ماماندار مىنانى ەسكەرتەدى: ماسكانى عىلمي، ۇنەمدەپ پايدالانۋ كەرەك

  • كەلۋ قاينارى: ىلە گازەتى
  • 06:30:02 08/02/2020

    «سىرتقا شىعاردا ماسكا تاعۋ، ۇيگە كىرگەندە قول جۋۋ» بۇكىل حالىقتىق ورتاق تانىمعا اينالدى، ءبىراق كوپتەگەن ادام قايدا بارسا ماسكا تاعىپ الادى، كەيبىرەۋلەر جەكە ءوزى اۆتوكولىك جۇرگىزسە دە نەمەسە ۇيدە وتىرسا دا، ماسكا تاعىپ الاتىن بولدى. شينجياڭ مەديتسينا داشۋەسىنە قاراستى ءبىرىنشى شيپاحانانىڭ ينفەكسيا ءبىرىنشى ءبولىمىنىڭ ورىنباسار مەڭگەرۋشىسى تاڭ ليدىڭ تۇسىندىرۋىنشە، ماسكا تاعۋدا، ەڭ الدىمەن، جەكە ادامدا بايقالعان اۋرۋ قاتەرىن ويلاستىرۋدى تياناق ەتكەن ءجون. الەۋمەتتىك ورىندارعا بارعاندا نەمەسە الەۋمەتتىك قاتىناس قۇرالدارىنا وتىرعاندا، ءسوزسىز، ماسكا تاعۋ كەرەك. ال وڭاشا ورىندا جانە ادامدار تىعىز جاناسپاعان ورىندا ماسكا تاقپاۋعا بولادى.

    تاڭ لي مىنانى ۇسىنىس ەتەدى: ىندەت اۋماعى ەمەس جەردە، اشىق نەمەسە اۋا الماسقان ورىنداردا ماسكا تاعۋدىڭ قاجەتى جوق؛ ادامدار تىعىز توپتاسپاعان الەۋمەتتىك ورىنداردا مەديتسينادا ءبىر رەت پايدالانىلاتىن ماسكانى تاقسا دا جەتەدى. ال ىندەت ءجيى تۋىلعان وڭىرلەردەگى اشىق نەمەسە اۋا الماسقان ورىنداردا مەديتسينادا ءبىر رەت پايدالانىلاتىن ماسكانى تاعۋدى ۇسىنىس ەتەمىز؛ ادامدار تىعىز توپتاسقان نەمەسە جابىق الەۋمەتتىك ورىنداردا سىرتقى اۋرۋلارعا پايدالانىلاتىن ماسكانى نەمەسە شاڭ - توزاڭنان ساقتانۋ ماسكاسىن تاقسا بولادى.

    جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىمەن جۇعىمدالعانداردى تىكە قارايتىن جانە قىزمەت وتەيتىن ەمدەۋ قىزمەتكەرلەرىنىڭ حاۋىپ - قاتەرى ەڭ جوعارى، شيپاحانانىڭ بەلگىلەمەسى بويىنشا قاتاڭ تۇردە جۇعىمدالۋدان ساقتانۋ - تىزگىندەۋ تالابىنا ۇيلەسەتىن ماسكا جانە باسقا دا جەكەلىك ساقتانۋ قۇرىلعىلارىن تاعۋى كەرەك.

    تاڭ لي مىنانى ۇسىنىس ەتەدى: جاي ادامدار ماسكانىڭ تازالىق دارەجەسىنە قاراي اۋىستىرۋ - اۋىستىرماۋدى بەلگىلەۋىنە، ماسكانى پايدالانۋ رەت سانىن حاۋىپسىز، ۇيلەسىمدى كوبەيتۋىنە بولادى. ول بىلاي دەدى: مەديتسينادا سىرتقى اۋرۋلارعا پايدالانىلاتىن ماسكا جانە مەديتسينادا پايدالانىلاتىن N95 ماسكانى تۇگەلدەي ءبىر رەتتىك، ءبىراق جوبالاۋشى تۇرعىسىنان قاراساق، شيپاحانا، ۇلكەن ەرەن بازار سياقتى ورىندارعا بارۋ نەمەسە كۇدىكتى اۋرۋلارعا جاناسۋدان سىرت، جاي بۇقارا ساقتىق ماسكاسىن ءبىر - اق رەت پايدالانىپ تاستاي سالۋىنىڭ قاجەتى جوق، ەكى - ءۇش رەت پايدالانۋىنا ابدەن بولادى. سەرۋەندەپ ۇيگە قايتىپ كەلگەن سوڭ ەكى قولمەن قۇلاقتان ماسكانى الىپ، اۋا الماساتىن جەرگە قويىپ، قۇرامىنداعى سۋدى تابيعي قۇرعاتىپ نەمەسە كەپتىرىپ، بەتىنە ميكروپتىڭ جينالىپ قالۋىنان ساقتانعاندا، سول ادامنىڭ قايتالاي پايدالانۋىنا بولادى.

    تاڭ لي مىناعان ۇندەدى: حاۋىپسىزدىككە كەپىلدىك ەتكەن جاعدايدا، جۇرت ماسكانى عىلمي ۇنەمدەپ پايدالانىپ، ءاربىر ماسكانىڭ ەڭ جوعارى ونىمدىلىكتە پايدالانىلۋىنا مۇمكىندىك جاساۋعا بولادى. جاي بۇقارانىڭ ادەتتە N95 ماسكاسىن تالاسا ساتىپ الۋىنىڭ قاجەتى جوق، سانى شەكتى N95 ماسكاسىن ەمدەۋ قىزمەتكەرلەرىنىڭ الدىمەن ىستەتۋىن قامتاماسىز ەتەيىك!

جاۋاپتى رەداكتور: گۇلدەن ماقسات قىزى