گازەتى
  • 08:16:36 13/07/2019

    كوز نۇرى تايۋ ادەتتە 50 جاستان اسقان ادامداردا جالپىلىق كەزىگەتىن جاعداي ءارى بۇل شىنىمەن كورۋ قۋاتىنىڭ السىرەۋىن كەلتىرىپ شىعارادى. دەگەنمەن انىق كورە الماۋ كوز نۇرى تايعاننان دەرەك بەرمەيدى، كوزدەگى جانە دەنەنىڭ باسقا مۇشەلەرىندەگى ماسەلەلەر دە قارتتاردىڭ كورۋ قۋاتىن السىرەتۋى مۇمكىن.

    كوزدىڭ سەبەبىنەن انىق كورە الماۋدىڭ باستىسى مىناداي ءتورت ءتۇرلى مۇمكىندىگى بولادى:

    كوز نۇرى تايۋ. جاقىندى كورگەندە قينالىپ، كەرىسىنشە الىسىراقتى انىق كورۋ ـ بۇل كوز نۇرى تايعاندىقتىڭ باستى بەينەسى. كوز نۇرى تايۋ دەگەنىمىز كوز بۇرشاعىنىڭ بىرتىندەپ قاتايۋى، سەرپىمدىلىگىنىڭ تومەندەۋى سياقتى كوزدىڭ فيزيولوگيالىق رەتتەۋ قابىلەتىنىڭ السىرەۋىنەن پايدا بولادى. كوز نۇرى تايۋ قازىر جاستاسۋعا بەت الۋدا، ءىشىنارا ادامداردىڭ 40 جاستان باستاپ كوز نۇرى تايادى. كوز نۇرى تايعاندار مۇمكىن بار جارىعى ءالسىز، كۇڭگىرت ورتادا كىتاپ وقىماۋى، ۋاقىتتى مەڭگەرۋى، ءبىر – ەكى ساعاتتا ۇيلەسىمدى دەمالۋ كەرەك. بۇدان تىس، جۇيەلى كوز اۋرۋلارى ورتالىعىنا بارىپ كوز اينەك بۇيىرتىپ تاعۋ جونىندە كەڭەس بەرەمىز.

    كوز شۇبارتۋ. ەگەر ءبىر نارسەگە قاراعان كەزىڭىزدە كوز الدىڭىزدا دوڭگەلەڭ، سوپاقشا، نۇكتە، جىپشە ءتارىزدى قارا نوقاتتار ۇشىپ جۇرگەندەي بولسا ءارى كوز قاراشىعىنىڭ قوزعالىسىمەن بىرگە ارلى – بەرلى قوزعالىپ، قۇددى ۇشىپ جۇرگەن ماسا سياقتى اسەر بەرسە، كوز شۇبارتۋ ناۋقاسىنان دەرەك بەرەدى. بۇل كوز نۇرىنىڭ تابيعي تايۋ بارىسى بولىپ شىنى دەنەشىكتەگى «سۇيىق زاتتىڭ» كومەسكى تارتۋىنان پايدا بولادى. جەڭىل دارەجەدە كوز شۇبارتۋ پايدا بولسا ەمدەلۋدىڭ قاجەتى شامالى، الايدا، كورۋگە اسەر ەتەتىن بولسا، دەرەۋ شيپاحاناعا بارعان ءجون.

    شەل باسۋ. ەگەر كوزدىڭ كورۋ قۋاتى بىرتىندەپ السىرەپ، نۇردان جاسقاناتىن بولسا، كوز الداعى نارسەلەر بۇلدىر نەمەسە سارعىشتانىپ كورىنسە، ءتىپتى، زاتتار قوسارلانىپ نەمەسە فورماسى وزگەرىپ كورىنەتىن جاعدايلار بولسا، شيپاگەرگە بارىپ كوزدى شەل باسقان – باسپاعاندىعىن انىقتاتۋدى ەسكەرتەمىز.

    كوز ءتۇبىنىڭ سارى داق اۋرۋى. سارى داق ـ ءبىر نارسەگە قادالا قاراعاندا كوز تور قابىعىندا پايدا بولادى. زاۋدەعالام سارى داق كولەمىندە اۋرۋ پايدا بولسا، كوزدىڭ كورۋ قۋاتى ۇنەمى ناشارلايدى جانە كوز قاراۋىتادى نەمەسە كورگەن زاتتارىڭىزدىڭ ءپىشىنى وزگەرەدى. سارى داق اۋرۋى قارتتاردا ۇنەمى كەزىگەتىن كوز اۋرۋى ەسەپتەلەدى. جاستىڭ ۇلعايۋىنا بايلانىستى مۇنىڭ قاتەرى دە ءبىرشاما جوعارى بولادى. قان قىسىمى جوعارى، قانتتى نەسەپ اۋرۋى، قانداعى ماي قۇرامى جوعارى بولعاندار جانە جۇرەك قان تامىرى اۋرۋى بارلار، سەمىزدىك جانە ۇزاق ۋاقىت كۇن نۇرى استىندا جۇرەتىندەر كوز سارى داعى ناۋقاسىنا وڭاي شالدىعادى.

    ءبىر نارسەنى انىق كورە الماۋدىڭ ءبارى كوزدىڭ ماسەلەسى بولا بەرمەيدى. كەنەتتەن ءبىر كوزدىڭ نەمەسە ەكى كوزدىڭ كورۋ قۋاتىنىڭ مەزەتتىك تومەندەۋى نەمەسە كورۋ قۋاتىنان ايىرىلۋى مەديتسينادا « مەزەتتىك سۋ قاراڭعىلىق» دەپ اتالادى. كوبىنەسە كوز الماسىن قامدايتىن مي ارتەرياسىنا قان جەتىسپەۋدەن بولادى. بۇل ۇنەمى قىسقا مەزەتتىك ميعا قان جەتىسپەيتىن ناۋقاستاردا كوپ كەزدەسەدى. زاتتار قوسارلانىپ كورىنەتىن ناۋقاستار ءبىر كوزىمەن قاراعاندا زات انىق كورىنسە، ال ەكى كوزىمەن بىردەي قاراعاندا، اسىرەسە، ءمالىم ءبىرباعىتقا قاراعاندا، قوس كولەڭكە بولىپ نەمەسە قاباتتالىپ كورىنسە، ميدىڭ قۋىرىلۋى، ميعا قان ءتۇسۋ، مي وسپەسى، قانتتى نەسەپ اۋرۋىنىڭ نەرۆتىك اۋرۋى وزگەرىسى جانە بۇلشىق ەتتىڭ دارمەنسىزدەنۋى سياقتى سەبەپتەردى جوققا شىعارۋعا بولمايدى. زاتتاردى ەكى كوزى دە تولىق كورە المايتىن ادامدار تەك كورۋ اياسىنىڭ ءبىر ءبولىمىن عانا كورەدى، ماسەلەن، تاماق جەگەندە ۇنەمى ىدىسىنىڭ جارتىسىندا ءبىر ءبولىم تاماعى قالىپ قويادى، بۇل احۋال مي وسپەسى بار ادامداردا ۇنەمى كەزدەسەدى، مۇنداي ادامدار ەرتەرەك دياگنوز قويدىرىپ ەمدەلگەنى ءجون.

جاۋاپتى رەداكتور: جازيرا بولاتباي قىزى