جەڭىل - جەلپى ات قويىپ، ايدار تاقپاي، ولشەم بويىنشا باعالاۋ كەرەك

  • كەلۋ قاينارى: ىلە گازەتى
  • 03:21:58 26/04/2020

    ماماندار باعامى:

    جەڭىل - جەلپى ات قويىپ، ايدار تاقپاي، ولشەم بويىنشا باعالاۋ كەرەك

    ليۋ حۋاچيڭ

    

    جابىعۋ اۋرۋىن تۇراقتاندىرۋدا از بولعاندا تومەندەگىدەي ەكى ولشەمگە تولۋى كەرەك: 1 ناۋقاستىڭ سالماقتىلىق دارەجەسى: كوڭىل كۇيدىڭ ناشارلاۋىنان ناۋقاس قاتتى مازاسىزدانۋى ءارى بۇل مازاسىزدىقتان قۇتىلا المايتىن دارەجەگە جەتۋى كەرەك. اسىرەسە، كوڭىل كۇيدىڭ ناشارلاۋى سول ادامنىڭ پسيحيكاسىن رەتتەۋ قۋاتىنا جانە قوعامدىق قيمىل قۋاتىنا (ايتالىق، ۇيرەنۋ، قىزمەتكە شىعۋ، ءۇي جٷمىستارىن تىندىرۋ، قوعامدىق قارىم - قاتىناس جاساۋ سياقتىلار) كەدەرگىلىك جاساۋ دارەجەسىنە جەتۋى كەرەك. 2. ناۋقاستانۋ بارىسى: جوعارىداعىداي جاعداي ءار كۇنى بەلەڭ بەرۋى ءارى بۇل جاعدايدىڭ جالعاسۋ ۋاقىتى از دەگەندە 2 اپتادان اسقان بولۋى كەرەك.

    ادەتتە جابىعۋ اۋرۋىنىڭ تومەندەگىدەي 6 ءتۇرلى بەينەسى بولادى. ادامدار وسى بەلگىلەرگە نەگىزدەلە وتىرىپ، وزىندە بۇل اۋرۋ بەلگىسىنىڭ بار - جٶقتىعىنا تۇجىرىم جاساسا بولادى:

    1. قىزىعۋى ازايادى، ءتىپتى ەشنارسەگە قىزىقپايدى. كاسىپتەن سىرتقى قىزىعۋى كوپ ادام جابىعۋ اۋرۋىنا شالدىقسا، اينالاداعى ادامدار ونداعى وزگەرىستى دەرەۋ سەزەدى. ءبىراق جايشىلىقتا ەشنارسەگە قىزىقپايتىن ادامدار ەگەر كۇندەلىك تۇرمىس، قىزمەت جانە ومىردەگى ءتۇرلى قۋانىش - جٷبانىشتىڭ بارىنەن بويىن اۋلاققا سالسا، ءارقانداي جٷمىستان قۋانىش سەزىنە الماسا، وندا ونىڭ قىزىعۋىنىڭ كورنەكتى تومەندەگەنىن نەمەسە ەش نارسەگە قىزىقپايتىندىعىن تۇجىرىمداۋعا بولادى.

    2. ۇمىتسىزدەنەدى. ءوزىن بارلىق جۇمىستى بىلىقتىرىپ تاستاعانداي سەزىنىپ، ەشنارسەدەن ۇمىتتەنبەي، بولاشاعى بۇلىڭعىر بولىپ كورىنەدى. كەرىسىنشە قالىپتى ادامدار بولاشاعىنان زور ءۇمىت كۇتىپ، وقۋدا ىلگەرىلەسەم، كاسىپتە تابىسقا جەتسەم، وتباسىم امان، بالا - شاعامنىڭ دەنى ساۋ، ۇزاق ءومىر كورسە دەپ ارماندايدى. ادەتتە دە كوپ ارمان - تىلەكتەرى بولادى، ايتالىق، ءوزى ۇناتقان زاتتى ساتىپ الۋ، تاماشا ءان - مۋزىكادان ءلاززاتتانۋ، اپتا سوڭىندا وتباسىنداعىلارمەن بىرگە سەيىلدەۋ سياقتىلار. بولاشاقتان ەشقانداي ءۇمىت كۇتپەۋ - جابىعۋ اۋرۋىنىڭ كورنەكتى بەلگىسى.

    3. ءوزىن دارمەنسىز سەزىنەدى. جابىعۋ اۋرۋىنا شالدىققانداردىڭ كوبىنىڭ ەمدەلگىسى كەلمەۋىندەگى باستى سەبەپ – ولار «شيپاگەر دە مەنى ەمدەپ ساۋىقتىرا المايدى، ويتكەنى مەن باسقالارعا ۇقسامايمىن، مەن قۇردىمعا كەتكەن اداممىن، بارلىق جٷمىستى قالپىنا كەلتىرۋگە بولمايدى، ەشكىم دە مەنى قۇتقارا المايدى» دەپ قارايدى. سوندىقتان دا مۇنداي ادامدار ءبىر كۇندى ءبىر جىلداي وتە قينالىپ وتكىزىپ، قاتتى جالعىزسىراپ، ءوزىن بارلىق ادامنان الشاقتاپ كەتكەندەي سەزەدى.

    4. ءوزىن دۇرىس باعالاي المايدى. كۇنى بويى «مەنىڭ ەشقانداي ارتىقشىلىعىم جٶق، قولىمنان تۇك كەلمەيدى، مەن ناعىز ىنجىقپىن» دەپ ويلايدى. تۇك بولماعاندا ولار ءوزىنىڭ ءبىلىمى، قابىلەتىنىڭ بۇرىنعىعا جەتپەيتىندەي سەزىنەدى. ءىشىنارالارى وسىعان بولا ابىرجىپ، ءوزىن قوراش سانايدى، ءتىپتى ءوزىن كىنالى سەزىنەدى.

جاۋاپتى رەداكتور: جازيرا بولاتباي قىزى