قانتتى نەسەپ اۋرۋىنا شالدىققاندار قانتتى قالاي اقاۋسىز تۇتىنۋى كەرەك

  • كەلۋ قاينارى: ىلە گازەتى
  • 03:23:23 01/05/2020

    

ءتاتتى تاعامداردى تەجەۋ قانت تۇتىنباۋ دەگەندىك ەمەس

 

        قانت _ وتە كەڭ ۇعىمدى قامتيدى، قانتتى نەسەپ اۋرۋىنا شالدىققان ناۋقاستارعا شيپاگەرلەر جاي قانتتى ازىق – تۇلىكتى تۇتىنباۋدى ەسكەرتەدى، الايدا بۇل قانت اتاۋلىنى مۇلدە جەمە دەگەندىك ەمەس. قانت _ ادام دەنەسىندە كەم بولسا بولمايتىن ءۇش ءىرى قورەكتىكتىڭ ءبىرى، ەگەر قانت ادام دەنەسىنە جەتكىلىكتى قابىلدانباسا ادام اعزاسىندا ءبىرقىدىرۋ ماسەلەلەر بەلەڭ بەرەدى، ءتىپتى، ومىرگە حاۋىپ ءتوندىرۋى دە ابدەن مۇمكىن.

    جاي قانت _ ادام دەنەسىنە تىكەلەي سىمىرىلگەننەن كەيىن گليۋكوزاعا اينالادى، ال كوفە ىشكەندە قوساتىن شاقپاق قانت _ نەگىزىنەن قوس قانتقا جاتادى، الايدا بۇل ادام دەنەسىنە سىمىرىلگەننەن كەيىن وڭاي ىدىراپ، جاي قانتقا اينالادى. ناۋقاس بۇل تۇردەگى قانتتار قوسىلعان ازىقتىقتارمەن ازىقتانعاننان كەيىن، قانداعى قانت دەرەۋ جوعارىلايدى ءارى ينسۋلينعا جاسايتىن اسەرى دە كورنەكتى بولادى دا ۋاقىت ۇزارا كەلە ادام اعزاسىنا ىقپال ەتەدى. سوندىقتان بۇل تۇردەگى قانتتاردى كوپ تۇتىنۋ دارىپتەلمەيدى.

    كۇرىش، ۇن، قارا استىق، بۇرشاق، ءداندى داقىل، جۇگەرى تەكتەستەر كوپ قانتتى ازىق – تۇلىككە جاتادى، بۇلار ادام دەنەسىندە اس قورىتۋ فەرمەنتتەرىنىڭ زات الماسۋىن تەزدەتۋ ارقىلى دەنەگە قاجەتتى قانتقا اينالادى ءارى دەنەنىڭ ەنەرگياعا قاجەتىن قاناعاتتاندىرادى، ءتىپتى، بۇل قانتتار باياۋ ءسىمىرىلۋ ارقىلى ادام اعزاسىندا پايدا بولعان تىتىركەندىرۋ مەن باسىمدى جەڭىلدەتۋ رولىن اتقارادى. سوندىقتان دا شيپاگەرلەر ناۋقاستارعا بۇل تۇردەگى ازىق – تۇلىكتى ۇنەمى جەۋدى ناسيحاتتايدى.

    قانتتى نەسەپ اۋرۋىنىڭ تيپتىك بەلگىسى _ «ءۇشتىڭ ارتىپ، ءبىردىڭ تومەندەۋى»

    «ءۇشتىڭ ارتىپ، ءبىردىڭ تومەندەۋى» دەگەنىمىز _ ۇنەمى شولدەگەندەي، سۋدى كوپ ءىشۋ، كىشى دارەت ءجيى كەلۋ، تاماققا تابەتى ارتۋ، دەنە سالماعى كورنەكتى تومەندەۋ.

    قانداعى قانت جوعارىلاعاننان كەيىن كىشى دارەت ارقىلى سىرتقا شىعارىلادى، بۇل بارىستا كوپ مولشەردەگى سۋ سىرتقا شىعارىلاتىندىقتان ناۋقاس ۇنەمى شولدەپ تۇرادى.

    مۇنان سىرت، قانتتىڭ ادام اعزاسىندا كەم بولسا بولمايتىن ءۇش ءىرى قورەكتىكتىڭ ءبىرى ەكەنىن ءبارىمىز بىلەمىز، زور مولشەردەگى ەنەرگيا سىرتقا شىعارىلعاننان كەيىن اعزانىڭ ەنەرگيا سىمىرەتىن ورتالىق نەرۆىن نەمەسە دەنە مۇشەلەرىن تىتىركەندىرىپ، قارىن اشقانداي سەزىلەدى دە ناۋقاستىڭ تاماققا تابەتى ارتادى.

جاۋاپتى رەداكتور: گۇلدەن ماقسات قىزى