ادامزاتتىڭ ەڭ جوعارى توزىمدىلىك قۋاتى جونىندە

  • كەلۋ قاينارى: ىلە گازەتى
  • 03:03:47 15/05/2020

  

    ادامنىڭ توزىمدىلىك قۋاتىنىڭ قانشالىق ەكەندىگىن بىلەسىز بە؟

    ادامزات ءوزىن ءتۇرلى جاقتا ۇزدىكسىز تولىستىرىپ، جالپى دەڭگەيىنىڭ ءتىپتى دە جوعارى ءارى جان – جاقتى بولۋىن ارماندايدى جانە وسى ارمانىن جۇزەگە اسىرۋ جولىندا تىڭ قۇلشىنىس جاسايدى. جۋىردا ۇلى بريتانيانىڭ «جاڭا عالىم» جۋرنالىندا ادامزاتتىڭ 8 جاقتاعى توزىمدىلىگىنىڭ ەڭ جوعارى شەگى جاريالانعان. وندا ءبىز ادامزاتتىڭ فيزيولوگيالىق جانە پسيحيكالىق جاقتا بەلگىلەنگەن ولشەمنەن قانشالىق الشاقتىقتا ەكەندىگىنە قاراپ كورەلىك:

    ادامنىڭ جۇگىرگەندەگى ەڭ تەز قارقىنى قانشالىق؟ بورديت قازىرگىدەن دە تەز جۇگىرە الا ما؟

    يامايكالىق بورديت 2009 – جىلعى بەرلين الەمدىك جۇلدەگەرلىككە تالاسۋ جارىسىندا دۇنيە جۇزىندەگى ەرلەردىڭ 100 مەتر ارالىققا جۇگىرۋىنىڭ رەكوردىن جاڭالاپ، التىن مەدال الىپ، وسىدان بۇرىن ءوزى جاراتقان دۇنيە جۇزىلىك رەكوردتى 0.11 سەكۋند قىسقارتتى. مىنە بۇدان ونىڭ دۇنيە جۇزىندەگى ەڭ جۇيرىك ادام ەكەندىگىن بىلۋگە بولادى. وندا ادامزاتتىڭ ەڭ تەز جۇگىرۋ قارقىنىنىڭ شەگى، ءسىرا، قانشالىق؟ ا ق ش ستانفورت ۋنيۆەرسيتەتىندەگى مامان مارك داننيدىڭ مولشەرلەۋىنشە، ەرلەردىڭ 100 مەتر ارالىققا جۇگىرۋىنىڭ ەڭ جوعارى شەگى 9.48 سەكۋند بولىپ، بورديت قازىرگە دەيىن ساقتاپ كەلگەن دۇنيە جۇزىلىك رەكوردتان نە بارى 0.1 سەكۋند قىسقا ەكەن.

    زەيىندى شوعىرلاندىرۋدىڭ ەڭ جوعارى شەگى – ادام ءۇرتىس قانشا ساعات قىزمەت ىستەي الادى؟

    ءبىر قىزمەتتى بار زەيىنىن شوعىرلاندىرا وتىرىپ ىستەيتىن ءىشىنارا ادامدار جونىنەن العاندا، ايتالىق، جۇك كولىگى شوفەرى، ەلەكتر تاراتۋ سەرىكتىگىنىڭ ەلەكتر تاراتۋ جاعدايىن باقىلاۋ قىزمەتكەرى جانە جولاۋشى ۇشاعىنىڭ ۇشقىشى سياقتىلاردىڭ ءۇرتىس 12 ساعات زەيىنىن شوعىرلاندىرا وتىرىپ قىزمەت ىستەۋى ەڭ جوعارى شەك سانالادى. ءبىراق شيپاگەر جونىنەن العاندا كۇردەلى سىرتقى اۋرۋلار وپەراتسياسىنىڭ ۋاقىتى 12 ساعاتتان اسپايدى. ۋاقىتى سالىستىرمالى تۇردە ۇزاق وپەراتسيالار ادەتتە ءبىر عانا شيپاگەرلەر ۇيىرمەسىنىڭ تامامداۋىنا جۇكتەلمەيدى.

    ەستە ساقتاۋ قابىلەتىنىڭ ەڭ جوعارى شەگى - كىتاپ جاتتاۋ، ءىس جۇزىندە بۇل وتە وڭاي جۇمىس.

    تەلەفون ەستەلىگىندەگى بارلىق ءنومىردى ەستە ساقتاپ الۋ – باسىم كوپ سانداعى ادامدار جونىنەن وتە قيىن جاعداي بولعانىمەن، بۇل قازىرگى كەزدە دۇنيە جۇزىندەگى ەستە ساقتاۋدىڭ اعا جۇلدەگەرى – ەلىمىزدەگى لۇي چاۋ 2005 – جىلى شەڭبەرلىك شاماداعى 67 مىڭ 890 عا دەيىنگى ساندى جاتتاعان. ا ق ش ماماندارىنىڭ زەرتتەۋ ناتيجەسىنەن قاراعاندا ەرەسەكتەردىڭ ميىنا 125 مەگاۆات ينفورماتسيانى ساقتاۋعا بولادى ەكەن.

جاۋاپتى رەداكتور: گۇلدەن ماقسات قىزى