كۇز ماۋسىمىندا بالالار مىنا جۇقپالى اۋرۋلاردان ساقتانۋى كەرەك

  • كەلۋ قاينارى: ىلە گازەتى
  • 03:34:25 20/11/2019

    كۇزدە اۋا تەمپەراتۋراسىنىڭ پارقى زور بولادى، ونىڭ ۇستىنە مەكتەپتە بالا كوپ بولاتىندىقتان، جۇقپالى اۋرۋ دا وڭاي تارالادى. ەندەشە قانداي جۇقپالى اۋرۋلاردان ساقتانۋ كەرەك؟ اتا – انالار وقىپ كورىڭىزدەر.

    ءىش ءوتۋ

    كۇز ماۋسىمىندا ءىش ءوتۋ كوپ تۋىلادى، مۇنىڭ %80 ى نورو، روتا ۆيرۋسىمەن جۇعىمدالۋدان پايدا بولادى، مەكتەپتەردە ۇنەمى تۋىلاتىن نورو ۆيروسىمەن جۇعىمدالۋدىڭ اۋرۋ جاعدايى شوعىرلى بولادى، اۋرۋ بەلگىسى ءىش ءوتۋ، قۇسۋ سياقتىلاردى نەگىز ەتەدى.

    قالاي ساقتانۋ كەرەك

    بۇل اۋرۋدان ساقتانۋ ءۇشىن ازىق – تۇلىك تازالىعىنا، جەكە تازالىققا ەرەكشە كوڭىل ءبولۋ، ىدىس – اياقتى مەرزىم سايىن دەزينفەكسيالاپ تۇرۋ، ازىق – تۇلىكتەردى مانەرلەۋ بارىسىندا پىسقاندارى مەن شيكىسىن ايىرىپ، دەر كەزىندە تومەن تەمپەراتۋرالى ورىندا ۇيلەسىمدى ساقتاۋعا كوڭىل ءبولۋ كەرەك.

    قول - اياق، اۋىز قۋىسى اۋرۋلارى

    كۇز ماۋسىمى قول – اياق، اۋىز قۋىسى اۋرۋلارى كوپ تارالادى، وڭاي شوعىرلى تۋىلادى. كوبىنەسە بالالار وڭاي جۇعىمدالادى، اۋرۋ جاعدايى جەڭىل بولادى. كلينيكالىق بەلگىلەرى - قىزادى، قول – اياعىندا، اۋىز قۋىسىندا سۋلى بورتكەن پايدا بولادى، ال از ساندى اۋرۋلاردا قوسالقى اۋرۋ بەلگىلەرى بايقالادى.

    قالاي ساقتانۋ كەرەك

    مۇنىڭ ساقتانۋ شارالارى – بالالارىڭىزدىڭ قىزۋى ورلەگەن، بورتكەن شىققان بالالارعا جاقىنداسۋىنان ساقتانىپ، وتباسىنداعى ىدىس – اياقتاردىڭ تازالىعىنا كوڭىل ءبولىڭىز، بالانىڭ جاتىن بولمەسىنىڭ اۋاسىن ۇنەمى الماستىرىپ تۇرىڭىز، بالاعا قورەكتىك تاعامداردى ۇيلەسىمدى بەرىپ، كوپ دەمالۋىنا كەپىلدىك ەتىڭىز، اۋرۋعا قارسىلىق قۋاتىن ارتتىرىڭىز.

    جۇقپالى تۇماۋ

    جۇقپالى تۇماۋ سىلەكەي ارقىلى تارالادى دا وتە جۇعىمدالعىش كەلەدى. قىزۋى ورلەۋ، جوتەلۋ، جۇتقىنشاق – كومەكەيى اۋرۋ، توڭىپ تۇرۋ سياقتى اۋرۋ بەلگىلەرىنە سىرت، كوبىنىڭ باسى اۋىرادى، بۇلشىق ەتتەرى مەن بۋىندارى اشىپ اۋىرادى، قاتتى دارمەنسىزدەنەدى. كوبىندە ءوزى ەمدەلىپ الۋعا بولادى، الايدا ناۋقاسى سالماقتى بولعان از ساندىلارى تىنىسى تارايۋدان نەمەسە كوپتەگەن ىشكى ورگاندارىنىڭ السىرەۋىنەن ءولىپ كەتەدى.

جاۋاپتى رەداكتور: جازيرا بولاتباي قىزى