كەيبىرەۋدىڭ ادامگەرشىلىگى 10 يۋان ارقىلى دا اڭعارىلادى

  • كەلۋ قاينارى: ىلە گازەتى
  • 06:27:43 12/07/2020

    2

    ۇيگە قايتقان سوڭ، بۇل ءىستى ءسوز سالتى ەتىپ شەشەمە ايتتىم. الايدا شەشەم تيتتەي دە تاڭ قالمادى، ول مۇنداي ىستەردى ۇنەمى كورىپ جۇرەتىن سياقتى.

    بۇرىن الگى ءبىر ۋاڭ اپايىڭمەن جاقىن وتەتىنىمدى سەن دە ءبىلۋشى ەدىڭ عوي، - دەدى شەشەم كوكونىس جۋىپ جاتىپ.

    قايسى ۋاڭ اپاي؟ ـ دەپ سۇراي قالدىم جوپەلدەمەدە ەسىمە تۇسىرە الماي.

    _وي، بالام - اي، بۇرىن بىزبەن كورشىلەس وتىرعان، قىزى سەنىمەن كاسىپتەس بولعان ۋاڭ اپايىڭدى ايتام.

    مەنىڭ ەسىمە كەلە كەتتى، بۇرىن سونداي ءبىر اپاي بولعان، شەشەم ەكەۋى ۇنەمى شۇڭكىلدەسە وتىرىپ ءبىر شاۋگىم شايلارىن بىرگە ءىشىپ، قولدارى بوساي قالسا بولعانى بىرگە بازار ارالاپ، كوكونىستى بىرگە اكەلىپ جۇرەتىن.

    ءيا، ەسىمە كەلدى، ءبىراق كەيىن كەلە سول كىسىمەن ارالارىڭىز سالقىنداپ كەتكەندەي بولدى عوي؟ ـ دەپ سۇرادىم ونان.

    دۇرىس، ارالاسپاي كەتتىك، - دەدى شەشەم كۇرسىنىپ قويىپ، ـ ول اپايىڭنىڭ ادامگەرشىلىگى ازداۋ ەكەنىن كەيىندەپ ءبىلدىم عوي. ءبىر جولى ەكەۋىمىز بىرگە ءبىر جاشىك الما الدىق، ارتىنان الما بولگەندە، ول المانىڭ شىرىگى مەن ۇساقتارىن تۇگەل ماعان سالىپ بەرىپتى. ودان سول رەت كوڭىلىم قاتتى قالدى، وزىنشە مەن ەشتەمەنى سەزبەدى دەپ ويلادى - اۋ دەيمىن، الايدا مەنىڭ ىشىمدە بارلىعى سايراپ تۇر عوي. سول ءبىر جاشىك الما ارقىلى ونىڭ كىسىلىگى قانشالىق ەكەنىن توپشىلادىم دا، ارتىنان ات كەكىلىن كەسىسىپ كەتتىم.

    كەيبىر ادامنىڭ ادامگەرشىلىگى كەيدە بولماشى ىستەن - اق كورىنە قالادى. سونشاما تۇككە تۇرعىسىز ۇساق ىستە دە سىزدەن پايدالانىپ قالۋدى كوزدەگەن ادام تۇبىندە وزىڭىزگە وپا قىلمايدى، وندايمەن ىشكەرىلەي ارالاسۋدىڭ قاجەتى جوق.

جاۋاپتى رەداكتور: جازيرا بولاتباي قىزى