ادەبيەت پەن وقىرماننىڭ ەتەنە بايلانىسىن ساقتايىق

  • كەلۋ قاينارى: ىلە گازەتى
  • 03:30:56 13/03/2020

    داۋىرمەن بىرگە العا باسىپ، ادەبيەتتىڭ مادەنيەت دانەكەرىندىك رولىن اناعۇرلىم ساۋلەلەندىرە تۇسەيىك

    لي يۇنلەي

    

    كىندىك ءسوز

    ادەبيەت داۋىرگە، تۇرمىسقا جانە جازۋشىنىڭ ءومىر كەشىرمەسىنە ءتىپتى دە جاقىنداعان سايىن، تىڭ تىرلىكتى، تىڭ كەيىپكەرلەردى اناعۇرلىم سەرگەكتىكپەن يگەرە الادى جانە بەينەلەي الادى، ءبىزدىڭ داۋىرىمىزدەگىلەردىڭ باي دا كۇردەلى تاجىريبەلەرىن، سەزىمىن، يدەياسىن ءدال سومداي الادى.

    مەيلى قاي كەزدە بولسىن، حالىق بۇقاراسىنىڭ مادەني تۇرمىسىندا كۇشتى ادەبي بەينەلەۋ جانە ادەبي قابىلداۋ قاجەتى بولادى، ادەبيەت باستان – اياق وقىرمانداردىڭ رۋحاني دۇنيەسىن بيىككە كوتەرىپ، ۇلت پەن حالىقتى ۇيىستىرۋ جاۋاپكەرلىگىن ارقالاۋى كەرەك.

    

    پارتيا 19 – كەزەكتى ورتالىق كوميتەتىنىڭ ءتورتىنشى جالپى ماجىلىسىندە: سوتسياليستىك وزىق مادەنيەتتى وركەندەتىپ، حالىقتىڭ رۋحاني كۇش – قۋاتىن كەڭ كولەمدە ۇيىستىرۋ - مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ كۇشتى تىرەگى دەپ اتاپ كورسەتىلگەن – دى. قوعامدىق ىقپالى كەڭ ماڭىزدى مادەنيەت دانەكەرى رەتىندە، ادەبيەت جاسامپازدىعىنىڭ وقىرماندارمەن بولعان ەتەنە ىقپالىن ساقتاپ، وقىرمانداردىڭ ۇزدىكسىز وزگەرىس ۇستىندەگى تىڭ قاجەتىن قاناعاتتاندىرا الۋ – الماۋ ادەبيەتتىڭ وزىندىك بولاشاق تاعدىرىن بەلگىلەپ قالماستان، سوتسياليستىك وزىق مادەنيەتتىڭ تارالۋىنا، تەرەڭدىگىنە، ونىمدىلىگىنە ءتىپتى دە قاتىستى. جاڭا جاعدايدا ادەبيەت قايتكەندە داۋىرمەن بىرگە العا باسىپ، وقىرماندارمەن ەتەنە بايلانىسىن ساقتاپ، مادەنيەت دانەكەرىندىك ماڭىزدى رولىن ءتىپتى دە ساۋلەلەندىرە الادى، مىنە، بۇل ىزدەنۋگە تاتيتىن ماڭىزدى تاقىرىپ.

    ادەبيەت وقىرماندى قاجەت ەتسە، وقىرمان دا ادەبيەتتى قاجەت ەتەدى

    ادەبيەت جاسامپازدىعى، ونى باسپادان شىعارۋ، تاراتۋ، قابىلداۋ _ كەمەلدى بارىس. قابىلداۋ ەستەتيكاسىندىق تۇرعىدان كوز جىبەرگەندە، كەيبىر شىعارمالاردىڭ ەڭ سوڭىندا «تابىستى بولۋى» وقىرماندار ارقىلى جۇزەگە اسادى. شىنىندا دا وسىلاي.

    4 – مامىر قوزعالىسىنان بەرى جازۋشى، شىعارما، وقىرمان اراسىنداعى قاتىناسى قويۋ بولدى، جاڭا يدەيا، جاڭا مادەنيەت جاستاردى باۋراي الدى، كوپتەگەن جاستارىمىز وسىلاي بولعاندىقتان دا با جيننىڭ «سەمياسىن» وقىپ توڭكەرىس جولىنا ءتۇستى؛ يان – انداعى مەزگىل مەن جاڭا جۇڭگو قۇرىلعان العاشقى كەزدە، «حالىق ادەبيەتىنىڭ» ۇندەۋىندە جاڭا ۇلتتىق تانىم مەن كوللەكتيۆشىلدىك تانىم كەڭ كولەمدە قابىلداندى، كوپتەگەن جاۋىنگەرلەر «اق شاشتى قىزدى» كورگەن سوڭ «شي – ىر ءۇشىن كەك الايىق» دەپ ۇران سالىپ قاھارماندىقپەن سوعىسقا اتتاندى؛ ال «جاستىق جىرى»، «قىزىل جارتاس»، «كاسىپ جاراتۋ تاريحى» سياقتى شىعارمالاردى توڭىرەكتەي ورىستەتىلگەن كەڭ قوعامدىق تالقى، جاڭا جۇڭگونىڭ تاريحى مەن يدەيا بايلىعىن تۇسىندىرۋمەن بىرگە، «سوتسياليستىك جاڭا ادام بولۋ» سياقتى ماڭىزدى ماسەلەلەر جونىندە ىزدەنىس جاسادى؛ رەفورما جاساۋ، ەسىك اشۋدىڭ جاڭا داۋىرىندە، رەفورما جونىندە ورتاق تانىمعا كەلگەندىكتەن، «كلاس جەتەكشىسى»،«چياۋ زاۆود باستىعىنىڭ مىندەتكە وتىرۋ ەستەلىگى»، «گولدباح جورامالى»، «كادۋەلگى دۇنيە» سياقتى شىعارمالار قوعامدا كۇشتى اڭىس قوزعادى، وسى شىعارمالار مەن وسىلار توڭىرەگىندە ورىستەتىلگەن تالقى رەفورما جاساپ، ەسىك اشۋ مەن يدەيانى ازات ەتۋدى ونان ارى جەبەپ، ادەبيەتتىڭ باۋراۋ قۋاتى مەن رۋحاني كۇشىن تولىق ايگىلەدى.

جاۋاپتى رەداكتور: جازيرا بولاتباي قىزى