ماماندار: «اۋىزعا يە بولىپ، جاياۋ ءجۇرۋ» - ەڭ جاقسى «ينسۋلين» دەيدى

  • كەلۋ قاينارى: ىلە گازەتى
  • 07:12:52 11/02/2020

  

    چيڭحاي رايونىنىڭ قانتتى نەسەپ اۋرۋى، تارالمالى اۋرۋلار ءىلىمى جونىندەگى تەكسەرۋ ناتيجەسىىندە كورسەتىلۋىنشە، 2019 – جىلى چيڭحاي ولكەسىندەگى تۇرعىنداردىڭ قانتتى نەسەپ اۋرۋىنا دۋشار بولۋ مولشەرى %6.9 بولىپ، مەمەلەكەتتىك ورەدەن تومەن ەكەندىگى بايقالدى، ءبىراق قانتتى نەسەپ اۋرۋىن تەجەۋ مولشەرى تومەن، دياگىنوز قويىلماي قالۋ مولشەرى مەملەكەتتىك دەڭگەيدەن جوعارى، ال وسى ولكەدەگى قالا تۇرعىندارىنىڭ قانتتى نەسەپ اۋرۋىنا شالدىعۋ مولشەرى اۋىل قىستاقتاعىلاردان جوعارى بولاتىندىعى بايقالعان. سوندىقتان قانتتى نەسەپ اۋرۋىنان ساقتانۋ كوڭىل بولۋگە تاتىرلىق ماسەلە بولىپ وتىر.

    چيڭحاي ولكەلىك حالىق شيپاحاناسى ىشكى سەكراتسيا ەكىنشى ءبولىمىنىڭ جاۋاپتى شيپاگەرى ۋاڭ بەيبەي قانتتى نەسەپ اۋرۋى نەگىزىنەن تۇقىم قۋالاۋ فاكتورى مەن جاراتىلستىق ورتا فاكتورىنىڭ ءوزارا اسەر ەتۋىنىڭ ناتيجەسى ەكەندىگىن، ازىقتانۋ قۇرىلىمىنىڭ ۇيلەسىمسىزدىگى، ارەكەتتىڭ كەمشىلدىگى جانە اراق ءىشۋ، تەمەكى تارتۋ سىندى ناشار تۇمىس ءتاسىلى دە قانتتى نەسەپ اۋرۋىنىڭ ەڭ باستى سەبەبى ەكەندىگىن ايتادى. چيڭحاي ولكەسى چيڭحاي – شيزاڭ ۇستىرتىنە ورنالاسقاندىقتان، ۇستىرتتە وتتەگىنىڭ كەمشىل بولۋى دا قانتتى نەسەپ اۋرۋىنىڭ كوز تور قابىعىنىڭ اۋرۋ وزگەرىسى، بۇيرەك اۋرۋى، شەتتىك نەرۆتەگى اۋرۋ وزگەرىسى، جۇرەك – مي قان تامىر اۋرۋلارى وزگەرىسى، جوعارى قان قىسىمى سياقتى قوسالقى سيندرۋمىن اۋىرلاتىپ جىبەرۋى مۇمكىن.

    ۋاڭ بەي بەي: «قانتتى نەسەپ اۋرۋىنان ساقتانۋدى اۋىزعا يە بولۋدان باستاعان ءجون، ءۇش ۋاقىت تاماقتىڭ مولشەرى ۇيلەسىمدى بولعانى ءجون. مۇندا نەگىزىنەن كۇشتى جانە جەڭىل تاعامداردى سايكەستىرۋگە، مايلى، مايسىز تاماقتى سايكەستىرۋگە ءمان بەرۋ كەرەك. ءار كۇنى قالىپتى مولشەردە بالىق، قۇس ەتى، جۇمىرتقا، مايسىز ەت سياقتى بەلوك مولشەرى جوعارى ازىقتىقتاردى، قۇرامىندا ۆيتاميىن C مول جاڭا جەمىس –جيدەكتەر مەن كوكەنىستەردى جەۋ، كۇشتى، جەڭىل تاعامداردى سايكەستىرىپ كوپ جەپ، مانەرلەنگەن ۇننان جاسالعان تاعامداردى از جەۋ، سۋدى كوپ ءىشىپ، سۋسىندىقتاردى از تۇتىنۋ كەرەكتىگىن» ايتادى.

    سونىمەن بىرگە ۋاڭ بەيبەي تۇرعىنداردىڭ تۇرمىس ءتاسىلىن وزگەرتىپ، سىرتقا شىعىپ ءجۇرىپ، كوپتەپ ارەكەت جاساۋدى ناسيحاتتايدى. ماسەلەن، تەز ءجۇرۋ، سۋدا مالتاۋ، ۆەلوسيپەد ءمىنۋ، دەنە شىنىقتىرۋ گيمناستيكاسى، الاڭ ءبيى، اقىرىن جۇگىرۋ سياقتى ارەكەتتەرمەن شۇعىلدانۋدى، مۇنداي ارەكەتتەر دەنەدەگى قانت پەن ىدىراتاتىنىن، قالىپتى ارەكەتتەنۋ قانداعى قانتتى تومەندەتىپ، مايدى رەتتەپ، قان قىسىمدى تۇسىرەتىنىن، سونىمەن قوسا قانتتى نەسەپ اۋرۋىنىڭ قوسىمشا سيندرۋمىن ازايۋعا كوپتەپ كومەگىن تيگىزەتىندىگىن ايتادى.

    ماقالانى اۋدارعان:

    ەكپىن توقتيار قىزى (پراكتيكانت)سالتانات جۇماجان قىزى (پراكتيكانت)

جاۋاپتى رەداكتور: گۇلدەن ماقسات قىزى