دۇنيە جۇزىلىك دەنساۋلىق ساقتاۋ ۇيىمىنىڭ جاڭا تيپتى ايدارشا ۆيرۋستان قالاي ساقتانۋ جونىندەگى ون ءتۇرلى كەڭەسى

  • كەلۋ قاينارى: ىلە گازەتى
  • 05:58:58 07/03/2020

 

    شينحۋا اگەنتتىگىنىڭ 2 – ايدىڭ 28 – كۇنى جەنۆادان بەرگەن حابارى. (ءتىلشى ليۋ چۇي). دۇنيە جۇزىلىك دەنساۋلىق ساقتاۋ ۇيىمىنىڭ باس القاسى تاندىساي 2 – ايدىڭ 28 – كۇنى داعدىلى تىلشىلەر جينالىسىندا كەزەكتەگى جاڭا تيپتى ايدارشا ۆيرۋس وكپە قابىنۋىنا مەڭىزەس جەكەلەردىڭ ساقتانۋىنىڭ 10 ءتۇرلى شاراسىن تانىستىردى، مۇندا قولدى، زاتتاردى ءسات سايىن تازالاپ تۇرۋ، قىزعان، جوتەلگەن مەزگىلدە ساپارعا شىقپاۋ سياقتىلاردى قامتيدى.

    تاندىساي سول كۇنگى تىلشىلەردى قابىلداۋ ماجىلىسىندە: «ىندەتتى تەجەۋدى اركىم وزىنەن باستاۋى كەرەك» ەكەنىن ءبىلدىردى. دۇنيە جۇزىلىك دەنساۋلىق ساقتاۋ ۇيىمى جاڭا تيپتى ايدارشا ۆيرۋس وكپە قابىنۋىنا مەڭىزەس جەكەلەردىڭ 10 ءتۇرلى ساقتانۋ شاراسى جونىندە كەڭەس بەردى.

    ءبىرىنشى، سپيرت قۇرامدى قول جۋۋ سۇيىقتىعىمەن نەمەسە كىرسابىن جانە تازا سۋمەن قولدى جۋىپ تۇرۋ كەرەك. لاستانعان زاتتاردى ۇستاعاننان نەمەسە ناۋقاسقا جاناسقاننان كەيىن قولمەن بەتىن سيپاۋ – ۆيرۋستىڭ نەگىزگى تارالۋ جولدارىنىڭ ءبىرى، سوندىقتان، قولدى تازا ۇستاۋ ۆيرۋستىڭ تارالۋ قاتەرىن تومەندەتەدى.

    ەكىنشى، اس ۇيدەگى جانە كەڭسەدەگى ۇستەل ورىندىق سياقتى زاتتاردى بەلگىلى ۋاقىتتا دەزينفەكسيا دارىسىمەن ءسۇرتىپ تۇرۋ كەرەك.

    ءۇشىنشى، جاڭا تيپتى ايدارشا ۆيرۋس وكپە قابىنۋىنا قاتىستى بىلىمدەردى وزدىگىنەن ۇيرەنۋى، الايدا، ينفورماتسيا قاينارى جەرگىلىكتى ورىنداردىڭ نەمەسە مەملەكەتتىڭ الەۋمەتتىك دەنساۋلىق ساقتاۋ قۇرىلىمدارىنىڭ، دۇنيە جۇزىلىك دەنساۋلىق ساقتاۋ ۇيىمىنىڭ توراپ بەكەتتەرىنىڭ، جەرگىلىكتى دەنساۋلىق ساقتاۋ كاسىپتىك قىزمەتكەرلەرىنىڭ سەنىمدى ينفورماتسياسى بولۋى كەرەك. كوپ ساندى ادامدار جونىنەن الىپ ايتقاندا، جاڭا تيپتى ايدارشا ۆيرۋس وكپە قابىنۋمەن جۇعىمدالعاننان كەيىنگى ەڭ العاشقى اۋرۋ بەلگىسى قىزۋ جانە جوتەلۋ، ءبىراق مۇرىننان سۋ اقپايدى. ناۋقاسى جەڭىل باسىم كوپ جۇعىمدالۋشىلار ەرەكشە كۇتىمدەلمەسە دە وزدىگىنەن ساقايىپ كەتەدى.

    ءتورتىنشى، قىزعان نەمەسە جوتەلگەن كەزدە ساپارعا شىقپاۋ كەرەك، ەگەر ۇشاقتا اۋىرىپ قالسا، دەرەۋ ۇشاق قىزمەتكەرلەرىنە مالىمدەۋ كەرەك. ۇيىنە قايتقان سوڭ ەمدەۋ قىزمەتكەرلەرىمەن دەرەۋ بايلانىس جاساپ جانە ولارعا ءوزىنىڭ قايدا بولعانىن ايتۋ كەرەك.

    بەسىنشى، جوتەلگەندە نەمەسە تۇشكىرگەندە جەڭمەن نەمەسە قاعاز قولجاۋلىق ارقىلى اۋىزدى قالقالاۋ كەرەك. قاعاز قولجاۋلىقتى ىستەتىپ بولعان سوڭ دەرەۋ جابىق قوقسىق شەلەگىنە تاستاۋ، ودان سوڭ قول جۋۋ كەرەك.

    التىنشى، 60 جاستان اسقاندار نەمەسە جۇرەك قان تامىر اۋرۋى، تىنىس جولى اۋرۋى جانە قانتتى نەسەپ اۋرۋى سياقتى نەگىزدىك اۋرۋى بار ناۋقاستار جاڭا تيپتى ايدارشا ۆيرۋس وكپە قابىنۋىنا شالدىققاننان كەيىن، اۋرۋى بەلگىسىنىڭ اۋىرلاپ كەتۋ حاۋپى كۇشتى بولادى. مۇنداي ادامدارعا ەرەكشە قورعانۋ شارالارىن قولدانۋ كەرەك، ماسەلەن، ادام كوپ ورىندارعا نەمەسە ناۋقاستارمەن ارالاساتىن ورىندارعا بارۋدان ساقتانۋ كەرەك.

جاۋاپتى رەداكتور: گۇلدەن ماقسات قىزى