جاڭا تۋىلعان نارەستەنىڭ جاسىرىن قانتتى نەسەپ اۋرۋىنا باسا نازار اۋدارعان ءجون

  • كەلۋ قاينارى: ىلە گازەتى
  • 07:09:53 11/02/2020

   

    11 – ايدىڭ 14 – كۇنى - بىرلەسكەن مەمەلەكەتتەر ۇيىمنىڭ قانتتى نەسەپ اۋرۋى كۇنى. ماماندار ادەتتەگى قانتتى نەسەپ اۋرۋلارىندا بولاتىن سۋدى كوپ ءىشۋ، كىشى دارەتى كوپ بولۋ، قالىپتان تىس تاماقتانۋ جانە دەنە سالماعى تومەندەۋ سىندى تيىپتىك اۋرۋ بەلگلەرىمەن سالىستىرعاندا، جاڭا تۋىلعان نارەستەلەردە بولاتىن جاسىرىن قانتتى نەسەپ اۋرۋى وڭايلىققا بايقالمايتىندىعىن، ەمدەۋدىڭ ءبىرشاما قيىنعا سوعاتىندىعىن ەسكەرتەدى. چۇڭچيڭ مەدەيتسينا ۋينۆەرسيتەتىنە قاراستى بالالار شيپاحاناسى ىشكى سەكرەتسيا ءبولىمىنىڭ دوتسەنتى يا حۇڭ: نارەستەلەردىڭ قانتتى نەسەپ اۋرۋى – نارەستە تۋىلعاننان كەيىنگى 6 اي ىشىندە بايقالاتىن قانتتى نەسەپ اۋرۋىن كورسەتەتىنىن، اۋرۋدىڭ تۋىلۋىنداعى باستى سەبەپ – گەننىڭ كەنەت وزگەرۋىمەن قاتىستى بولاتىنىن، بۇل بالالاردا بولاتىن ادەتتە مەزەتتىك قانتتى نەسەپ اۋرۋى جانە ومىرلىك قانتتى نەسەپ اۋرۋى بولىپ ەكى تۇرگە بولىنەتىنىن، نارەستەنىڭ مەزەتتىك قانتتى نەسەپ اۋرۋىن تۋىلعاننان كەيىن 18 اي ىشىندە ەمدەپ باسەڭدەتۋگە بولاتىنىن، ءبىراق جاس وسپىرىمدىك نەمەسە جاستىق شاق مەزگىلىندە قايتالاي قوزعالۋ سالىستىرماسى تىم جوعارى بولاتىندىعىن ءتۇسىندىردى. نارەستەنىڭ قانتتى نەسەپ اۋرۋى وڭايلىقپەن بايقالماعانىمەن، الايدا از دا بولسا كەيبىر بەلگىلەرىن بايقاۋعا بولادى. ەگەر نارەستەدە ەنجارلىق، تاماقتانۋى مەن ۇيقىسى قالىپسىز بولۋ، دەنە سالماعى ارتپاۋى سىندى ماسەلەلەر بولسا جۇقپالى اۋرۋلاردى ەمدەۋ كەزىندە بالانى ۋاعىندا ارناۋلى بالالار شيپاحاناسىنا اپارىپ اۋرۋ سەبەبىن انىق ساراپتاتىپ، قانتتى نەسەپ اۋرۋىنا شالدىققان – شالدىقپاعانىن تەكسەرتۋ كەركتىگىن ايتادى.

    ماماندار قانتتى نەسەپ اۋرۋىنا شالدىققان نارەستەنى كۇتىمدەۋ بارىسىندا اتا – انالارىنىڭ ابىرجىپ كەتپەي، بايسالدى بولىپ، «قانتتى نەسەپ اۋرۋى» ەستەلىگىن مۇقيات جازىپ، بالانىڭ ازىقتانۋ، ءدارى تۇتىنۋ، قانداعى قانتتىڭ سالىستىرماسى سىندى ماسەلەلەرىن جان – جاقتى ەستەلىككە الىپ، قانداعى قانتتىڭ تۇراقتىلىعىن بارىنشا مەڭگەرۋدى، ەگەر بالانىڭ قانت قۇرامىنداعى وزگەرىس كورنەكتى بولسا، دەر كەزىندە شيپاحاناعا ساراپتاتۋ كەرەكتىگىن ەسكەرتەدى.

    ماقالانى اۋدارعان:

    ەكپىن توقتيار قىزى (پراكتيكانت)سالتانات جۇماجان قىزى (پراكتيكانت)

 

جاۋاپتى رەداكتور: گۇلدەن ماقسات قىزى