قىزعاندا، جوتەلگەندە ابىرجىماي، جاڭا تيپتى ايدارشا ۆيرۋس جونىندە دۇرىس تۇسىنىكتە بولىڭىز

  • كەلۋ قاينارى: ىلە گازەتى
  • 10:18:20 03/03/2020

 

    «ءوزىن دە وزگەنى دە بىلگەندە عانا جەڭىسكە جەتۋگە بولادى» دەگەندەي، ىندەتتەن ساقتانۋ - تىزگىندەۋ مەزگىلىندە ەلدىڭ ءبارى ۆيرۋسقا قارسى تۇراتىن جاۋىنگەر. جاڭا تيپتى ايدارشا ۆيرۋس وكپە قابىنۋى - جاڭا تيپتى ايدارشا ۆيرۋستان بولاتىندىعى جۇرتقا ءمالىم، الايدا سىزدەر جاڭا تيپتى ايدارشا ۆيرۋستى شىنىمەن تۇسىنەسىزدەر مە؟

    مەملەكەتتىك دەنساۋلىق ساقتاۋ، سالاماتتىق كوميتەتى مىنانى ءبىلدىردى: ەڭ اۋەلى ۋحاننان تارالعان بەلگىسىز وكپە قابىنۋىمەن جۇعىمدالۋشىنىڭ تومەنگى تىنىس جولىنان ءبولىنىپ شىققان ۆيرۋس ءبىر ءتۇرلى جاڭا تيپتى ايدارشا ۆيرۋس، مۇنى دۇنيە جۇزىلىك دەنساۋلىق ساقتاۋ ۇيىمى(WHO) 2019–nCOV دەپ اتادى. ۆيرۋس ۋلترا كۇلگىن ساۋلە مەن ىستىققا سەزىمتال بولىپ، 56 سەلتسي گرادۋستىق ىستىقتا 30 مينۋتتا، ەتيل سپيرتى، %75 سپيرت، حلورلى دەزينفەكسيا ءدارىسى، اسقىن سىركە قىشقىلى مەن حلوروفورم سياقتى ماي ەرىتكىشتەرى بۇل ۆيرۋستى ءونىمدى جويا الادى.

    قىزعاندا، جوتەلگەندە ابىرجىپ كەتپەڭىز، جاڭا تيپتى ايدارشا ۆيرۋس وكپە قابىنۋى مەن تۇماۋ جانە جۇقپالى تۇماۋ پارىقتى بولادى

    ۋحاندا جاڭادان سالىنعان حۋوشىنشان جانە لەيشىنشان شيپاحانالارى ناۋقاستاردى قابىلداپ ەمدەۋمەن بىرگە، دەنە تاربيە سارايى، ءماجىلىس ورتالىعى سياقتى ورىنداردى قولايلى شيپاحانا ەتىپ قۇردى. جاڭا تيپتى ايدارشا ۆيرۋس نەلىكتەن دۇيىم جۇرتتى دۇرلىكتىرىپ جىبەردى، ونىڭ ادەتتەگى تۇماۋ جانە تارالمالى تۇماۋدان قانداي ايىرماشىلىعى بار؟

    بۇعان«جاڭا تيپتى ايدارشا ۆيرۋس وكپە قابىنۋ اۋرۋى جونىندەگى سالاماتتىق تاربيە قولدانباسىندا»كورسەتىلۋىنشە، بۇل ۇشەۋىنىڭ اۋرۋ قوزدىرعىشى ۇقسامايدى، جاڭا تيپتى ايدارشا ۆيرۋس وكپە قابىنۋ ۆيرۋسىمەن جۇعىمدالعان وكپە قابىنۋدىڭ اۋرۋ بەلگىسى ادەتتەگى تۇماۋ مەن جۇقپالى تۇماۋدان بەلگىلى دارەجەدە پارىقتى بولادى.

    ادەتتەگى تۇماۋدا باستىسى مۇرىن ءبىتۋ، مۇرىننان سۋ اعۋ، تۇشكىرۋ سياقتى جوعارى تىنىس جول اۋرۋ بەلگىلەرى بولادى، قىزۋ، دارمەنسىزدەنۋ، باس اۋرۋ، بۋىنى قاقساپ اۋىرۋ، تۇلا بويى جايسىزدانۋ، تاماققا تابەتى تارتپاۋ سياقتى اۋرۋ بەلگىلەر انىق بولمايدى، ادەتتە جوعارى تىنىس جولى قابىنۋى ءبىرشاما اۋىر بولعانىمەن، الايدا بۇكىل دەنەسىنىڭ جايسىزدانۋ ءبىرشاما جەڭىل بولادى.

    جۇقپالى تۇماۋ - جۇقپالى تۇماۋ ۆيرۋسى تۋدىرعان تىنىس جولى اۋرۋى بولىپ، شۇعىل قوزىپ، قاتتى قىزۋ، جۇتقىنشاق - كومەكەيى اۋرۋ، باسى اۋرۋ، بۇلشىق ەتى جايسىزدانۋ، دارمەنسىزدەنۋ، تاماققا تابەتى تارتپاۋ سياقتى اۋرۋ بەلگىلەرى كورىلەدى.

    جاڭا تيپتى ايدارشا ۆيرۋس وكپە قابىنۋىنىڭ باستى بەلگىلەرى: قىزۋ، دارمەنسىزدەنۋ، قۇرعاق جوتەلۋ سياقتىلار، از ساندى اۋرۋلاردا مۇرىنى ازداپ ءبىتۋ، ماڭقاسى اعۋ، ءىشى ءوتۋ سياقتى بەلگىلەر بولادى. ىشىنارا اۋرۋلاردا جەڭىل قىزۋ، ازداپ دارمەنسىزدەنۋ سياقتى بەلگىلەرى بولادى، وكپە قابىنۋ بولمايدى، دياگنوز قويۋدا تاعى جۇقپالى تۇماۋ اۋرۋ تاريحى مەن لابوراتوريالىق تەكسەرۋ ناتيجەسىن بىرلەستىرىپ تەكسەرىپ – ولشەۋ قاجەت.

جاۋاپتى رەداكتور: گۇلدەن ماقسات قىزى