ازىق – تۇلىك تۇتىنۋعا قاتىستى 8 ءتۇرلى پايدالى كەڭەس

  • كەلۋ قاينارى: ىلە گازەتى
  • 03:26:17 29/06/2020

    گۋ جٷڭ – ي ايەلدەرگە قۇرامىندا كالتسي مولشەرى جوعارى ازىقتىقتاردى كوبىرەك تۇتىنۋدان تىس، تاعام ازىرلەۋدە دە بۇل جاعىنا نازار اۋدارۋدى، ايتالىق ايران قوسىپ، جەمىس سالاتىن جاساۋ، ءسۇت سياقتى قۇرامىندا كالتسي مول ازىق – تۇلىك تۇرلەرىنەن پراندىك، بالكۇلشە ءپىسىرۋ، سۇتكە جەمىس قوسىپ، توڭازىتقىشقا سالىپ، بالمۇزداق جاساۋ، قوسىمشا ازىقتىقتاردى جەگەندە ىرىمشىك، قۇرت قوسىپ جەۋ سياقتىلاردى ەسكەرتەدى. جايشىلىقتا بۇلاردىڭ ءبارى دەنەگە قابىلداناتىن كالتسي مولشەرىن ارتتىرۋعا پايدالى. سونىمەن بىرگە، ايەلدەر سىرتقا شىعىپ، دەنە شىنىقتىرۋى، كوڭىل – كۇيىن كوتەرىڭكى ۇستاپ، كۇن شۋاقتاۋى كەرەك. وسىلاي ىستەگەندە دەنە شىنىقتىرۋ جانە كالتسي تولىقتاۋ ماقساتىنا جەتۋگە بولادى.

    ازىق – تۇلىك قوسپاسىنىڭ اسەرىنەن الاڭداۋدان قالاي ارىلۋ كەرەك؟

    بۇقارا «ازىق – تۇلىك قوسپاسى» دەگەن ءسوزدى ەستىسە بولعانى الاڭدايدى. كەزىندەگى سۋدان قىزىل ءتۇستى وسىمدىگى، مەلامينى سياقتى زاڭسىز، ۋلى ازىق – تۇلىك قوسپاسىنىڭ تۇتىنۋشىلارعا قالدىرعان كەرى اسەرى توتەنشە تەرەڭ بولدى.

    گۋ جۇڭ – ي بىلاي دەيدى: سۋدان قىزىل بوياۋى، مەلامينى سياقتىلار ازىق – تۇلىك قوسپاسى ەمەس، قايتا زاڭسىز قوسپا. وسى تەكتەس زاڭسىز قوسپالاردىڭ ازىق – تۇلىك سالاسىنا باسا – كوكتەپ كىرۋى ازىق – تۇلىك قوسپاسى دەگەن بۇل اتقا وڭدىرماي داق ءتۇسىردى.

    ءىس جۇزىندە ازىق – تۇلىك قوسپاسى ازىق – تۇلىكتىڭ رەڭىن، ءيىسىن، ءدامىن جاقسارتۋمەن بىرگە، شىرۋدەن ساقتاۋ، تازا كۇيىندە ساقتاۋ جانە مانەرلەۋ تەحنيكاسىنىڭ قاجەتىن قامتاماسىزداندىرادى، ونىڭ دەنەگە ەشقانداي زيانى جٶق. ەلىمىز ازىق – تۇلىك قوسپاسىنىڭ مولشەرىنە قاتاڭ شەك قويىپ، باقىلاپ باسقارادى. ەلىمىزدە ازىق – تۇلىك قوسپاسىنىڭ جالپى ءتۇرى 2 مىڭنان اسىپ، ا ق ش – ىنداعى ازىق – تۇلىك قوسپاسىنىڭ جارىمىنا دا جەتپەيدى. قازىر دەنساۋلىق ساقتاۋ تاراۋلارى جاعىنان بەكىتىلگەن ازىق – تۇلىك قوسپالارىنىڭ از دەگەندە ەكەۋىن دامۋ ۇستىندەگى ەلدەر ازىق – تۇلىككە قوسىپ پايدالانۋدا. ادەتتە ادامدار شىرۋدەن ساقتايتىن قوسپا – پوتاسسيۇم سورباتيدىڭ ىستەتىلۋ مولشەرىنە ايرىقشا نازار اۋدارادى، ەلىمىزدە ءبىر كيلوگرام ازىق – تۇلىككە كوپ بولعاندا 0.5 گرام پوتاسسيۇم سورباتي قوسۋ بەلگىلەنگەن. ال، ەۆروپا وداعىندا ءاربىر كيلوگرام ازىق – تۇلىككە ءبىر گرام پوتاسسيۇم سورباتي قوسىلادى.

    كەيبىر ازىق – تۇلىك زاۆودتارى تۇتىنۋشىلاردى باۋراۋ ءۇشىن ازىق – تۇلىك قورابىنىڭ سىرتىنا «قۇرامىندا ازىق – تۇلىك قوسپاسى جوق»، «ەشقانداي قوسپا قوسىلماعان» دەگەن سياقتى جازۋلاردى جازىپ قويادى. بۇلاردى كورىپ، ەستىپ قانا قويسا بولادى، استە، سەنبەۋ كەرەك. تەك بال تەكتەس از سانداعى ازىق – تۇلىكتەن باسقالاردىڭ بارىنە ازىق – تۇلىك قوسپاسى قوسىلادى. ەگەر شىنىندا دا ازىق – تۇلىك قوسپاسى قوسىلماعان بولسا، ونداي ازىق – تۇلىك ساتىلماي جاتىپ، ءدامى وزگەرىپ كەتەدى.

جاۋاپتى رەداكتور: گۇلدەن ماقسات قىزى