كۇز – قىس ماۋسىمى الماسقاندا تىنىس جولى اۋرۋلارىنان اباي بولىڭىز

  • كەلۋ قاينارى: ىلە گازەتى
  • 07:08:10 11/02/2020

   

    كۇز – قىس ماۋسىمى الماسقان كەز تىنىس جولى اۋرۋلارى كوپ تۋىلاتىن مەزگىل، ۇنەمى كەزىگەتىن تىنىس جولى اۋرۋلاى ادەتتەگى تۇماۋ، تارالمالى تۇماۋ، جوعارى تىنىس جولىنىڭ ينفەكسيالانۋى سياقتىلار. ال توسىلۋ سيپاتتى سوزىلمالى وكپە اۋرۋى، كەڭىردەكشە دەمىكپەسى، كەڭىردەكشەنىڭ كەڭەيۋى سياقتى سوزىلمالى اۋرۋلار وسى مەزگىلدە اسقىناتىندىقتان نەمەسە قوزعالاتىندىقتان تىنىس جولى اۋرۋلارىنىڭ الدىن الۋ توتەنشە ماڭىزدى بولىپ تابىلادى. ماماندار: قارتتار، بالالار، نەگىزگى اۋرۋى بار ناۋقاستاردىڭ اۋرۋعا شالدىعۋ مولشەرى جوعارى ءارى اۋرۋىنىڭ اسقىنۋى تەز بولاتىندىعىن ايتۋمەن بىرگە، اۋرۋدىڭ الدىن الۋدى دا ەسكەرتەدى.

    ماۋسىم الماسقان كەزدە تىنىس جولى اۋرۋىنان قالاي ساقتانۋ كەرەك؟ مەمىلەكەتتىك تىنىس جولى اۋرۋلارى كىلينيكالىق زەرىتتەۋ ورتالىعى، جوڭگو – جاپونيا دوستىق شيپاحاناسى تىنىس جولى ورتالىعىنىڭ اعا شيپاگەرى ليۋ گولياڭنىڭ تانىستىرۋىنشا ەڭ الدىمەن سۋىقتان ساقتانىپ، جىلى جۇرۋگە كوڭىل ءبولۋ قاجەت. نەگىزدىك وكپە اۋرۋى بارلاردىڭ سۋىققا توزىمدىلىگى ناشار بولاتىندىقتان، جىلى ءجۇرىپ تۇماۋدان ساقتانۋى وتە ماڭىزدى. سوندىقتان، اۋارايى وزگەرىسىنە ۋاقىتىندا ءمان بەرىپ، جىلى كيىنىپ، سۋىق تيىپ قالۋدان ساقتانۋ كەرەك؛ دەمالىسقا كوڭىل ءبولىپ، مۇمكىندىكتىڭ بارىنشا ەرتە دەمالۋ، اراق ىشپەۋ، تەمەكى تارتپاۋ قاجەت.

    ليۋ گولياڭ: «قارتتار، بالالار، نەگىزدىك اۋرۋى بارلار ءوز تالعامى بويىنشا وكپە قابىنۋىنىڭ الدىن الۋ ۆاكسيناسىن سالدىرۋ نەمەسە ۆاكسينا ءدارىسىن تۇتىنۋ ارقىلى اۋرۋعا قارسىلىق قۋاتىن ارتتىرىپ، تىنىس جولىنىڭ ينفەكسيالانۋىنان ساقتانۋعا كوڭىل ءبولۋ قاجەت» دەيدى. ول تاعى: بۇرىن سوزىلمالى سيپاتتى وكپە اۋرۋىنا شالدىققاندار نەمەسە جاسى 65 تەن اسقاندار تارالمالى تۇماۋدىڭ جانە وكپە قابىنۋىنىڭ الدىن الۋ ۋاكسيناسىن قۇيدىرۋى قاجەت. تىنىس جولى اۋرۋى بارلار جوننەن العاندا، ەگەر اۋرۋ جاعىدايى اۋىرلاسسا، اسىرەسە، تىنىس الۋى قيىنداسسا، دەر كەزىندە شيپاحاناعا بارىپ تەكسەرىلۋى قاجەت، – دەيدى.

    بۇدان سىرت تىنىس جولى ادەتتە قاتتى سۋىق جانە قۇرعاق اۋاعا سەزىمتال كەلەدى، ليۋ گولياڭ بىلاي دەيدى: كۇن سۋىق كەزدە جانە اۋا لاستانعاندا، دالاعا كوپ شىقپاۋ، سىرتقا شىققان كەزدە ەڭ جاقسىسى ماسكى تاعىپ، تىنىس جولىنىڭ سۋىققا تىكە جاناسۋىنىڭ الدىن الۋ كەرەك.

    تىنىس جولى اۋرۋىنىڭ الدىن الۋدا تاعى بولمە ءىشىنىڭ تازالىعىنا جەكە تازالىققا دا كوڭىل ءبولۋ قاجەت. ليۋ گولياڭ بىلاي دەپ تانىستىردى: اۋارايى جاقسى كەزدە بولمەنىڭ ەسىك تەرەزەسىن 30 مينۋت اشىق قويىپ، اۋا الماسۋىنا جانە بولمە اۋاسىنىڭ ساپاسىنا كەپىلدىك ەتۋ كەرەك. مۇمكىندىگىنشە توپتىق ورتاعا بارماۋ، تارالعىش تۇماۋ جانە باسقا اۋرۋ باكتەريالارىنىڭ تۇكىرىكتىڭ شاشىراۋى ارقىلى تارالۋىنىڭ الدىن الۋ كەرەك، قولدىڭ تازالىعىنا كوڭىل ءبولۋ، كوزدى مۇرىندى الباتى شۇقىلاماۋ، سىرتقا شىققاندا ۇيگە قايتقاندا، بەتى – قولدى جۋىپ، جاناسۋ ارقىلى جۇعىمدالۋدان ساقتانۋ كەرەك.

جاۋاپتى رەداكتور: گۇلدەن ماقسات قىزى