كوڭىل كۇيدى رەتكە سالىپ، ىندەتتى پسيحيكالىق جاقتان جەڭە بىلەيىك

  • كەلۋ قاينارى: ىلە گازەتى
  • 03:23:46 11/03/2020

 

    جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىندا كوپتەگەن ادامدار ۇيدەن شىعا الماي قالعاندىقتان، كوڭىل كۇي جاقتان ۇرەيلەنۋى، ابىرجۋى داۋسىز، ال قازىر كەيبىرەۋلەر قىزمەت ورنىنا قايتىپ جۇمىسىن ۇزدىك - سوزدىق باستاعانىمەن، كوڭىل كۇيى ابىرجۋلى. شىندىعىنا كەلگەندە الەۋمەتتىك توسىن ۋاقيعالارعا تاپ بولعاندا، جەكەلەردىڭ ابىرجىپ تىنىشى كەتۋى، سۇيەنىشسىز قالعانداي بولىپ قۇلازۋى قالىپتى فيزيولوگيالىق جانە كوڭىل كۇي اسەرىنەن بولادى. الايدا ادامدار ابىرجىپ، ۋايىمعا سالىنعاندا، قاشان دا حاۋىپتى ينفورماتسيالارعا ءتىپتى دە دەن قويعىش بولادى. مۇنداي تالعامپازدىقپەن قاداعالاۋ ادامداردىڭ حاۋىپ - قاتەرگە بولعان سەزىمتالدىعىن ءتىپتى دە ارتتىرىپ، ادامداردى ونان ارى سەكەمشىل ەتىپ جىبەرەدى. ادامدار ۇنامسىز ينفورماتسيالاردى كوپ قابىلداعان سايىن پسيحولوگيالىق قۋاتى بىردەن جەدەل تومەندەپ كەتەدى، مۇندايدا ەگەر دەر كەزىندە تولىقتاماسا، ادام پاسسيۆ كوڭىل كۇي قۇيىنا وڭاي باتىپ، سەرپىلۋگە امالسىز قالادى. ەندەشە مازاسىزدانۋ، ابىرجۋ سياقتى كوڭىل كۇيدە قالعاندا بۇدان قالاي ارىلۋعا بولادى؟

    ىندەتپەن بولعان كۇرەستە شەكتەن تىس «قورقىنىش» پەن قاجەتسىز «ابىرجۋدان» ارىلا ءبىلۋ كەرەك

    جاڭا تيپتى ايدارشا ۆيرۋس وكپە قابىنۋ ىندەتى تۋىلعاندىقتان، ادامدار ماسكا، سپيريت، دەزينفەكسيا سۇيىقتىعى جانە ءتۇرلى ۆيرۋسقا قارسى دارىلەردى تالاسا - تارماسا ساتىپ الدى. شينحۋا ۋنيۆەرسيتەتى پسيحولوگيا اقاۋسىزدىعىنا قىزمەت وتەۋ جانە زەرتتەۋ ورتالىعىنىڭ پروفەسسورى، ماگيستر جەتەكشىسى ۋ ۋيلي بىلاي دەپ قارايدى: بۇل تيپتىك قوعامدىق كوپكە ىلەسۋ اسەرى ءارى ادامزات قوعامىندا ءبىرشاما جاپپاي ورىن تەپكەن قوعامدىق قۇبىلىس. مۇنداي دۇرمەككە ىلەسۋشىلىكتى، قارا تالاسۋشىلىقتى ازايتۋدا جانە ودان ساقتانۋدا، كوپشىلىكتى ءتىپتى دە حاۋىپسىزدىك تانىمىنا جانە مەڭگەرۋ تانىمىنا يە ەتىپ، شەكتەن تىس «قورقىنىش» پەن قاجەتسىز «ابىرجۋدان» ارىلتۋ قاجەت.

    كوڭىل كۇيدى رەتكە سالىپ، پسيحيكالىق جاقتان سەرپىلۋدىڭ ون ءتۇرلى ءادىسى

    جۇڭگو پسيحولوگيا قوعامى پسيحيكالىق تورىعۋدان ارىلتۋ قىزمەت كوميتەتىنىڭ مامانى لي حۇيجيە بىلاي دەيدى:«ىندەتتىڭ بىرتىندەپ تىزگىندەلۋىنە ىلەسە، كەيبىر پسيحيكالىق جاقتان تولقۋ اسەرى ساباسىنا تۇسە باستادى». كوپشىلىكتى وزدەرىنىڭ پسيحيكالىق كوڭىل كۇيىن رەتتەۋگە پايدالى كەيبىر «رەتسەپتەردى» سىناپ كورۋدى ۇسىنىس ەتەمىز.

    1. ءوز دەنساۋلىعىڭىزعا ءوزىڭىز جاۋاپتى بولۋىڭىز كەرەك. ءوزىڭدى ءوز دەنساۋلىق اقاۋسىزدىعىڭنىڭ، ءسوزسىز، ءبىرىنشى جاۋاپتىسى ەتە ءبىلۋىڭ كەرەك. قازىر بۇكىل ەلدە اتقارىلىپ جاتقان ارى - بەرى اعىلماۋ، ماسكا تاعۋ، قول جۋۋ، تەرەزەنى كوبىرەك اشۋ سياقتى ىستەردىڭ بارلىعىن مۇقيات ورىنداۋىمىز كەرەك.

جاۋاپتى رەداكتور: گۇلدەن ماقسات قىزى