ىندەتتەن عىلمي ساقتانۋدا قارتتار مىنا بەس ءتۇرلى اعاتتىقتان اۋلاق بولۋى كەرەك

  • كەلۋ قاينارى: ىلە گازەتى
  • 06:01:37 05/03/2020

  

    قارتتاردىڭ ىندەتتى ەلەمەي قويۋىنا دا، ۇرەيلەنىپ كەتۋىنە دە بولمايدى، قايتا عىلمي ساقتانىپ، ءوز دەنساۋلىعىنا جاۋاپتى بولۋى كەرەك.

    1. اعات كوزقاراس: قارتتار N95 ماسكاسىن تاعۋى كەرەك، بۇلاي بولعاندا ءونىمدى ساقتانۋعا بولادى دەپ قاراۋ.

    دۇرىس ءتاسىلى: جاڭا تيپتى ايدارشا ۋيرۆس وكپە قابىنۋ ىندەتى تارالعان مەزگىلدە ۇيلەسىمدى ماسكا ءتۇرىن تاڭداۋدى ۇسىنىس ەتەمىز.

    قارتتار سىرتقا شىققاندا مەديتسينادا ءبىر رەت پايدالانىلاتىن ماسكانى تاڭداعانى ءجون، ۇيگە قايتىپ كەلگەننەن كەيىن ماسكانى تازا ءارى كۇن ءتۇسىپ، اۋا ءوتىپ تۇراتىن جەرگە ءىلىپ قويسا بولعانى قايتالاي ىستەتۋگە بولادى. ەگەر كىرلەسە، كونەرسە، بوگدە ءيىس بولسا دەر كەزىندە الماستىرۋى قاجەت.

    قارتتاردى N95 نەمەسە KN95 سياقتى قورعانۋ ماسكاسىن تاعۋعا ءناسيحاتتامايمىز. ويتكەنى بۇل ماسكالار بەتپەن وتە تىعىز جاناساتىندىقتان، تىنىس الۋعا كۇشتى كەدەرگىلىك جاسايدى، ۇزاق ۋاقىت تاققاندا وتتەگى جەتىسپەۋ سەبەبىنەن كوكىرەك سىعىلۋ، تىنىس تارايۋ، تىنىس الۋ جيىلەۋ سىندى تىنىس الۋى قيىنداۋ اۋرۋ بەلگىلەرى بايقالۋى مۇمكىن. سوندىقتان جۇرەك، قان تامىر اۋرۋى، تىنىس جولى جۇيەسى اۋرۋى بار قارتتار بۇعان وتە اباي بولعانى ءجون.

    ماقتالى جانە ۇلپالى ماسكا تاقپاعان ءجون.

    2. اعات كوزقاراس: ۇيگە ۇنەمى جوعارى قويۋلىقتاعى دەزينفەكسيا سۇيىقتىعىن شاشۋ، سىركە سۋ قايناتۋ ارقىلى دەزينفەكسيالاۋ ونىمدىلىگىنە جەتۋگە بولادى دەپ قاراۋ.

    دۇرىس ءتاسىلى: قارتتاردىڭ تىنىس جولى ءبىرشاما ءالسىز، سەزىمتال بولاتىندىقتان، تىتىركەندىرگىشتىگى تومەن دەزينفەكسيا ونىمدەرىن تاڭداعان ءجون. ءۇي جيھازدارى مەن جەردى %75 تىك سپيرتتى ماقتامەن نەمەسە سۇيىلتىلعان 84 دەزينفەكسيا سۇيىقتىعىمەن ءسۇرتىپ تۇرسا بولعانى.

    سپيرت وڭاي جانادى، ەگەر اۋاداعى سپيرتتىڭ قويۋلىعى %3 كە جەتسە ءورت اپاتى وڭاي تۋىلادى، سوندىقتان دەزينفەكسيالاعاندا سپيرتتى بۇرىكپەي – اق، ءجون ءسۇرتىپ قويسا بولعانى؛ سپيرتپەن دەزينفەكسيالاۋدىڭ الدى – ارتىندا جوعارى تەمپەراتۋرالى زاتتاردان جانە وتتان اۋلاق بولۋ كەرەك.

    بۇدان سىرت، سىركەسۋ قايناتىپ دەزينفەكسيالاۋدىڭ جاقسى بولعانى بىلاي تۇرسىن، تىنىس جولىن جاعىمسىزداندىرا تۇسەدى. سوندىقتان قارتتار بۇلاي ىستەمەگەنى ءجون.

جاۋاپتى رەداكتور: گۇلدەن ماقسات قىزى