اۋىل - قىستاق تاقىرىبىنداعى جاسامپازدىق ءداۋىردىڭ شىرايىن اشا ءتۇسۋى كەرەك

  • كەلۋ قاينارى: ىلە گازەتى
  • 03:34:30 28/05/2020

    اۋىل - قىستاقتىڭ قازىرگى وزگەرىسىنە تاريح پەن رەالدىق تۇرعىسىنان سالىستىرا كوز جىبەرىپ، رەفورمانىڭ ءمانىن ىشكەرىلەي اشىپ كورسەتۋ - كەزەكتەگى اۋىل - قىستاق تاقىرىبىنداعى جاسامپازدىقتىڭ نەگىزگى جولى. مۇنداي شىعارمالار تۇرمىسقا ىشكەرىلەي ارالاسىپ، حالىققا تەرەڭ تامىر تارتۋ نەگىزىندە، كەڭ بايانداۋ جۇلگەسىن قالىپتاستىرىپ اۋىل - قىستاقتاعى تاريحي وزگەرىستەردىڭ سالتاناتتى كورىنىسىن اشىپ كورسەتۋگە پايدالى. ماسەلەن، حى گۇڭنىڭ «كۇن كوتەرىلىپ كەلەدى» دەگەن شىعارماسىندا، شى - ۋ - اۋسۇن قىستاعىنداعى بۇقارانىڭ كاسىپ جاراتۋداعى تاريحي بارىسى ارقىلى جۇڭگونىڭ تاريحي وزگەرىسىن بەينەلەپ، ناقتى جاعدايدى كۇش سالا كەڭەيتىپ، تاريحتىڭ تەرڭىنە قالام تارتادى.

    سىندارلى كورەگەندىكپەن اۋىل - قىستاق تۇرمىسىن باعامداي وتىرىپ، تىڭ تانىمدىق كارتينالار مەن قۇرىلىس تاجىريبەسىن ۇسىنۋ – اۋىل - قىستاق تاقىرىبىنداعى جاسامپازدىقتىڭ تاعى ءبىر جولى. جيا پيڭ - ۋانىڭ «داي دىڭ»، سۇن حۇيفىننىڭ «سوڭعى شاڭتاڭ قىستاعىنىڭ بايانى» سياقتى شىعارمالاردا بۇل جاعىندا دەرلىكتەي قۇنتتىلىق بايقالادى. اۋىل - قىستاق تاقىرىبىنداعى جاسامپازدىقتىڭ ماڭىزدى قولعاناتى بولعان دەرەكتى ادەبيەت اۋىل - قىستاقتى كوركەيتۋدىڭ وسى زامانعى تاجىريبەلەرىن قورىتىندىلاۋعا كۇش سالىپ، ناقتى ماسەلەلەردى شەشۋدىڭ بارىسىن بەينەلەپ، اۋىل - قىستاقتىڭ تىڭ تىنىسىن بەلسەنە اشىپ كورسەتەدى. جي جۇڭجياننىڭ «اۋىل - قىستاق ەلى»، يە دودونىڭ «بىرەۋى دە قاتاردان قالمايدى»، ۋاڭ حۇڭجيانىڭ «تاڭيۋە قىستاعىنىڭ جولى» سياقتى شىعارمالاردا اۋىل - قىستاق رەفورماسىنىڭ امالياتى اڭگىمەلەنىپ، ءداۋىر رۋحى ارقىلى كەيىپكەر مەن ۋاقيعانى شەندەستىرە جازۋ – قازىرگى زامان امالياتىنىڭ ەستەمەسى ءارى بولاشاقتىڭ ماتەريالى دەۋگە بولادى. جازۋشىلار قايناعان رەال تۇرمىسقا بەلسەنە ارالاسىپ، تاريحي تاجىريبەلەردى ىشكەرىلەي قورىتىندىلاعاندىقتان، بۇل شىعارمالار وقىرماندى شىنايى باۋراپ العان.

    رۋحاني جەتەكشىلىكتى كورنەكتىلەندىرىپ، قازىرگى زامانعى اۋىل - قىستاق جاڭا ادامدارىنىڭ وبرازىن سومداۋ كەرەك

    تىڭ قوعامدىق اماليات بارىسىندا، «جاڭا ادامدار» جاڭاشا ءمان الىپ، جاڭا ءداۋىردىڭ بەلگىسىنە اينالدى. «كاسىپ اشۋ تاريحىنداعى» لياڭ شىڭباۋ، «كاۋدەلگى دۇنيەدەگى» سۇن شاۋ - ان، سۇن شاۋپيڭ سياقتى تۇرلىشە تاريحي كەزەڭدەگى داۋىرلىك جاڭا ادامدار زامان رۋحىن ۇيىستىرىپ، جۇرت كوڭىلىن جەلپىندىرىپ، ادامدى وزىنە باۋرايتىن ونەگەلىك قۇن مەن جەتەكشىلىك رول اتقاردى. جاڭا داۋىردەگى اۋىل - قىستاق تاقىرىبىنداعى شىعارمالار رۋحاني جەتەكشىلىك رولىن كورنەكتىلەندىرىپ، قازىرگى زامانعى ادەبي كەيىپكەرلەرگە كوپتەگەن جاندى دا جالىندى وبرازدار قوستى. وسى تىڭ وبرازدار ىشىندە كەدەيلىكتەن قامال الۋدىڭ ءبىرىنشى شەبىندە كۇرەسىپ جاتقان ۇزدىك نەگىزگى ساتى پارتيالى كادرلارى دا، باقىتتى تۇرمىسى ءۇشىن جانكەشتىلىكپەن كۇرەسىپ جاتقان قاراپايىم ديقاندار دا، اۋىل - قىستاقتان قالاعا بارىپ تىڭ تىرلىگىن باستاعان جاڭا توپتاعىلار دا بار. وسىنداي رۋحاني اسەر قۋاتقا يە جاڭا ادامدار ۇلان - قايىر تاريحتىڭ اياق الىسىنا ىلەسىپ، ءوز قۇنىن امالياتتا ايگىلەپ، ادامداردىڭ كوڭىلىن جەلپىنتىپ، العا باسۋعا جەبەيدى.

جاۋاپتى رەداكتور: گۇلدەن ماقسات قىزى