اسپيرين قارتتاردىڭ ەستە ساقتاۋ قابىلەتىنىڭ تومەندەۋىنەن ساقتايدى

  • كەلۋ قاينارى: ىلە گازەتى
  • 03:35:20 20/11/2019

    ايەلدەردىڭ جاسى ۇلعايعان سايىن ەستە ساقتاۋ قابىلەتى تومەندەيدى، ەندەشە قايتۋ كەرەك؟ شۆەتسيا گوتحەنبۋرگ داشۋەسىنىڭ 5 جىلدىق كلينيكالىق زەرتتەۋ ناتيجەسى ءار كۇنى تومەن دوزاداعى اسپيرين ءدارىسىن تۇتىنۋ قارت ايەلدەردىڭ ەستە ساقتاۋ قابىلەتىنە پايدالى ەكەنىن دالەلدەگەن.

    بەيجيڭ عارىش ورتالىعى شيپاحاناسى جۇرەك قان تامىر ىشكى اۋرۋلار ءبولىمىنىڭ تەتە اعا شيپاگەرى يۇي حۇڭ مىنالاردى اتاپ كورسەتتى: اسپيرين نەگىزىنەن جۇرەك اۋرۋىنان، ايدارشا ارتەريانىڭ قاتايۋىنان بولاتىن جۇرەك اۋرۋىنان ساقتانۋعا جانە ونى ەمدەۋگە پايدالانىلادى، ال قارتتاردىڭ اقىل - پاراساتىنىڭ تومەندەۋىن ( نەمەسە الجۋ) تەجەۋدە تاماشا رول اتقارادى. ميعا قان ءتۇسۋ سياقتى توسىن جاعدايلاردىڭ تۋىلۋىن ازايتىپ، ميدىڭ قىزمەتىن قورعايدى. ءىس جۇزىندە بۇل تەك ناۋقاستانعان ايەلدەرگە عانا پايدالى بولىپ قالماستان، ەرلەردىڭ ۇلكەن ميىنىڭ تانىمدىق قابىلەتىن قورعاۋعا دا پايداسى بار، ويتكەنى ونىڭ ەرلەردىڭ جۇرەك - مي قان تامىرلارىن قورعاۋ رولى ءتىپتى دە كۇشتى بولادى.

    بەيجيڭ شيەحى شيپاحاناسى نەرۆ ءبولىمىنىڭ اعا شيپاگەرى جاڭ جىنشين، اسپيرين ارقىلى ەستە ساقتاۋ قابىلەتىن جوعارىلاتۋدان تىس، 65 جاستان اسقان قارتتاردىڭ ەستە ساقتاۋ امبولاتورياسىنا بارىپ تەكسەرۋ جۇرگىزۋىن ۇسىنىس ەتەدى، وسىنداي بولعاندا جەڭىل دارەجەدەگى تانىمدىق زاقىمدالۋ مەن قارتتار مەڭىرەۋلىك ناۋقاسىنا شالدىعۋ حاۋىپ - قاتەرىنىڭ بار - جوقتىعىن ەرتە بايقاۋعا بولادى.

    جاڭ جىنشين پروفەسسور: «كوپتەگەن قارت قاراماققا قالىپتى ادامدارداي بولىپ، تەك مي قىزمەتى عانا ءسال باياۋلاعانداي كورىنەدى، مىنە، بۇل جەڭىل دارەجەدەگى تانىمدىق زاقىمدالۋدىڭ بەلگىسى بولۋى مۇمكىن، سوندىقتان ءوزىنىڭ بۇرىنعى كۇندەرىمەن سالىستىرۋدى ۇيرەنۋ كەرەك، مۇندا مىناداي بىرنەشە جاقتاعى وزگەرىستەرگە نازار اۋدارۋ قاجەت، ءبىرىنشى، ەستە ساقتاۋ قابىلەتى ناشارلاۋ، كوپتەگەن قارت بۇرىن ۇلاسپالى تەلە فيلم كورۋدى ۇناتاتىن، قازىر كەنەتتەن ونى كورگىسى كەلمەي، حايۋاناتتار دۇنيەسىن كورۋدى ۇناتاتىن بولىپ قالادى، بۇل نەلىكتەن؟ ويتكەنى ولار بۇرىنعى ۋاقيعا جەلىسىن ەستە ساقتاي الماي، جالعاستىرىپ كورە الماعان سوڭ، ءمانىسى جوق دەپ سەزىنەدى. كەيبىرەۋلەرى اۆتوكولىگىن ايداپ ساۋدا سارايىنا زات ساتىپ الۋعا بارىپ، اۆتوكولىگىن جەر استى اۆتوكولىك قويماسىنا توقتاتىپ قويادى، الايدا، زات ساتىپ الىپ بولعان سوڭ اۆتوكولىگىن قايدا توقتاتقانىن ەسىنە تۇسىرە المايدى» دەدى.

    تاعى ءبىر ۇنەمى كەزدەسەتىن وزگەرىس ويدىڭ باياۋلاۋى، بەلگىلى ءبىلىم، مادەنيەت ورەسى بار كوپتەگەن قارت ەستە ساقتاۋ امبولاتورياسىنا بارعاندا ميىنىڭ بۇرىنعىداي تەز بولماي قالعاندىعىن بايقايدى. ماسەلەن، دوستارىمەن نەمەسە ۇل - قىزدارىمەن اڭگىمەلەسكەندە باسقالار قىزىقتى اڭگىمە ايتىپ كۇلگەندە وزىنە ءسال كەيىن اسەر ەتكەندىگىن بايقايدى. بۇرىن كىتاپ وقىعاندا، گازەت كورگەندە ءبىر رەتتە ماقالانىڭ نەمەسە اڭگىمەنىڭ ءمانىن تۇسىنە الاتىن، ال قازىر بىرنەشە رەت كورگەننەن كەيىن ارەڭ تۇسىنەتىن بولادى.

    تاعى كەيبىر قارتتار ءسوزىنىڭ ازايىپ، نازارىنىڭ وڭاي بىتىراپ كەتەتىنىن بايقايدى، ماسەلەن، بۇرىن ءبىر جاعىنان، تاماق ىستەپ، ءبىر جاعىنان، جۇبايىمەن اڭگىمەلەسە الاتىن ەدى. ال قازىر تەك ءبىر ىسكە عانا نازارىن شوعىرلاندىرا الاتىن بولىپ قالادى. قۋىرماش قۋىرعاندا تەك سونىمەن عانا اينالىسۋ قاجەت، نازارى ءبولىندى بولدى، نە تۇزدى ارتىق سالىپ قويادى، نە سىركە سۋىن بۇرشاق سىرنەسىنىڭ ورنىندا ىستەتىپ الادى. ەگەر وسى تەكتەس ماسەلەلەر بايقالسا، ەستە ساقتاۋ امبولاتورياسىنا بارىپ تەكسەرىلۋى كەرەك. جيىنى 6 ۇلكەن تۇردەگى 40 ماسەلەنى تەكسەرتۋ كەرەك.ەگەر تولىمسىزدىق دارەجەسى 2 تۇردەن ارتىق بولسا، تاعى دا كەسكىندى تەكسەرۋلەرگە تۇسسە جەڭىل دارەجەدەگى تانىمدىق زاقىمدالۋدى تەكسەرىپ شىعۋعا بولادى.

    اۋدارعان احات سانياز ۇلى

جاۋاپتى رەداكتور: جازيرا بولاتباي قىزى