جۇڭگوشا ەمدەۋ شيپاگەرلىگى – دارىگەرلىگىنىڭ ادامزاتتىڭ دەنساۋلىق اقاۋسىزدىعىن قورعاۋداعى رولىن اناعۇرلىم ساۋلەلەندىرەيىك

  • كەلۋ قاينارى: ىلە گازەتى
  • 03:11:30 05/06/2020

    لي شياۋحۇڭ

    

    وزەكتى مازمۇنى

    جۇڭگو ٴداستۇرلى شيپاگەرلىگىنىڭ تاريحى ۇزاق، تامىرى تەرەڭ، ول اۋرۋدان ايىقتىرۋ، حالىققا يگىلىك جاراتۋداي اۋىر مىندەت ارقالاپ، جۇڭگو حالقى مەن جۇڭحۋا ۇلتتارىنىڭ اقىل – پاراساتىن ۇيىستىرىپ، جۇڭحۋا ۇلتىنىڭ سالاماتتىعى مەن مادەنيەتىنىڭ جالعاسۋىنا كەلەلى ۇلەس قوستى. وسى رەت جاڭا تيپتى ايدارشا ۆيرۋس وكپە قابىنۋ ىندەتىنە شالدىققانداردى قۇتقارۋ بارىسىندا، جۇڭگوشا ەمدەۋ شيپاگەرلىگى – دارىگەرلىگىنىڭ كورنەكتى ونىمدىلىىگىن ايگىلەپ، ماڭىزدى رول اتقاردى. بولاشاقتا ٴبىز جۇڭگوشا ەمدەۋ شيپاگەرلىگى – دارىگەرلىگىنىڭ قازىناسىنىڭ جاۋھارىن ىشكەرىلەي اشىپ، مۇراگەرلىك ەتۋ، جاڭالىق اشۋ قىزمەتىن ويداعىداي ىستەۋىمىز كەرەك.

    

    باس شۋجي شي جينپيڭ بىلاي دەپ اتاپ كورسەتتى:«جۇڭگوشا ٴدارى – دارمەك جۇڭحۋا ۇلتىنىڭ اسىل قازىناسى، ونى، ٴسوز جوق، ويداعىداي قورعاۋ، ويداعىداي اشۋ، ويداعىداي دامىتۋ، ويداعىداي مۇراگەرلىك ەتۋ كەرەك». وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ توسقاۋىل شايقاسىندا، ٴبىز عىلمي ساقتانۋعا، ەمدەۋگە تاباندى بولىپ، ٴدارى – دارمەكتى زەرتتەپ – اشۋ جانە ناۋقاستاردى ەمدەۋ – قۇتقارۋ جاعىندا، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا، جۇڭگوشا – باتىسشا دارىلەردى قاتار قولدانۋعا تاباندى بولدىق، جۇڭگوشا دارىگەرلىكتىڭ ەرەكشە رولى مەن قۇنىن تولىق ساۋلەلەندىرىپ، كورنەكتى تابىستارعا قول جەتكىزدىك. جۇڭگوشا شيپاگەرلىك پەن ءدارى – دارمەكتىڭ ىندەتتەن ساقتانۋ – تىزگىندەۋ توسقاۋىل شايقاسىنداعى ءونىمى حالىقارانىڭ نازارىن اۋدارىپ، ادامزاتتىڭ دەنساۋلىعىن قورعاۋدا اناعۇرلىم كەلەلى رول اتقاردى.

    جۇڭگوشا ەمدەۋ شيپاگەرلىگى – دارىگەرلىگى جۇڭحۋا ۇلتىنىڭ سالاماتتىعى ٴۇشىن كەلەلى ۇلەس قوستى

    جۇڭگو ٴداستۇرلى دارىگەرلىگىنىڭ تاريحى ۇزاق، تامىرى تەرەڭ، ول اۋرۋدان ايىقتىرۋ، حالىققا يگىلىك جاراتۋداي اۋىر مىندەت ارقالاپ، جۇڭگو حالقى مەن جۇڭحۋا ۇلتتارىنىڭ اقىل – پاراساتىن ۇيىستىرىپ، جۇڭحۋا ۇلتىنىڭ سالاماتتىعى مەن مادەنيەتىنىڭ جالعاسۋىنا كەلەلى ۇلەس قوستى.

    ىندەتتەن ساقتانۋ توسقاۋىل شايقاسى امالياتى بارىسىندا، جۇڭگوشا ء دارى – دارمەكتىڭ ىندەتتەن ساقتانۋداعى نازاريالىق جۇيەسى مەن ەمدەۋ ٴادىسى بىرتىندەپ قالىپتاستى جانە كەمەلدەندى. «پاتشا ىشكى اۋرۋلار ء تاپسىرى»، «سۇزەك كۇردەلى اۋرۋلار نازارياسى»، «بەزگەكتى سالالاي انىقتاۋ»، «ىستىق ءوتۋدىڭ جاعدايى»، «شىننۇڭ ءدارى شوپتەر ءتاپسىرى» سياقتى ءتۇرلى بايىرعى كىتاپتار ىندەتتەن ساقتانۋ جانە تىزگىندەۋدىڭ ءبىرشاما كەمەلدى نازارياسى مەن تەحنيكالىق جۇيەسىن قالىپتاستىردى. جۇڭگوشا شيپاگەرلىكتە جۇقپالى اۋرۋلار جونىندە كوپتەگەن وزىق كوزقاراستار مەن ساقتانۋ ادىستەرى بار. جۇڭگو شيپاگەرلىگى چين، حان پاتشالىقتارى داۋىرىندە جۇقپالى اۋرۋدىڭ اۋرۋ سەبەبىنىڭ ادەتتەگى اۋرۋعا ۇقسامايتىندىعىن تانىپ جەتتى ءارى جۇقپالى اۋرۋدىڭ تارالۋ، جۇعىمدالۋ ٴتاسىلى جانە كومەسكى مەزگىلى سياقتى مازمۇنداردى بايىمدادى. جۇقپالى اۋرۋدان ساقتانۋ جانە ونى ەمدەۋ جاعىندا سوناۋ چين، حان داۋىرىندە «پاتشا ىشكى اۋرۋلار تاپسرىندە» اۋرۋدان ساقتانۋ نازارياسى جۇيەلى بايىمدالعان، جاۋلاسقان بەكتىكتەر داۋىرىندە تازالىق اقاۋسىزدىعىنا قاتىستى ٴمانساپتىلار مەن ىندەتتەن ساقتانۋ ارناۋلى قىزمەتكەرلەرى سەپتەلگەن. حان داۋىرىندە دەزينفەكسيالاۋ ارقىلى ىندەتتىڭ تارالۋىنان ساقتانۋ ٴادىسى جارىققا شىققان. جۇڭگوشا شيپاگەرلىكتە ىندەتتەن ساقتانۋداعى ىشەتىن جانە سىرتتان پايدالانىلاتىن دارىلەر دە تاپقىرلاندى ءارى جۇيەلى نازاريا قالىپتاسىپ، كۇنى بۇگىنگە دەيىن كلينيكادا قولدانىلىپ كەلەدى.

جاۋاپتى رەداكتور: جازيرا بولاتباي قىزى