جۇڭگوشا ەمدەۋ شيپاگەرلىگى – دارىگەرلىگىنىڭ ادامزاتتىڭ دەنساۋلىق اقاۋسىزدىعىن قورعاۋداعى رولىن اناعۇرلىم ساۋلەلەندىرەيىك

  • كەلۋ قاينارى: ىلە گازەتى
  • 03:11:30 05/06/2020

    جەڭىل ناۋقاس بەلگىلەرىنىڭ سالماقتى اۋرۋعا وزگەرۋىن باسەيتتى. اۋرۋ بەلگىسى جەڭىل، ادەتتەگى ناۋقاستار جونىنەن العاندا، ونىڭ سالماقتى اۋرۋعا، قاتەرلى اۋرۋعا قاراي بەت الۋىن ءونىمدى تۇردە توسۋعا بولادى. جۇڭگوشا قايناتپا ءدارى مەن دايىن دارىلەر ءوزارا سايكەسىپ، جۇڭگوشا ەمدەۋ مەن ءدارى – دارمەكتىڭ قۇتقارۋ، ەمدەۋداعى قاعيداسى، ٴادىسى مەن رەتسەبى اۋرۋ بەلگىسى تۇراقتاندىرىلعان ناۋقاستىڭ اۋرۋ جاعدايىن جاقسارتىپ، ناۋقاستىڭ قىزۋىن قايتارۋ جانە جوتەلىن، جۇتقىنشعىنىڭ اۋىرعانىن، دارمەنسىزدەنۋىن جەڭىلدەتۋ سياقتى جاقتارداعى ونىمدىلىگى كورنەكتى بولدى.

    جۇڭگوشا جانە باتىسشا ەمدەۋدى ۇشتاستىرۋ اۋرۋ بارىسىن قىسقارتىپ، قۇتقارۋ، ەمدەۋ ساپاسىن جوعارىلاتتى. جۇڭگوشا، باتىسشا شيپاگەرلىك ۇشتاستىرىلعان جاڭا تيپتى ايدارشا ۆيرۋس وكپە قابىنۋ ىندەتىن كلينيكالىق زەرتتەۋ بارىسىندا، ناۋقاستىڭ ورتاشا دەنە تەمپەراتۋراسىن قالپىنا كەلتىرۋ ۋاقىتى، اۋرۋدان ايىعۋ ۋاقىتى، بالنيتساعا جاتقان ورتاشا ۋاقىتى سياقتى جاقتاردان جالاڭ باتىسشا ەمدەۋگە قاراعاندا ونىمدىلىگى كورنەكتى جاقسى بولعان. سالماقتى جانە قاتەرلى ناۋقاستار جونىنەن العاندا، ءبىر جاعىنان، سالماقتى اۋرۋلاردىڭ قاتەرلى اۋرۋلارعا وزگەرۋىن باياۋلاتىپ جانە تەجەپ، ساۋىعۋ مولشەرىن جوعارىلاتۋعا، ٴولۋ مولشەرىن تومەندەتۋگە بولادى؛ ەندى ء بىر جاعىنان، سالماقتى اۋرۋلاردى ەمدەۋدە ءبىر شاما جاقسى ءونىم بەردى. سالماقتى ناۋقاستاردىڭ اۋرۋ بەلگىلەرىن جاقسارتۋمەن بىرگە، ناۋقاستىڭ ىشكى مۇشەلەرىنىڭ قىزمەتىن دە قورعايدى.

    ناۋقاستىڭ ساۋىعۋىنا دەم بەرىپ، تۇرمىس ساپاسىن جوعارىلاتتى. ناۋقاستىڭ ساۋىعۋ مەزگىلىندە جۇڭگوشا ءدارى – دارمەكپەن ەرەكشە ەمدەۋ ٴادىسىن قولدانعاندا وكپە قىزمەتىن جاقسارتىپ، زارداپ قالۋىنان ساقتانۋعا بولادى. كوكباۋىردى، دەنەنى قۋاتتاندىراتىن، قاقىرىقتى تۇسىرەتىن كەيبىر دارىلەر مەن ينە شانشۋ، ەرمەنمەن قاقتاۋ، ۇياشىقتارعا جاپسىراتىن ءدارى، جىلۋ وتكىزگىش، لوڭقا قويۋ سياقتى ءدارى – دارمەككە جاتپايتىن جۇڭگوشا ەمدەۋ ادىستەرى دە، ناۋقاستىڭ دەنە قۋاتىن قالپىنا كەلتىرۋىنە كومەكتەسۋ جاعىندا كورنەكتى ونىمدىلىككە يە بولدى.

    جۇڭگوشا ەمدەۋ شيپاگەرلىگى – دارىگەرلىگىنىڭ رولىن مۇراگەرلىك ەتۋ، جاڭالىق اشۋ بارىسىندا كوركەيتۋدى جەبەيىك

    جۇڭگوشا جانە باتىسشا شيپاگەرلىكتىڭ زەرتتەۋ ٴادىسى مەن نازاريالىق جۇيەسىندە پارىق زور، اۋرۋدى ەمدەۋىندە دە وزىندىك ەرەكشەلىگى، ارتىقشىلىعى بار. جۇڭگوشا شيپاگەرلىكتىڭ زەرتتەۋ ادىسىندە جۇيە نازارياسى قامتىلعان، مۇندا نەگىزىنەن تۇتاس تۇلعا كوزدە ۇستالىپ، كوبىنەسە اۋرۋدىڭ قارەكتىرىن تۇراقتاندىرىپ باقىلاۋ ءتاسىل ەتىلىپ، ادەتتە جالپىلىق ٴادىس ارقىلى اۋرۋدى پارىقتاۋ جولىمەن ەمدەيدى؛ ال باتىس شيپاگەرلىگىنىڭ زەرتتەۋ ٴادىسى توتىقسىزداندىرۋ نازارياسىندا بەينەلەنىپ، نەگىزىنەن ء ىشىنارالىق كوزدەۋ ءتۇيىنى ەتىلىپ، كوبىنەسە ساندىق تاجىريبە ءتاسىل ەتىلەدى. ادەتتە اناليز جاساۋ ءتاسىلى ارقىلى پارىقتى بەلگىلەرىنە قاراي ەمدەيدى. جۇڭگو شيپاگەرلىگى مەن باتىسشا شيپاگەرلىك ادامزات مەديتسيناسىنىڭ جاۋھارى دەسەدە بولادى. قازىر جۇڭگوشا شيپاگەرلىك پەن باتىسشا شيپاگەرلىكتى تۇتاستىراتىن كوپىر بارعان سايىن كوبەيىپ، ٴوزارا ۇشتاسىپ، بىرگە دامىپ كەلەدى. وسىزامانعى شيپاگەرلىكتىڭ تەحنيكالىق ٴادىسى ءداستۇرلى جۇڭگوشا شيپاگەرلىكتىڭ وسىزامانعى قاعيداسىن زەرتتەۋدى بارىنشا جەبەدى. جۇڭگوشا ەمدەۋ شيپاگەرلىگى – دارىگەرلىگىنىڭ جالپى تۇلعالىق جانە جۇيەلىك كوزقاراسى وسىزامانعى مەديتسينا عىلىمىنىڭ مازمۇنىن بارىنشا بايىتتى. ەكەۋىنىڭ ۇشتاسۋى اۋرۋدى كلينيكالىق ەمدەۋ ونىمدىلىگىن بارىنشا جوعارىلاتىپ، بارعان سايىن مويىندالدى جانە جالپىلاستىرىلدى.

جاۋاپتى رەداكتور: جازيرا بولاتباي قىزى