ازىق – تۇلىك تۇتىنۋعا قاتىستى 8 ءتۇرلى پايدالى كەڭەس

  • كەلۋ قاينارى: ىلە گازەتى
  • 03:26:17 29/06/2020

    كوكونىستى ەڭ جاقسىسى پىسقاننان سوڭ جەۋ كەرەك، ويتكەنى جوعارى تەمپەراتۋرا كەيبىر ەگىس دارىلەرىن ىدىراتىپ، مولشەرىن تومەندەتەدى. جەمىس – جيدەك، كوكونىستى قابىعىن ارشىپ جەۋ كەرەك، مىنە، بۇل دۇنيە جۇزىلىك دەنساۋلىق ساقتاۋ ۇيىمىنىڭ ۇسىنىسى. كەيبىر جەمىس – جيدەك جانە كوكونىستى تاسۋ جانە بالعىن كۇيدە ساقتاۋ ءۇشىن، از مولشەردە بالعىن ساقتاۋ سۇيىقتىعى شاشىلادى. ال، بۇل سۇيىقتىقتى سۋمەن جۋىپ تازارتۋ وتە قيىن، سوندىقتان مەيلى جەمىس – جيدەك جانە كوكونىس بولسىن، قابىعىن ارشىپ جەگەندە ءبىرشاما حاۋىپسىز بولادى.

    ەتتى كوپ تۇتىنعاندا، دەنەدە دارىگە توزىمدىلىك قالىپتاسا ما؟

    ادامدار كوبىنەسە قۇرامىندا انتيبيوتيك ءدارى بار ەتتى جەۋدەن الاڭدايدى. بۇل جونىندە گۋ جۇڭ – ي بىلاي دەيدى: ەلىمىز ەجەلدەن مال ىندەتىنەن ساقتانۋ ءدارىسىنىڭ ىستەتىلۋ مولشەرىنە قاتاڭ شەك قويىپ، مال ىندەتىنەن ساقتانۋ ءدارىسىن قالىپتى ولشەمنەن ارتىق ىستەتۋگە قاتاڭ تيىم سالادى. سوندىقتان ەتتىڭ قۇرامىندا انتيبيوتىك ءدارى مولشەرى مەملەكەت بەلگىلەگەن ولشەمنەن اسىپ كەتپەيدى. اسىرەسە، زاڭدى، كولەمدى اۋىل شارۋاشىلىق ونىمدەرى بازارىندا ساتىلعان ەت ونىمدەرىنىڭ ءبارى حاۋىپسىز، پىسقاننان كەيىن الاڭسىز تۇتىنۋعا بولادى.

    ەندى كەيبىرەۋلەر قۇرامىندا انتيبيوتيك ءدارى بار ەتتى جەگەن سوڭ، ادام دەنەسىندە دارىگە توزىمدىلىك قالىپتاساما؟ دەگەن ماسەلەنى ورتاعا قويادى. بۇل جٶنىندە گۋ جٷڭ – ي بىلاي دەيدى: استە، ولاي بولمايدى، سەبەبى ساپاسى تولىمدى ەتتىڭ قۇرامىنداعى انتيبيوتيك ءدارى مولشەرى وتە تومەن بولادى، ونىڭ ۇستىنە ەتتى پىسىرگەن سوڭ جەيتىندىكتەن، جوعارى تەمپەراتۋرا ەت قۇرامىنداعى انيبيوتيك ءدارىنى ىدىراتىپ، اسەرىن جوعالتادى. ال، ادەتتە ادامدار انتيبيوتيك دارىلەردى ىشكەندە، ولاردىڭ قان قۇرامىنداعى انتيبيوتيك ءدارىنىڭ قويۋلىق دارەجەسى بۇل ولشەمنەن نەشە 10 ەسە جوعارىلاپ كەتەدى، سوندىقتان بۇدان الاڭداۋدىڭ قاجەتى جٶق.

    بالالارداعى ەرتە جەتىلۋدىڭ تاماقپەن قاتىسى بار ما؟

    ورەندەردەگى ەرتە جەتىلۋ جاعدايى جونىندەگى حاباردى مەديالاردان كوپ كەزىكتىرۋگە بولادى، كەيبىرەۋلەر مۇنى قۇرامىندا گورمون بار ەت ونىمدەرىن تۇتىنۋمەن تىكە قاتىستى دەسەدى.

    «ەلىمىز گورمون تۇرىندەگى دارىلەردى وتە قاتاڭ باسقارادى. مىسالى: قارا كەسەكتەندىرۋ ءدارىسىن ىستەتۋگە قاتاڭ تيىم سالادى. ال، ەۆروپا ەلدەرى مەن ا ق ش – ىندا بۇل ءدارىنى ىستەتۋگە رۇقسات ەتىلەدى. باسقا دارىلەر، مىسالى: سيىردىڭ ەتىن تەز وسىرەتىن گورمون تەكتەس دارىلەردى ىستەتۋگە ەلىمىزدە قاتاڭ تيىم سالىنعان. ال، ا ق ش – ىندا وسى تەكتەس دارىلەردى ىستەتۋگە رۇقسات ەتىلەدى». ەتتى كوپ جەگەن بالا، ەرتە جەتىلەدى، دەگەن ءسوزدىڭ ەشقانداي عىلمي نەگىزى جوق. عىلمي تۇرعىدان ايتقاندا گورموندى بەلگىلەنگەن مولشەردە ىستەتسە، دەنساۋلىققا ەشقانداي كەرى اسەرى جوق. گۋ جۇڭ – ي تاعى بىلاي دەيدى: جٷڭگو مەن شەتەلدىڭ ازىقتانۋ ادەتىندە كورنەكتى پارىق بار. مىسالى: ا ق ش – ىندا ادامدار مالدىڭ ىشكى مۇشەلەرىن نەگىزىنەن جەمەيدى.

جاۋاپتى رەداكتور: گۇلدەن ماقسات قىزى