ٴبىزدى دەنساۋلىقتان ايىراتىن نارسە نە

  • كەلۋ قاينارى: ىلە گازەتى
  • 03:33:24 20/11/2019

    1. سپيريت ۆيتاميىن B1 دى سارىپ قىلادى

    سپيريت ادام دەنەسىندە قالىپتى زات الماسۋعا ءتۇسۋ ءۇشىن، ءسوزسىز، جەتكىلىكتى ۆيتامين B1 دى قاجەتسىنەدى. سوندىقتان اراقتى كوپ ىشكەندە دەنەدەگى ۆيتامين B1 جەتىسپەيدى. ەگەر ول ۋاعىندا تولىقتانباسا، باۋىر مەن مي نەرۆتەرى زاقىمدالادى. ۇزاق ۋاقىت ۆيتامين كەمشىل بولسا، جۇرەك اۋرۋىن تۋدىرادى ءارى ومىرگە حاۋىپ توندىرەدى.

    ۇسىنىس: اراقتى كوپ ىشكەندە ءبىر تال ۆيتامين B قوسىلىسىن ءىشۋ كەرەك. ياعني سارىپ بولعان ۆيتامين B1دى تولىقتاپ قالماستان، باۋىر مەن مي نەرۆتەرىنىڭ اقاۋسىزدىعىن قورعاۋعا قاجەتتى باسقا دا كوپ ءتۇرلى ۆيتاميندەردى تولىقتاۋ قاجەت.

    2. تەمەكى تارتۋ ۆيتامين C نى سىراپ قىلادى

    تەمەكى تۇتىنىندەگى كوكىس مايى سياقتى زياندى قۇرامدار زور مولشەردە ۆيتامين C نى سارىپ قىلادى. ساناققا نەگىزدەلگەندە، ءبىر تال تەمەكى شەككەندە مولشەرمەن 25 ميلليگرام ۆيتامين C سارىپ بولادى ەكەن. ەگەر تەمەكى شەككەندەردىڭ قاسىندا وتىرساڭىز ۆيتامين C نىڭ سارىپ بولۋى، ءتىپتى، جوعارى بولادى. اۋەلى 50 ميلليگرامعا دەيىن جەتەدى.

    ۇسىنىس: تەمەكى شەگەتىندەر كۇندەلىكتى تۇرمىستا پاميدور تەكتەس ۆيتامين C قۇرامى مول ازىقتىقتاردى كوبىرەك جەۋى كەرەك. ەگەر ءسىز ۇنەمى تەمەكى شەگەتىندەرمەن بىرگە بولساڭىز، ەڭ جاقسىسى ءار كۇنى 50 ميلليگرام ۆيتامين C ءىشۋدى ادەتكە اينالدىرىڭىز.

    3. كومپيۋتەر ۆيتامين A نى سارىپ قىلادى

    ۇزدىكسىز ءۇش ساعاتتان ارتىق كومپيۋتەردە جۇمىس ىستەگەندە كورۋ نەرۆ كلەتكالارىنداعى ۆيتامين A ازايىپ كەتەدى. ويتكەنى ۆيتامين A كورۋ نەرۆ تور قابىعىنىڭ تۇيسىك سەزىمىمەن تىكە بايلانىستا بولادى.

    ۇسىنىس: ۆيتامين قوسىلىسىن ءىشۋ سارىپ بولعان ۆيتامين A نى تولىقتايدى ءارى ۆيتامين A كەمشىل بولعان كەزدە ۆيتامين A نىڭ وزگەرەتىن كاروتين β مەن كورۋ نەرۆىنىڭ اقاۋسىزدىعىنا قاتىستى ۆيتامينB، ۆيتامين D سياقتىلارمەن قامدايدى.

    4. قالىپتان تىس ارەكەت ۆيتامين E نى سارىپ قىلادى

    ارەكەت جاساعاندا ادام دەنەسى ءتىپتى دە كوپ ەنەرگيانى قاجەتسىنەدى، وتتەگىنىڭ ءسىمىرىلۋ مولشەرى مەن سارىپ بولۋ مولشەرى دە ارتادى. وسىلايشا دەنەدەگى ەركىن راديكال سالىستىرمالى تۇردە جوعارىلايدى. ەڭ كوپ بولعاندا جايشىلىقتاعىنىڭ ءتورت ەسەسىنە جەتەدى. مۇندايدا دەنەدەگى زور مولشەردەگى توتىقتانۋعا قارسى زات ۆيتامين E ارقىلى كوپتەگەن ەركىن راديكالداردى قالپىنا كەلتىرۋگە تۋرا كەلەدى.

    ۇسىنىس: اۋىر ارەكەت جاساعاننان كەيىن ۇيلەسىمدى مولشەردە ۆيتامين E تولىقتاعان ءجون. بۇدان سىرت، ۆيتامين E دە بۇلشىق ەتتىڭ اشىپ اۋرۋىن باسەيتۋ، ىشكى ورگانداردىڭ قارتايۋىنىڭ الدىن الۋ جانە سوزىلمالى اۋرۋلاردىڭ الدىن الۋمەن بىرگە ەمدەۋ رولى دا بار.

جاۋاپتى رەداكتور: جازيرا بولاتباي قىزى