قۇلاق اسۋ قابىلەتىنىڭ دارەجەسى جونىندە

  • كەلۋ قاينارى: ىلە گازەتى
  • 03:36:21 20/11/2019

    حۋ ۋىنيۇڭ

    

    مەن جاۋاپتى شيپاگەر بولعان كەزىمدە، قول استىمدا ىستەگەن شيپاگەرلەردىڭ «قۇلاق اسۋ» قابىلەتىن ءتورت دارەجەگە ءبولدىم. ۇزاق جىلدىق قىزمەت بارىسىنداعى باقىلاۋ ارقىلى ءبىر ادامنىڭ تاسىنىڭ ورگە دومالاۋى مەن تابىسقا جەتۋى سول ادامنىڭ سوزگە قۇلاق اسۋ قابىلەتىمەن تىعىز قاتىستى بولاتىندىعىن بايقادىم. بۇل ءتورت دارەجەلى قۇلاق اسۋ قابىلەتى مىنالار:

    ءبىرىنشى دارەجەلى قۇلاق اسۋ قابىلەتى: جوعارىنىڭ تاپسىرعان شارۋاسىنا قۇلاق اسۋمەن بىرگە، كوڭىلدەن شىعاتىنداي ەتىپ ىستەيدى. ەڭ ماڭىزدىسى، جوعارىنىڭ ويىن تۇسىنەدى ءارى كەلەسى قادامدا قالاي ىستەيتىنىن باعامداي الادى. ءبىرىنشى دارەجەلى قۇلاق اسۋ قابىلەتى كۇشتى شيپاگەرلەردىڭ كوبى بىرنەشە جىلدان كەيىن جاڭالىق اشۋ قۋاتىنا يە باسشىعا اينالىپ شىعا كەلەدى.

    ەكىنشى دارەجەلى قۇلاق اسۋ قابىلەتى: جوعارىنىڭ تاپسىرعان شارۋاسىن تۇسىنەدى ءارى ادالدىقپەن اتقارادى. الايدا كەلەسى قادامدا نە ىستەيتىندىگىنە كوپ وي جۇگىرتە بەرمەيتىندىكتەن، كەلەشەكتە تەك تابىسقا جەتكەن باسشىعا اينالۋى مۇمكىن.

    ءۇشىنشى دارەجەلى قۇلاق اسۋ قابىلەتى: جوعارىنىڭ تاپسىرعان شارۋاسىن تۇسىنگەنىمەن، اتقارۋدا ۇقىپسىزدىق تانىتىپ، سيىر قۇيمىشاقتاتىپ جىبەرەدى. قۇلاق اسۋ قابىلەتى وسىنداي شيپاگەرلەرگە تەك قاراپايىم جۇمىستاردى عانا تاپسىرۋعا بولادى ءارى قاي - قاشان دا ونىڭ شالا تىندىرعان جۇمىستارىن تولىقتاۋعا دايىن تۇرۋىمىز كەرەك. مۇنداي ادامداردىڭ كوبى اكە بايلىعىنا نەمەسە وزگە ءبىر كۇشتى تىرەككە سۇيەنبەسە، سونىمەن بىرگە ۇزدىك قىزمەتكەر، جانكۇيەر كومەكشىلەرىنىڭ قولداۋى بولماسا، قىزمەتتە بيىك مارتەبەگە جەتۋى قيىن.

    ءتورتىنشى دارەجەلى قۇلاق اسۋ قابىلەتى: بۇل قۇلاق اسۋ قابىلەتىنىڭ ەڭ سوراقىسى سانالادى. جوعارىنىڭ تاپسىرعان جۇمىسىن مۇلدە ۇقپايدى نەمەسە قۇلاعىنا قىستىرمايدى، ءوز ويى بويىنشا الباتى ىستەيدى. مۇنداي ادامداردىڭ بولاشاعى نەگىزىنەن بۇلىڭعىر دەۋگە بولادى.

    اۋدارعان گۇلدەن داۋلەتقان قىزى

جاۋاپتى رەداكتور: جازيرا بولاتباي قىزى