ازىق – تۇلىك تۇتىنۋعا قاتىستى 8 ءتۇرلى پايدالى كەڭەس

  • كەلۋ قاينارى: ىلە گازەتى
  • 03:26:17 29/06/2020

    تاماقتى تارتا جەۋ ارقىلى ارىقتاۋدىڭ عىلميلىعى قانشالىق؟

    ءاربىر ادامنىڭ جاعدايى ءبىر – بىرىنە ۇقسامايتىندىقتان، ءوزىنىڭ ناقتى جاعدايىنا قاراي ازىقتانۋ مولشەرىن بەلگىلەۋ ءارى دەنە شىنىقتىرۋدى ۇزبەي جالعاستىرۋ كەرەك. سونىمەن بىرگە، گۋ جۇڭ – ي تومەندەگىدەي ۇسىنىستى ورتاعا قويدى:

    ارىقتاۋدا تەك تاماقتى تارتا جەۋگە عانا سۇيەنۋگە بولمايدى، تاماقتى ازايتقاندا، تەز ارادا ارىقتاۋ ماقساتىنا جەتكەنىمەن، زات الماسۋ قۋاتىنىڭ تومەندەي تۇسۋىمەن تەز ارادا قايتادان سەمىرىپ كەتەدى. ارىقتاۋ ماقساتىنا جەتۋ ءۇشىن، ءسوزسىز، تاماقتى تارتا جەۋ كەرەك، تەك اشىققاندا عانا ارىقتاۋعا بولادى. تاماقتى تارتا جەۋدە نەگىزگى اس ءتۇرىن ازايتۋ، اسىرەسە جىنتىكتەي مانەرلەنگەن ءبيداي ۇنى، كۇرىش تاعامدارىن از جەۋ، كەرىسىنشە كوكونىس، جەمىس – جيدەك، قارا كەسەك ەت، بۇرشاق تۇرلەرىن كوبىرەك جەپ، دەنەگە قابىلدايتىن بەلوكتىڭ جەتكىلىكتى بولۋىنا كەپىلدىك ەتۋ كەرەك. ءتاتتى تاعامداردى جانە قانداعى قانت مولشەرىن جوعارىلاتاتىن ازىق – تۇلىكتەردى جەمەۋ كەرەك. جوعارىداعى تەكتەس ازىق – تۇلىكتەر ينسۋلين سۇيىقتىعىنىڭ ءبولىنىپ شىعىپ، بىرىككەن مايدىڭ قالىپتاسۋىن تەزدەتەدى.

    تاماقتى تەجەگەن سوڭ، دەنە – ارەكەتىمەن اينالىسۋ، اسىرەسە، ۋاقىتى قىسقا، قيىندىق دارەجەسى جوعارى جاتتىعۋ ارەكەتىن جاساۋ كەرەك. مىسالى: ءبىر مينۋت جىپتەن سەكىرۋ نەمەسە دەنە شىنىقتىرۋ جابدىقتارىندا قيىندىق دارەجەسى جوعارى جاتتىعۋدى ءبىر مينۋت جالعاستىرعان سوڭ، جارىم مينۋت دەم الۋ، ونان سوڭ ءبىر مينۋت جوعارىداعى تەكتەس ارەكەتپەن اينالىسىپ، جارىم مينۋت دەم الۋ كەرەك. مۇنداي شىنىعۋعا ۋاقىت از كەتەدى، دەسە دە قيىندىق دارەجەسى جوعارى بولعاندىقتان، ادام قاتتى شارشاپ، تەر كوپ شىعادى، ءونىمى كورنەكتى بولادى.

    ارىقتاۋ - ۇزاق ۋاقىت ۇزبەي جالعاستىرۋدى قاجەت ەتەتىن ماشاقاتتى بارىس. بۇل جٶنىندە گۋ جٷڭ – ي ازىقتانۋ ەستەلىگىن جازۋدى، مىسالى كۇنىنە قانداي تاعامداردى جەگەنىن، سول كەزدەگى اسەرىن، ساعات قانشادان باستاپ قارنى اشا باستاعانىن ەستەلىك قاتىرەگە جازىپ قويۋدى، ەرەكشە جٷمىسى بولماعان جاعدايدا، ءبىر كۇندىك تاماق مولشەرىن تەجەۋدى ەسكەرتەدى. ەستەلىكتى قاراپايىمداستىرىپ، تەك تاماقتىڭ مولشەرىن نەگىز ەتىپ جازسا دا بولادى. وسىلاردى ۇزبەي جالعاستىرعاندا، تەز ارىقتاۋعا بولماعانىمەن، دەنە سالماعىنىڭ قالىپتىلىعىن، سىمباتىن ساقتاۋعا، دەنساۋلىقتى جاقسارتۋعا بولادى.

    قايتكەندە دەنەگە ءتىپتى دە كوپ كالتسي قابىلداۋعا بولادى؟

    ادام ورتا جاسقا كەلگەندە دەنەدەگى كالتسي بىرتىندەپ ازايادى، اسىرەسە، ايەلدەردىڭ دەنەسىندە كالتسيدىڭ ازايۋى ءتىپتى دە تەز بولادى. وندا قايتكەندە ازىق – تۇلىكتەن ءتىپتى دە مول كالتسي قابىلداۋعا بولادى؟ ادەتتە ءسۇت، ايران، قۇرت سياقتىلاردىڭ كالتسي تولىقتاۋ رولى كورنەكتى بولادى. بۇلاردان باسقا بۇرشاق ونىمدەرى، بۇرشاق تۇرىندەگى ازىق – تۇلىكتەر جانە كاپوستا سياقتى جاسىل جاپىراقتى كوكونىستەر قۇرامىندا كالتسي مول بولادى. كەيبىر قاتتى قابىرشاقتى جەمىستەردىڭ دە كالتسي تولىقتاۋ رولى كورنەكتى. مىسالى: بادام، كۇنجۇت سياقتىلاردى ادەتتە قوسىمشا ازىق رەتىندە ۇنەمى تۇتىنسا بولادى، ءار كۇنى ءبىر قوراپ ءسۇت ءىشۋ كەرەك. وعان كۇندەلىكتى تۇتىنعان ازىق – تۇلىكتەن دەنەگە قابىلداناتىن كالتسيدى قوسقاندا، دەنەنىڭ كۇندەلىكتى كالتسي قاجەتىن تولىق قامتاماسىزداندىرۋعا بولادى.

جاۋاپتى رەداكتور: گۇلدەن ماقسات قىزى